AJ in self-afsondering ná hy prins Charles ontmoet

27 March 2020 | Sport
Die Britse bokskampioen Anthony Joshua is in self-afsondering nadat hy ’n ontmoeting gehad het met die Covid-19-besmette prins Charles.

Die 71-jarige opvolger van die Britse troon is positief vir die koronavirus getoets, maar sy toestand is goed en hy is nou met matige simptome in self-isolasie in Skotland.

Die Independent berig dit is onduidelik wanneer Charles met die virus besmet is, maar hy het op 9 Maart die dag deurgebring saam met die koningin, die eerste minister en vermaaklikheid- en sportsterre – insluitend Joshua – by die Statebonddag-diens by Westminster Abbey.

Joshua het sedert April 2016 die swaargewigtitels van die Wêreldboksvereniging (WBA), Wêreldboksorganisasie (WBO), Internasionale Boksfederasie (IBF) en Internasionale Boksorganisasie (IBO) een ná die ander versamel. Sy rekord in die beroepskryt staan op 23 oorwinnings (21 uitklophoue) en ’n enkele nederlaag teen Andy Ruiz (VSA) verlede jaar – ’n uitslag wat hy in Desember gewreek het met ’n gemaklike puntesege wat hom weer al sy kampioengordels terugbesorg het.

’n Woordvoerder van Joshua sê: “AJ is tuis en volg die regering se riglyne, hy is fiks en gesond.

“Hy wens almal wat deur die virus geraak word ’n spoedige herstel en rig ’n groot dankie aan diegene in die voorste linie.”

Indien sake volgens plan verloop, verdedig Joshua sy titels van die WBA, WBO, IBF en IBO op 20 Junie in die sokkerspan Tottenham Hotspur se stadion in Londen teen Kubrat Pulev van Bulgarye.

Maar die Covid-19-pandemie kan die geveg vertraag en sodoende die langverwagte ontmoeting eers volgende jaar laat plaasvind tussen Joshua en sy Britse landgenoot Tyson Fury, die swaargewigkampioen van die Wêreldboksraad (WBC) wat die enigste ander hoog gerekende “wêreldgordel” hou.

Joshua het op Twitter sy dankbaarheid uitgespreek vir almal wat hul deel doen in die stryd teen die koronavirus. – Netwerk24

Soortgelyk

 

Geld rol vir ramp

9 ure gelede | Regering

Jo-Maré Duddy – Die regering se N$8-miljardvoorskrif teen die ekonomie se Covid-koors is gister deur ekonome verwelkom, veral omdat dit amptelik as die eerste fase...

Baba jongste Covid-19-geval

9 ure gelede | Gesondheid

Henriette Lamprecht - ’n Nege maande oue baba is saam met sy pa die nuutste twee gevalle van Covid-19 in Namibië. Dit bring die nasionale...

Só werk landbou in inperkingstyd

9 ure gelede | Landbou

Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie. Voltydse boere en plaaswerkers...

NMH skenk toerusting, kospakkies vir padblokkades

9 ure gelede | Gesondheid

In ’n poging om die vinnige vloei van noodsaaklike vragverkeer by die vier padblokkades na die Khomasstreek te bewerkstellig, het Namibia Media Holdings (NMH) gister...

Noodtoestand: ‘Niks is normaal’

9 ure gelede | Regering

Denver Kisting - Me. Yvonne Dausab, die minister van justisie, sê Namibiërs bevind hulle midde-in ’n buitengewone situasie. “Ons is in ’n noodtoestand. So, niks...

Weer vir 2 April 2020

9 ure gelede | Weer

BINNELAND: Mooi weer en baie warm in die Weste. Elders sal dit gedeeltelik bewolk en baie tot bloedig warm wees met enkele donderbuie in die...

Pandemie slaan toerismebedryf hard

9 ure gelede | Toerisme

Francoise Steynberg - Die toerismebedryf gaan heel waarskynlik die hardste deur die Covid-19-pandemie getref word. Só sê die uitvoerende hoof van die Gasvryheidsvereniging van Namibië...

Fishrot-hokaairoeper glo gedreig, vergiftig

9 ure gelede | Misdaad

Catherine Sasman – Mnr. Jóhannes Stefánsson, hokaairoeper in die internasionale korrupsieskandaal, oftewel die Fishrot-sage, het aan Yslandse verslaggewers gesê hy is al verskeie kere vergiftig...

Fitch gradeer SA banke verder in rommel in

9 ure gelede | Afrika

Nellie Brand-Jonker - Fitch het die vyf groot banke van Suid-Afrika naamlik Absa, FirstRand, Investec, Nedbank en Standard Bank verder in rommel afgradeer.Alle nasionale langtermyngraderings...