Alles ‘weer normaal’ by Capitec Alles ‘weer normaal’ by Capitec

21 February 2018 | Bankwese
Sake is “terug na normaal” by Capitec Bank, sê Gerrie Fourie, uitvoerende hoof.

Viceroy Research, wat verslae oor Steinhoff International gepubliseer het, het Capitec ook onlangs in sy visier gehad.

Ten spyte van aanvanklike onsekerheid en onttrekkings deur kliënte, het Capitec tussen 6 000 en 8 000 kliënte per dag in Februarie bygekry.

Die bank verwag om sowat 9,8 miljoen kliënte teen einde Februarie, wat ook die einde van sy boekjaar is, te hê.

Dit is teenoor die 8,6 miljoen kliënte ’n jaar tevore.

Hoewel die bank se aandeelprys weer begin herstel het nadat Viceroy die bank op 30 Januarie daarvan beskuldig dat hy leningsverliese verberg en slegte skuld onderskat, is die aandeelprys op R823,90 steeds 10% laer as voor die verslag gepubliseer is.

Fourie sê sy ongeloof het in woede verander nadat hy die verslag gelees het.

Die bank – wat ongesekureerde lenings aan hoofsaaklik lae- en middelinkomste-huishoudings bied, was een van die beste bankaandele in ontluikende markte sedert hy in 2002 genoteer het.

Fourie het op 13 Februarie gesê Viceroy teiken veral maatskappye wat goed presteer.

"Ons aandele het geweldig baie gestyg – dit is wat ’n kortverkoper voor op die uitkyk is. Dit is die ideale maatskappy om kort te verhandel,” het hy tóé gesê.

Ons aandele het geweldig baie gestyg – dit is wat ’n kortverkoper voor op die uitkyk is.

Gerrie Fourie

Viceroy gee egter nie op nie en het op 14 Februarie nóg ’n verslag oor die bank gepubliseer.

“Capitec se uitleenpraktyke is baie onverantwoordelik,” sê Fraser Perring, stigter van Viceroy, in ’n antwoord oor Capitec wat per e-pos gestuur is.

“Daar is bewyse aan ons gestuur wat wys mense het onderneem om 70% van hul netto maandelikse inkomste te betaal om skuld af te betaal.”

Fourie sê Capitec fokus nou op sy bedrywighede en beplan nie om regstappe teen Viceroy te doen nie.

Hy sê daar is nie ’n finale besluit geneem oor of Capitec ’n onafhanklike ondersoek deur ’n konsultant of ’n ouditeur in die bank se uitleenpraktyke sal steun of nie.

Capitec is besig om voor te berei vir ’n ondersoek deur die Raad op Finansiëledienste oor moontlike markmisbruik en oortredings van die Wet op Finansiële Markte deur Viceroy, sê Fourie.

Viceroy word deur ontleders soos Arqaam Capital, JPMorgan Chase & Co. en Avior Capital Markets gekritiseer dat hy Capitec met African Bank Investments (ABI) vergelyk, wat in Augustus 2014 gevou het.

Slegte skuld wat die hoogte in geskiet het terwyl ABI nie voorsiening daarvoor gemaak het nie, was die rede vir die bank se ondergang.

Viceroy is nie die eerste maatskappy om Capitec oor sy uitleenpraktyke te kritiseer nie.

Die bank word deur Summit Financial Partners gedagvaar wat beweer die bank het die land se kredietwette oortree.

Die saak word in Maart gehoor.

Capitec staan die bewerings teen.

Bewerings

In sy nuutste nota oor Capitec beweer Viceroy die bank buit kliënte se lopende rekeninge uit deur eerste terugbetalings vir lenings wat aan hom verskuldig is af te trek voor enige ander skuld afgetrek word.

Luidens reëls op die webtuiste van die Betalingsvereniging van Suid-Afrika word debietorders op ’n willekeurige basis sonder enige voorkeur afgetrek om te verseker “daar is ’n gelyke en billike geleentheid om betalings wat uit die rekening verskuldig is, te ontvang.”

Viceroy beweer ook Capitac gee nuwe lenings aan kliënte die dag nadat hul agterstallige betalings op ander lenings vereffen is.

Die verslag was weer “vol feitelike foute, misleidende halfwaarhede en sensasionele stellings,” sê Capitec in ’n verklaring.

Die maatskappy kon nie onmiddellik kommentaar lewer oor die bewering dat kliënte nuwe lenings kon aangaan die oomblik as hul agterstallige skuld betaal is nie.

Capitec sê net hy maak voorsiening vir alle kliënte. – Netwerk24/Bloomberg, verwerk

Soortgelyk

 

Plaasaankope ‘is niemand se besigheid’

45 minute gelede | Plaaslik

Denver Kisting – Die minister van verdediging, mnr. Penda ya Ndakolo, hou vol die ministerie het nié die plaas Otjisemba gekoop nie.Behalwe dat hulle nie...

Dwelmvonds ruk kus

45 minute gelede | Misdaad

Otis Finck op Walvisbaai – ’n Bekende gesin van Narraville op Walvisbaai word glo verbind met ’n reusedwelmvonds die afgelope naweek.Die polisie in die Erongostreek...

Dag van die Afrika-kind

45 minute gelede | Gebeure

Die Dag van die Afrika-kind word jaarliks op 16 Junie op die vasteland herdenk. Hier luister van die kleingoed van die Rene Kids Centre op...

LPM 'is 'n politieke party'

45 minute gelede | Politiek

Catherine Sasman - Leiers van die Landless People’s Movement (LPM) sê hoewel die organisasie nog by die Verkiesingskommissie van Namibië (ECN) geregistreer moet word,...

Weer vir 18 Junie 2018

45 minute gelede | Weer

BINNELAND: Koud aanvanklik in die binneland. Dit sal gedeeltelik bewolk en matig in die ||Kharasstreek wees met enkele buie in die verre Suidweste. Elders sal...

Weer vir 15 Junie 2018

45 minute gelede | Weer

BINNELAND: Koud aanvanklik in die binneland. Dit sal gedeeltelik bewolk en matig in die ||Kharasstreek wees met enkele buie in die verre Suidweste. Elders sal...

Gretzky kry doodstraf vir ’n donkie

45 minute gelede | Omgewing

Des Erasmus - Sewe woestynleeutroppe is leierloos nadat ‘n uitgeteerde mannetjie in die nagtelike ure van Saterdagoggend by De Rust in die Ugabvallei wes van...

Meatco sál weer BTW betaal

45 minute gelede | Landbou

Elvira Hattingh – Meatco se amptelike aankondiging dat dit weer 15% belasting op toegevoegde waarde (BTW) aan produsente sal betaal wat beeste by abattoirs lewer,...

NBC-werkers woedend oor geldsake

45 minute gelede | Arbeid

Augetto Graig - Werknemers van die NBC sal nie langer wanbestuur duld nie.Een van die grootste kwessies is die nasionale uitsaaikorporasie se versuim om derde...