Baba in toilet gevind

Nederlandse toeris raakgery

18 July 2018 | Misdaad
Tanja Bause - ’n Vrou (28) word tans in die hospitaal onder polisiebewaking aangehou nadat sy volgens die Namibiese polisie se misdaadverslag haar pasgebore babaseun Sondag glo in ’n toilet gegooi het.

Na wat verneem word het die baba as gevolg daarvan gesterf.

Die voorval het om 07:00 by die Mulongela-restaurant in Katutura plaasgevind. Mense wat in dieselfde huis as die verdagte woon, het die voorval by die polisie aangemeld.

Mesaanval

Sondag om 08:22 is ‘n 27-jarige man by die ou Royal Hotel op die hoek van Dr. AB Maystraat en Onafhanklikheidslaan in Windhoek met ’n mes doodgesteek.

Die polisie vermoed drie straatkinders was in ’n bakleiery betrokke.

Twee mans van 23 en 18 is in hegtenis geneem.

Volgens die polisie word die hotel deur straatkinders bewoon.

Huisbraak

Lede van die polisie se noodeenheid is Vrydag om 01:40 na ’n huisbraak uitgeroep. Hulle het op pad soontoe ’n voertuig ontdek wat in ’n rivierbedding geparkeer was en die voertuig genader. Ses mans het in die voertuig gespring en weggejaag.

Die polisie het hulle agternagesit en skote is op die voertuig afgevuur nadat die verdagtes verbale waarskuwings geïgnoreer het.

Die voertuig se voor- en agterbande is raakgeskiet en die voertuig het tot stilstand gekom.

Die bestuurder, ’n 24-jarige Angolese man, is in hegtenis geneem. Hy sal verskyn op aanklagte van dronkbestuur en versuim om die voertuig op die polisie se versoek te stop.

Niemand is tydens die voorval beseer nie.

Masjienongeluk

Mnr. Immanuel Mbangula (26) het Vrydag om 13:00 op Swakopmund gesterf. Volgens die polisie was hy besig om ’n masjien skoon te maak wat gebruik word om bakstene te vervaardig.

Die masjienoperateur het glo nie gesien hy werk aan die masjien nie en het dit aangeskakel.

In die proses is Mbangula deur die masjien vergruis. Hy het op die toneel gesterf en die polisieondersoek duur voort.

Olifanttand

’n Man (29) van Rundu en ’n 28-jarige soldaat van die Namibiese weermag is Saterdag om 09:30 in Rhino Parkstraat in hegtenis geneem. Hulle was na bewering in die besit van een olifanttand.

Ongelukke

Vrydag om 07:00 is ’n voetganger op die B1 by die NamPower-brug in Windhoek doodgery. Nog ’n voetganger is tydens die voorval beseer. Die 24-jarige bestuurder is ook beseer en is in die hospitaal opgeneem. Volgens die polisie het die bestuurder glo te vinnig gery.

Mnr. Erenst Hoveka (22) is Vrydag om 03:30 op Gobabis oorlede nadat die voertuig waarin hy ’n passasier was in ’n kop-teen-kop-botsing betrokke was. Die bestuurder van die voertuig het van die toneel gevlug is en later in hegtenis geneem.

Die bestuurder van die ander voertuig wat in die ongeluk betrokke was, is in die Gobabis-staatshospitaal opgeneem.

Hy het glo vanuit die hospitaal gevlug en is Windhoek toe.

Sondag om 02:50 het mnr. Sharic Swartz (24) in ’n motorongeluk gesterf nadat hy vermoedelik beheer oor sy voertuig verloor het en dit omgeslaan het.

Hy was van Swakopmund af op pad Walvisbaai toe toe die ongeluk by Langstrand gebeur het.

’n Nederlandse burger (47) is met ernstige beserings in die private hospitaal op Swakopmund opgeneem nadat hy Vrydag om 16:30 deur ’n voertuig omgery is.

Die voorval het op die hoek van Theo-Ben Gurirab- en Tobias Hainyekostraat op Swakopmund plaasgevind.

Die bestuurder van die voertuig was na bewering nalatig en roekeloos.

’n Voertuig het omstreeks 14:00 Saterdag op die C19-grondpad tussen Sesriem en Solitaire Saterdag omgeslaan nadat die bestuurder daarvan glo beheer daaroor verloor het.

Die bestuurder en sy drie passasiers, almal Chinese burgers, is met beserings in die Rehoboth-hospitaal opgeneem.

Soortgelyk

 

Covid-19: Verkiesings ‘kompleks, intens’

24 minute gelede | Politiek

Denver Kisting en Kristien Kruger – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê om die plaaslike owerheid- en streekraadsverkiesings later...

Eina, jou doring

24 minute gelede | In beeld

Kristien Kruger het die foto van die geelvink wat op ’n doringdraad hardloop in haar tuin in Klein Windhoek geneem.

‘Kommerwekkende styging’ in Windhoek-gevalle

24 minute gelede | Gesondheid

Henriette Lamprecht – Die aantal Covid-19-gevalle in Windhoek is besig om vinnig te styg, ‘n situasie wat deur die minister van gesondheid en maatskaplike dienste,...

Sluit van howe in openbare belang- Dausab

24 minute gelede | Howe

Denver Kisting – Me. Yvonne Dausab, die minister van justisie, sê hoewel hofdienste, wat ’n integrale deel van geregtigheid vorm, beperk sal wees vanweë beskikbaarheid...

Weer vir 12 Augustus 2020

24 minute gelede | Weer

WEERWAAK: Koue toestande sal in die Suide voorkom. BINNELAND: Sonnig en matig in die Suide. Elders sal dit sonnig en warm tot baie warm wees....

Uitlewerings op ys weens virus

24 minute gelede | Misdaad

“Daar is individue van belang, wat vermoedelik in ons buurlande is; sommige is opgespoor en (ons) wag op die afhandeling van die vereiste administratiewe prosesse.”...

Eros se aanloopbaan opgeknap

24 minute gelede | Vervoer

Ronelle RademeyerOfskoon daar nie geld is vir omvattende rehabilitasie van die aanloopbaan by die ­Eros-lughawe in Windhoek, gaan tussentydse herstelwerk oor die volgende drie maande...

Trane loop nog steeds oor Frieda Ndatipo

24 minute gelede | Mense

Jana-Mari SmithSes jaar nadat die ­ongewapende protesteerder me. Frieda Ndatipo gedurende 'n geveg tussen die Swapo-strydkinders en die Namibiese polisie voor Swapo se hoofkantoor doodgeskiet...

Lesersfoto's 12 Augustus 2020

24 minute gelede | Lesersfoto's

Gelukkige varkie: “Dit is soos dit hoort,” sê Björn Basler. Familie: AK van Donkerhoek het die foto van die wilde perde by Aus geneem. Mooi:...