Balie vaar teen weermag uit
Die ontplooiing van die NDF op die land se strate verontagsaam die wet wat hulle reguleer, sê die vereniging van advokate.
Denver Kisting – Die balie het gister by monde van sy president, adv. Gerson Narib, kommer uitgespreek oor die betrokkenheid van die weermag by beweringe oor dreigemente deur individue teen die staat.
Narib sê kragtens die Grondwet is die weermag deur wetgewing in die lewe geroep om die grensgebied en nasionale belang van Namibië te verdedig.
Daarenteen, sê Narib, is die statutêre verantwoordelikheid van die Namibiese polisie om interne veiligheid te verseker en wet en orde te handhaaf.
“Hierdie belangrike en onderskeibare grondwetlike mandate moenie verwar word nie. Dit is nie die gewone funksie van die Namibiese weermag om die interne veiligheid van Namibië te verseker en wet en orde te handhaaf nie.”
Sou die weermag, gedeeltelik of individueel, gebruik word om onder meer dié rolle te vertolk en beweerde misdade te ondersoek, misdaad te voorkom en lewe en eiendom te bewaak, móét dit in oorleg met wetgewing geskied, maan Narib.
Dit mag beslis nie die norm wees nie, sê hy.
Menings wat die weermag laat verlede jaar uitgespreek het, strook nie met hul mandaat en dié van die polisie nie, sê die regsgeleerde.
Republikein het die balie se standpunt gister met Staatshuis, die polisie en die weermag gedeel, maar teen druktyd nog geen reaksie ontvang nie.
Agtergrond
Adjunkmaarskalk Martin Pinehas, waarnemende weermaghoof, het laat verlede jaar aangekondig die weermag sal géén vrae vra wanneer mense en eiendom in die naam van politiek bedreig word nie – hulle sal net optree.
Pinehas het toe gewaarsku hulle neem die dreigemente om vir pres. Hage Geingob, wat ook die weermag se hoofbevelvoerder is, dood te maak en Staatshuis aan die brand te steek baie ernstig op.
Hy het gesê: “Die NDF is erg omgekrap oor verklarings deur individue wat, omdat hul voorkeurkandidate nie gewen het nie, hulle tot ongrondwetlike middele sal wend.”
Ondanks die vryhede wat die Grondwet waarborg, moet die uitoefening hiervan in oorleg met die land se wette gebeur, sê hy.
Die staatshoof en Namibiërs se veiligheid en enige eiendom mag nie in die naam van politiek in die gedrang kom nie, het hy gewaarsku.
Volgens hom verdien dié dreigemente “’n geskikte reaksie” van die weermag.
“Ons kan nie toelaat dat ons land in chaos verval weens selfgesentreerde individue nie.”
Hy het gesê die weermag vervul hul rol kragtens wetgewing.
“Stop (die dreigemente) onmiddellik. Hier draai ek nie doekies om nie – dit moet onmiddellik stop.”
Mnr. McHenry Venaani, leier van die Popular Democratic Movement (PDM), het toe by navraag gesê Pinehas moet sy neus uit huishoudelike politiek hou.
Nasionale veiligheid is die polisie se verantwoordelikheid, terwyl die weermag gemoeid is met die land se territoriale integriteit, het Venaani gesê.
Mnr. Bernadus Swartbooi, leier van die Landless People’s Movement (LPM), het gesê dit is onaanvaarbaar vir die weermag om betrokke te wees wanneer Geingob geen noodtoestand afgekondig het nie.
“Waar pas die weermag? Dis nie hulle plek nie. Hulle is orig.”
– [email protected]
Narib sê kragtens die Grondwet is die weermag deur wetgewing in die lewe geroep om die grensgebied en nasionale belang van Namibië te verdedig.
Daarenteen, sê Narib, is die statutêre verantwoordelikheid van die Namibiese polisie om interne veiligheid te verseker en wet en orde te handhaaf.
“Hierdie belangrike en onderskeibare grondwetlike mandate moenie verwar word nie. Dit is nie die gewone funksie van die Namibiese weermag om die interne veiligheid van Namibië te verseker en wet en orde te handhaaf nie.”
Sou die weermag, gedeeltelik of individueel, gebruik word om onder meer dié rolle te vertolk en beweerde misdade te ondersoek, misdaad te voorkom en lewe en eiendom te bewaak, móét dit in oorleg met wetgewing geskied, maan Narib.
Dit mag beslis nie die norm wees nie, sê hy.
Menings wat die weermag laat verlede jaar uitgespreek het, strook nie met hul mandaat en dié van die polisie nie, sê die regsgeleerde.
Republikein het die balie se standpunt gister met Staatshuis, die polisie en die weermag gedeel, maar teen druktyd nog geen reaksie ontvang nie.
Agtergrond
Adjunkmaarskalk Martin Pinehas, waarnemende weermaghoof, het laat verlede jaar aangekondig die weermag sal géén vrae vra wanneer mense en eiendom in die naam van politiek bedreig word nie – hulle sal net optree.
Pinehas het toe gewaarsku hulle neem die dreigemente om vir pres. Hage Geingob, wat ook die weermag se hoofbevelvoerder is, dood te maak en Staatshuis aan die brand te steek baie ernstig op.
Hy het gesê: “Die NDF is erg omgekrap oor verklarings deur individue wat, omdat hul voorkeurkandidate nie gewen het nie, hulle tot ongrondwetlike middele sal wend.”
Ondanks die vryhede wat die Grondwet waarborg, moet die uitoefening hiervan in oorleg met die land se wette gebeur, sê hy.
Die staatshoof en Namibiërs se veiligheid en enige eiendom mag nie in die naam van politiek in die gedrang kom nie, het hy gewaarsku.
Volgens hom verdien dié dreigemente “’n geskikte reaksie” van die weermag.
“Ons kan nie toelaat dat ons land in chaos verval weens selfgesentreerde individue nie.”
Hy het gesê die weermag vervul hul rol kragtens wetgewing.
“Stop (die dreigemente) onmiddellik. Hier draai ek nie doekies om nie – dit moet onmiddellik stop.”
Mnr. McHenry Venaani, leier van die Popular Democratic Movement (PDM), het toe by navraag gesê Pinehas moet sy neus uit huishoudelike politiek hou.
Nasionale veiligheid is die polisie se verantwoordelikheid, terwyl die weermag gemoeid is met die land se territoriale integriteit, het Venaani gesê.
Mnr. Bernadus Swartbooi, leier van die Landless People’s Movement (LPM), het gesê dit is onaanvaarbaar vir die weermag om betrokke te wees wanneer Geingob geen noodtoestand afgekondig het nie.
“Waar pas die weermag? Dis nie hulle plek nie. Hulle is orig.”
– [email protected]
Kommentaar
Republikein
Geen kommentaar is op hierdie artikel gelaat nie