Antjie Krog plaas gewraakte toespraak in konteks

08 August 2019 | Kuns en vermaak
Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat deur regse aktiviste gebruik word om haar in die sosiale media te verguis.
Krog, wat tans die Windhoek Woordfees bywoon, het vanoggend in ’n radio-onderhoud met Kanaal 7 gesê Praag (’n regse groep) het ’n reaksie op haar sleutelrede tydens die 2015 Sunday Times Literêre Toekennings, op sy webwerf geplaas.
“Nou is almal weer verskriklik kwaad daaroor,” het sy gesê met verwysing na aanvalle op haar in die sosiale media.
“Die eintlike punt wat ek wou maak is die hoe op aarde het ons wat wit is, ooit kon dink ons sou kon aanbly soos ons was en kon bly leef soos wat ons geleef het,” sê sy.
“Wat ek ook gesê het en wat nie enige reaksie uitlok nie, is wat is dit wat swartmense van witmense wil hê. . .
“Wat wil jy hê moet hulle doen. Waar wil jy hê moet hulle deelneem. Êrens moet jy tog ’n voorwaarde gee. Of gaan jy vir eeue lank al die skuld op hulle (witmense) pak,” het sy in die onderhoud gesê.
Sy het in haar toespraak wit Suid-Afrikaners opgeroep tot ’n daad van radikale uitreik na swartmense, soortgelyk aan wat oudpres. Nelson Mandela 24 jaar gelede gedoen het toe hy die Wêreldbeker-rugbytoernooi in 1995 met Francois Pienaar se rugbytrui aan bywoon het.
Sy het gesê dit is “miskien tyd vir Suid-Afrikaners om eerlik te praat, om brutale openbare gesprekke te voer”.
Krog, ’n professor in letterkunde aan die Universiteit van Wes-Kaapland, is vanaand tydens die Filosofiegesprek by die Woordfees aan die woord. Dr. Christo Lombard, ’n oud-kollega van haar wat deesdae in Windhoek woon, sal met haar gesels oor 25 jaar van ’n demokratiese Suid-Afrika.
Of versoening wel plaasgevind het, is een van die vrae wat bespreek sal word.
Sy het in die radio-onderhoud met verwysing na die tirades teen haar gesê dit is die kontemporêre media (sosiale media) wat aan almal ’n demokratiese stem gee.
“Ek self lees dit nooit. Ek gaan nie daarop in nie. Jy spandeer dae en weke in agonie. . . nee, ek het ander wonderlike dinge om te doen.”
Krog neem ook Saterdagoggend aan die Skrywersgesprekke deel, en sal die aand tydens die afsluitingsgeselligheid van haar gedigte voordra.

Foto: Netwerk 24

Soortgelyk

 

ECN-besluit 'n ramp'

10 ure gelede | Politiek

Denver Kisting – Die hoofverkiesingsbeampte, mnr. Theo Mujoro, sê die Verkiesingskommissie van Namibië (ECN) word gepenaliseer omdat hy die wet toepas.Dít, sê Mujoro via WhatsApp...

'Namibiërs het vertroue in demokrasie verloor'

10 ure gelede | Politiek

Denver Kisting – Die bekende politiekewetenskapdosent prof. André du Pisani sê mense het vertroue verloor in demokrasie se legitimiteit om voldoende te presteer.Hy het dié...

Nog bietjie slaap, nog bietjie sluimer

10 ure gelede | In beeld

Die ministerie van die omgewing en toerisme het besoekers aan die Etosha Nasionale Park gister om verskoning gevra toe die Andersson-hek laat oopgemaak het. Toerbusse,...

RDP registreer kandidate te midde twis

10 ure gelede | Politiek

Catherine Sasman - Die Rally for Democracy and Progress (RDP) het Vrydag sy presidensiële en Nasionale Vergadering-kandidate vir November se verkiesings by die Verkiesingskommissie van...

Weer vir 17 Oktober

10 ure gelede | Weer

WEERWAAK: Winderige toestande duur oor die hele land voort. Swaar reën kan oor plekke in die //Kharasstreek voorkom. Inwoners word aangeraai om die nodige voorsorg...

Outjo-aanval: Twee vandag in hof

10 ure gelede | Howe

Elvira Hattingh - Twee verdagtes is in verband met Maandag se Outjo-aanval in hegtenis geneem en sal vandag hul eerste verskyning in die hof op...

Gay-huwelike: Niks verander vir Namibië

10 ure gelede | Gesondheid

Henriette Lamprecht – Die moderatuur van die NG Kerk in Namibië is “diep besorg” oor spanning en ongelukkigheid by lidmate en leraars oor ’n besluit...

ACC kry voetsoldate

10 ure gelede | Misdaad

Augetto Graig - Voetsoldate in die nasionale stryd teen korrupsie ontvang tans opleiding. Mnr. Paulus Noa, direkteur van die Teenkorrupsiekommissie (ACC), het die regering se...

Indonesië skenk vir droogtehulp

10 ure gelede | In beeld

Die Indonesiese ambassadeur in Namibië, mnr. Eddy Basuki, het Maandag N$100 000 aan die adjunk- eerste minister en minister van internasionale betrekkinge en samewerking,...