Babi, kerkvolgeling van omkopery aangekla

30 June 2020 | Misdaad
Francoise Steynberg – Die vermeende renosterstroper, pastoor Jackson Babi (30), en een van sy kerkvolgelinge, mnr. Ananias Ananias, het gister in die Windhoek-landdroshof op twee klagte van die oortreding van die teenkorrupsiewet verskyn.

Ananias (37) het glo Vrydag omstreeks 14:20 by Game in Bismarckstraat in Windhoek die ondersoekbeampte in Babi se renosterstroperysaak met N$13 000 probeer omkoop om te sorg Babi word op borgtog vrygelaat.

Die staatsaanklaer, mnr. Rowan van Wyk, het borgtog teengestaan op grond daarvan dat die beskuldigdes met die saak kan inmeng.

Hy het gevra dat die saak tot 24 Julie uitgestel word wanneer Babi se volgende hofverskyning is.

“Alle verklarings is afgehandel en in die dossier. Slegs die videomateriaal is nog uitstaande,” het Van Wyk gesê.

Die beskuldigdes se regsverteenwoordiger, mnr. Kadhila Amoomo, het gekla sy kliënte kry nie ’n regverdige verhoor nie.

“Inligting, identiteitsdokumente en foto’s word deur die Namibiese polisie of die Teenkorrupsiekommissie (ACC) aan die media gelek wat op sosiale media versprei is,” het hy gesê.

Van Wyk het gesê hy het gister omstreeks 10:00 eers die dossier ontvang en het geen idee hoe die inligting versprei het nie.

“Die hof kan nie kommentaar lewer op die plasing van hierdie dokumente deur die media of op sosiale media nie, want die bron hiervan is onbekend,” het landdros Samunzela Samunzela gesê.

Hy het gelas dat albei beskuldigdes in aanhouding bly en die saak vir verdere polisieondersoek tot 24 Julie uitgestel.

Tydens Babi se vorige verskyning saam met die 25-jarige mnr. Frizans Dumeni in dieselfde hof op klagte van renosterstropery, -horingsmokkelary en die onwettige besit van renosterhorings, 'n vuurwapen en ammunisie, het Ananias ’n joernalis se kamera in haar gesig en teen die muur gestamp toe sy ’n foto van Babi probeer neem het.

Gister het kerkvolgelinge van die House of Joy Ministries weer ’n menseskild van beskerming om hul selfverklaarde profeet en Ananias gevorm en ’n joernalis uit die pad gestamp.

Babi staan ook saam met ander vermeende lede van ’n renosterstroperysindikaat tereg op ’n klag van renosterstropery in die Gobabis-landdroshof. Dié saak is tot 15 September uitgestel. - [email protected]

Soortgelyk

 

Fishrot: Geen borg, eis ACC

5 ure gelede | Howe

Jemima Beukes Die Teenkorrupsie Kommissie (ACC) is vas oortuig betrokkenes by die Fishrot-skandaal het op ‘n uitgebreide wyse saamgespan om honderde miljoene dollar te steel.Sowat...

Air Nam se vlerke geknip

5 ure gelede | Vervoer

Ronelle Rademeyer - Die nasionale redery is met sy rug teen die muur en het nie beweegruimte om langer die kwessie oor sy bankrotskap en...

Weer vir 9 Julie 2020

5 ure gelede | Weer

WEERWAAK: Koue en nat toestande word Vrydag en Saterdag in die Suide en Weste verwag. Baie koue toestande word oor die suidelike, sentrale en oostelike...

Munisipale werkers betoog oor kontrakte

5 ure gelede | Regering

Kristien Kruger – Sowat 600 skoonmakers het gister tydens middagete na die Windhoek munisipale hoofkantore opgeruk om ‘n klagskrif aan die burgemeester, me. Fransina Kahungu,...

Itula se partyplanne op dreef

5 ure gelede | Regering

Denver Kisting – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê dié nasionale kiesliggaam het nog nie dr. Panduleni Itula se...

Pasgebore baba toets twee keer negatief

5 ure gelede | Gesondheid

Henriette Lamprecht - 'n Pasgebore baba wat die naweek aanvanklik as Namibië se geval 362 van Covid-19 aangemeld is, het twee keer daarna negatief vir...

Bibbernaweek, reën voorspel

5 ure gelede | Weer

Elvira Hattingh – Die Namibiese weerkantoor het ‘n weerwaak uitgereik vir koue weer wat reeds van vandag af in die Weste verwag word.Terselfdertyd sal koue,...

Staat wil appelleer teen uitspraak oor arbeidsreëls

5 ure gelede | Regering

Ronelle RademeyerDie staat is voornemens om appèl aan te teken teen die volbank-uitspraak twee weke gelede waarin bevind is die Covid-19-arbeidsregulasies is ongrondwetlik en gevolglik...

Windhoek se vullis drom op

5 ure gelede | Regering

Denver KistingDae nadat die Windhoek-munisipaliteit (CoW) moes toegee hy is sy inkomste uit parkeermeters kwyt, het dié plaaslike owerheid erken hy het ook tans geen...