Altron hou nou lisensie vir Microsoft in SA

11 October 2019 | Tegnologie
Carin Smith – Microsoft het die genoteerde tegnologiefirma Altron as ’n gelisensieerde oplossingsverskaffer (LSP) in Suid-Afrika aangewys.

Die ooreenkoms kom terwyl Altron sy filiaal Altron Karabina posisioneer as die aangewese vennoot vir “alles Microsoft”, sê Mteto Nyati, uitvoerende hoof van die groep, in ’n verklaring.

Altron het Karabina onlangs aangeskaf.

EOH, ook ’n genoteerde IT-firma, het in Maart bekend gemaak hy herverkoop nie meer programmatuurlisensies vir Microsoft nie.

Microsoft het in Februarie bekend gemaak hy gaan sy kontrak met die EOH-filiaal EOH Mthombo beëindig. Dié filiaal was ’n Microsoft Channel Partner, wat hom magtig om sekere Microsoft-produkte en -dienste te verkoop.

EOH het destyds gesê Microsoft het nie redes vir die beëindiging van die kontrak verskaf nie.

Grant van der Wal, Altron Karabina se besturende direkteur, sê die aanwysing as LSP lui ’n opwindende tyd vir Altron Karabina in.

“Dit stel ons in staat om ons programmatuur-diensafdeling bekend te stel wat ons Microsoft-bevoegdhede aanvul met verwysing na data en ontleedkunde, kunsmatige intelligensie, verhoudingsbestuur, bestuur van sakeprosesse, moderne werkplekke, Azure en DevOps.”

Die programmatuur-diensafdeling word bekend gestel ten tyde van ’n groot skuif na wolkgegronde dienste, soos gesien met die onlangse opening van die Microsoft-datasentrums, volgens Altron.

Altron is deur sy Britse filiaal, Bytes UK, ook in dié land Microsoft se grootste LSP-vennoot. Dit is ’n posisie wat die tegnologiefirma graag na Suid-Afrika wil uitbrei.

Altron Karabina werk nou met Bytes saam om hul sukses plaaslik te dupliseer. – Fin24/Netwerk24

Soortgelyk

 

COVID-19 in Namibia: Data round up 25 - 28...

30th of May 12:51 | Gesondheid

Current situation with official data by Thursday 28 May 2020 (showing changes since 24 May 2020) and prelimenary data announced this morning for yesterday.GENERAL INFORMATIONThe...

Geval 22: stabiel, steeds op ventilator

2 ure gelede | Gesondheid

Namibië se 22ste bevestigde Covid-19-geval, 'n 63-jarige man van die kus, is steeds aan 'n ventilator gekoppel. Volgens die adjunkminister van gesondheid en maatskaplike dienste...

Kawana gee besonderhede oor viskwotas

1 dag gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...