Arandis-moorde: Polisie soek hulp

Saak onopgelos

23 April 2019 | Polisie
Augetto Graig - Die polisie soek hulp met die opspoor van die aanvaller of aanvallers in die dubbele moord by Arandis verlede Maandag.

Mnr. Eckhart Mueller (72), die uitvoerende direkteur van die Namibië Instituut van Mynbou en Tegnologie (Nimt), en sy adjunk, mnr. Heimo Hellwig (60), is tussen 06:30 en 07:00 op 15 April koelbloedig doodgeskiet toe hulle vir werk by Nimt se Arandis-kampus, sowat 60 km oos van Swakopmund, opgedaag het.

Volgens adj.komm. Erastus Iikuyu, die Namibiese polisie se koördineerder van misdaadondersoeke in die Erongostreek, is twee mans Donderdag vir ondervraging in die verband aangehou, maar dieselfde dag weer vrygelaat. Een van die mans is net daarna vir die onwettige besit van ammunisie gearresteer. Iikuyu sê hy is met twee patrone vir ’n .22-geweer gevind en sal vandag in die Karibib-landdroshof verskyn.

Volgens Iikuyu het die polisie die publiek se hulp nodig wat leidrade betref.

“As enige iemand enige iets op die dag (van die moorde) opgemerk het, kan hulle die ondersoekbeamptes kontak,” het hy gesê.

Op die dag van die moorde het 'n getuie vir Republikein gesê daar is “baie skote gehoor wat afgevuur word.” Geskokte personeellede en studente is later deur die polisie huis toe te gestuur.

Die dogter van een van die slagoffers, me. Bianca Hellwig, het net ná 07:00 op haar pa, Heimo, se lyk afgekom. Sy is ook ’n werknemer by die Arandiskampus.

Adj.komm. Edwin Kanguatjivi, die nasionale polisiewoordvoerder, het gesê agt leë patroondoppies is op die toneel gevind. Volgens hom is ’n 9 mm-wapen vir die moorde gebruik.

’n Ander bron het gesê: “Die moorde is baie professioneel uitgevoer.” Ondanks wye bespiegeling is die motief vir die moorde steeds onbekend.

Nimt was die laaste ruk pal in die nuus – dikwels om verkeerde redes. Die bestuur, onder leiding van Mueller, het onlangs ’n mosie van wantroue in die raad gestel. Nuus oor moontlike afleggings was ook deurgaans op die voorgrond.

Mueller se seun, die Windhoekse prokureur mnr. Richard Mueller, sê sy pa het net die vorige Sondag uit Kaapstad van sy suster, me. Gudrun Kitshoff, se begrafnis af teruggekeer. Boonop is Mueller se vrou, me. Gudrun Mueller, drie maande gelede ook dood, sê Richard.

Gister teen druktyd is niemand nog in verband met die moorde in hegtenis geneem nie.

Soortgelyk

 

Operasie Kalahariwoestyn hervat

3 ure gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

18 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

18 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

18 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

18 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

18 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

18 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

18 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

18 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...