Antivirus-programmatuur van Russiese bande verdink

Nederland keer Kaspersky die rug

16 May 2018 | Tegnologie
Die Nederlandse regering het Maandag gesê daar is besluit om as “voorsorgmaatreël” nie meer gebruik te maak van die anti-virusprogrammatuur Kaspersky nie.

Die regering raai ook enige maatskappy wat vir die beskerming van gebruikers se inligting verantwoordelik is aan om dieselfde te doen.

In ’n brief aan die parlement skryf die minister van justisie, Ferdinand Grapperhaus, die besluit is geneem omdat die Russiese regering ’n “aanstootlike kuberprogram het wat onder meer Nederlandse belange teiken”.

Kaspersky se anti-virusprogrammatuur word deur Kaspersky Labs, ’n Russiese maatskappy, vervaardig.

Grapperhaus het bygevoeg dat Kaspersky derhalwe onderworpe is aan Russiese wette wat hom kan verplig om aan Russiese staatsbelange te voldoen.

Die besluit is die jongste terugslag vir Kaspersky, wie se stigter, Eugene Kaspersky, herhaaldelik ontken het dat die maatskappy enige samewerking aan Russiese intelligensiedienste gee.

Kaspersky Labs kon nie onmiddellik vir kommentaar bereik word nie.

Die Nederlanders se besluit volg op ’n vroeëre besluit in 2017 deur die Amerikaanse departement van binnelandse veiligheid om ook nie meer Kaspersky-sagteware te gebruik nie.

Brittanje se nasionale sentrum vir kuberveiligheid het vroeër ook ’n waarskuwing uitgereik aan organisasies en agentskappe om nie Russiese anti-virusprogrammatuur te gebruik nie aangesien dié programme moontlik geklassifiseerde inligting aan die Kremlin kan uitlek.

Twitter het Kaspersky Labs ook in April verbied om op die platform te adverteer en het na die beweerde bande tussen die maatskappy en Russiese intelligensie verwys.

“Die Nederlandse regering het ’n onafhanklike ondersoek gedoen en op daardie grondslag ’n weldeurdagte besluit geneem,” het Grapperhaus gesê. “Hoewel daar nog geen konkrete gevalle van misbruik was nie, kan dit nie uitgesluit word nie.”

Grapperhaus het bygevoeg dat die regering bereid sal wees om sy besluit te hersien, “indien omstandighede dit regverdig”. – Netwerk24/Reuters

Soortgelyk

 

Covid-19: Verkiesings ‘kompleks, intens’

1 uur gelede | Politiek

Denver Kisting en Kristien Kruger – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê om die plaaslike owerheid- en streekraadsverkiesings later...

Eina, jou doring

1 uur gelede | In beeld

Kristien Kruger het die foto van die geelvink wat op ’n doringdraad hardloop in haar tuin in Klein Windhoek geneem.

‘Kommerwekkende styging’ in Windhoek-gevalle

1 uur gelede | Gesondheid

Henriette Lamprecht – Die aantal Covid-19-gevalle in Windhoek is besig om vinnig te styg, ‘n situasie wat deur die minister van gesondheid en maatskaplike dienste,...

Sluit van howe in openbare belang- Dausab

1 uur gelede | Howe

Denver Kisting – Me. Yvonne Dausab, die minister van justisie, sê hoewel hofdienste, wat ’n integrale deel van geregtigheid vorm, beperk sal wees vanweë beskikbaarheid...

Weer vir 12 Augustus 2020

1 uur gelede | Weer

WEERWAAK: Koue toestande sal in die Suide voorkom. BINNELAND: Sonnig en matig in die Suide. Elders sal dit sonnig en warm tot baie warm wees....

Uitlewerings op ys weens virus

1 uur gelede | Misdaad

“Daar is individue van belang, wat vermoedelik in ons buurlande is; sommige is opgespoor en (ons) wag op die afhandeling van die vereiste administratiewe prosesse.”...

Eros se aanloopbaan opgeknap

1 uur gelede | Vervoer

Ronelle RademeyerOfskoon daar nie geld is vir omvattende rehabilitasie van die aanloopbaan by die ­Eros-lughawe in Windhoek, gaan tussentydse herstelwerk oor die volgende drie maande...

Trane loop nog steeds oor Frieda Ndatipo

1 uur gelede | Mense

Jana-Mari SmithSes jaar nadat die ­ongewapende protesteerder me. Frieda Ndatipo gedurende 'n geveg tussen die Swapo-strydkinders en die Namibiese polisie voor Swapo se hoofkantoor doodgeskiet...

Lesersfoto's 12 Augustus 2020

1 uur gelede | Lesersfoto's

Gelukkige varkie: “Dit is soos dit hoort,” sê Björn Basler. Familie: AK van Donkerhoek het die foto van die wilde perde by Aus geneem. Mooi:...