Ambassade reageer op Chinees se moord

Klagte van moord, roof en regsverydeling

07 May 2019 | Howe
Denver Kisting – Die Chinese ambassade sê hy hoop geregtigheid geskied spoedig nadat ’n burger van dié land verlede week wreed vermoor is.

Mnr. Sun Yanhui (34) is glo op Werkersdag by ’n bouonderneming buite Rehoboth keelaf gesny.

’n Voormalige kollega van Yanhui, mnr. Tuhafeni Thomas (27), is Vrydag in verband met die moord in hegtenis geneem.

Die ambassade het Sondag by monde van me. Lu Hairong, sy woordvoerder, gesê: “Die Chinese ambassade in Namibië het kennis geneem van ’n strafsaak wat op 1 Mei 2019 in die Hardapstreek aanhangig gemaak is oor ’n Chinese burger wat vermoor is. Ons betuig ons innige meegevoel met die familie van die oorledene en hoop sterk die Namibiese polisie vang die oortreders en laat geregtigheid geskied.”

Thomas het gisteroggend vlugtig in die Rehoboth-landdroshof op aanklag van moord, roof en regsverydeling verskyn.

Die landdros, mnr. Desmond Beukes, het die saak tot 23 Mei uitgestel sodat Thomas se aansoek om regshulp verwerk kan word.

Me. Hillia Munzenze het namens die staat aangekla.

Hoofinsp. Kauna Shikwambi, ’n polisiewoordvoerder, het die naweek gesê Yanhui is vermoedelik verlede Woensdag buite die Hardapdorpie vermoor.

Sy sê hy is by New Hope Investments, ’n beslote korporasie, keelaf gesny.

Shikwambi het gesê Yanhui was ’n bestuurder by dié steenonderneming.

Volgens haar is die man op die perseel oorval en aangeval.

Sy keel is met ’n skerp voorwerp gesny, sê sy.

“Sy lewelose lyf is in ’n plas bloed ontdek met albei sy hande agter sy rug vasgemaak en ’n groen lap in sy mond gedruk.”

Die woordvoerder het gesê die man se lyk is tussen 20:00 en 20:30 ontdek.

Soortgelyk

 

COVID-19 in Namibia: Data round up 25 - 28...

32 minute gelede | Gesondheid

Current situation with official data by Thursday 28 May 2020 (showing changes since 24 May 2020) and prelimenary data announced this morning for yesterday.GENERAL INFORMATIONThe...

Geval 22: stabiel, steeds op ventilator

3 ure gelede | Gesondheid

Namibië se 22ste bevestigde Covid-19-geval, 'n 63-jarige man van die kus, is steeds aan 'n ventilator gekoppel. Volgens die adjunkminister van gesondheid en maatskaplike dienste...

Kawana gee besonderhede oor viskwotas

1 dag gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...