Appeltjie te skil met Nederland

Tielman van Lill – Die Namibiese Eagles en Nederland sal vanmiddag beide die druk voel in hul alles-of-niks ontmoeting by die T20 Wêreldbeker in Abu Dhabi, Verenigde Arabiese Emirate (VAE).Vir die meeste senior Eagles-spanlede is die manne in oranje geen vreemdelinge op die krieketveld nie.Die laaste keer toe Namibië teen dié gedugte span kragte gemeet het, was in 2019 in die einste VAE tydens die kwalifiserende toernooi vir assosiaatlande vir die 2021 T20 Wêreldbeker. Nederland (140/6 in 20 boulbeurte) het Namibië (96 almal uit in 19 bb) daardie dag in Dubai met 44 lopies geklop. Die Eagles het vierde in dié kompetisie geëindig om vir die T20 Wêreldbeker te kwalifiseer.Drie boulers was toe vir Nederland se sege verantwoordelik. Paul van Meekeren (3/16 in 4), Brandon Glover (3/15 in 3) asook Fred Klaassen (2/7 in 2) het toe die Eagle-kolwers flenters geboul. Al drie dié mijnhere is steeds integrale lede van Nederland se boulaanval.Hul topses gevaarlike kolwers is die immergroen Ryan ten Doeschate, Ben Cooper, Colin Ackermann, Max O'Dowd, Stephan Myburgh en Max O'Dowd.Nederland, wat tans 17de op die Internasionale Krieketraad (ICC) se T20-ranglys pronk, word sedert 2017 deur die Australiër Ryan Campbell afgerig. Hulle spog met nege spelers wat tans op die ICC se T20-ranglys vir boulers, kolwers of veelsydige spelers verskyn.Nederland se spelersgroep (* Spelers op die ICC se T20-ranglys):* Pieter Seelaar (kaptein, 34 jaar). Kolf regs; linkerarm ortodokse draaibouler (74 T20i-wedstryde, 568 lopies teen gemiddeld 17.75; hoogste telling 96; beste boulsyfers 4/19; 56 paaltjies teen gemiddeld 22.64). *(71ste op ICC-kolwersranglys en 69ste van die boulers). Colin Ackermann (30). Kolf regs; regterarm wegbreekbouler. (T20i: 11, 243 tn 30.37, 43, 1/6, 5 tn 29.40). Philippe Boissevain (21). Regterarm bybreekbouler; kolf regs. (T20i: 7, 14 tn 7, 7, 2/43, 6 tn 38.33).* Ben Cooper (29). Kolf links; regterarm mediumbouler. (T20i: 56, 230 tn 29.28, 91). *(39ste kolf).Bas de Leede (21). Kolf regs; regterarm mediumbouler. (T20i: 13, 221 tn 24.55, 81, 2/15, 4 tn 39.50). Scott Edwards (25). Paaltjiewagter; kolf regs. (T20i: 33, 402 tn 22.33, 42). * Brandon Glover (24). Regterarm snelbouler; kolf regs. (T20i: 19, 4/12, 28 tn 16). *(65ste boul).* Fred Klaassen (28). Linkerarm mediumsnelbouler; kolf regs. (T20i: 21, 33 tn 5.5, 13, 3/31, 20 tn 29.05). *(92ste boul).Stephan Myburgh (37). Linkerhandse aanvangskolwer, regterarm wegbreekbouler. (T20i: 33, 741 tn 24.7, 71).* Max O'Dowd (27). Kolf regs. (T20i: 40, 1 038 tn 28.83, 133). *(42ste kolf). * Ryan ten Doeschate (41). Veelsydig, kolf regs, regterarm mediumsnelbouler. (T20i: 22, 533 tn 44.41, 59, 3/23, 13 tn 81.84). *(91ste kolf).Logan van Beek (31). Regterarm mediumsnelbouler; kolf regs. (T20i: 8, 3/39, 5 tn 32). * Timm van der Gugten (30). Regterarm mediumsnelbouler; kolf regs. (T20i: 39, 109 tn 15.57, 40, 3/9, 40 tn 21.17). *(88ste boul). * Roelof van der Merwe (36). Kolf regs; linkerarm ortodokse bouler. (T20i: 43, 454 tn 26.70, 75, 4/35, 54 tn 17.37). *(55ste boul).* Paul van Meekeren (28). Regterarm mediumsnelbouler; kolf regs. (T20i: 45, 44 tn 4.88, 18, 4/11, 47 tn 22.57). *(62ste boul). – tielman@republikein.com.na

Appeltjie te skil met Nederland

Kommentaar

Republikein 2025-07-07

Meld asseblief aan om kommentaar te lewer

Appeltjie te skil met Nederland

Kommentaar

Republikein 2025-07-07

Meld asseblief aan om kommentaar te lewer

MELD AAN

Advertensie