Air Nam: Likwidasie het impak op jagbedryf

Napha bekommerd oor lugvervoer

23 February 2021 | Toerisme
Francoise Steynberg

Air Namibia se likwidasie het ’n impak op die jagbedryf met nuwe opsies wat gevind moet word vir die vervoer van trofeë, wapens en ammunisie vir buitelandse jagters.

“Ons taksidermiste en verskepingsmaatskappye sal nou nuwe of alternatiewe opsies moet vind om trofeë en jagmemorabilia vir ons jagkliënte na hul verskillende lande te vervoer,” het die uitvoerende hoof van die Namibië Professionele Jagtersvereniging (Napha), me. Tanja Dahl, gesê.

“Air Namibia wat verbind is aan die Namibiese Grondwet wat die gereguleerde volhoubare gebruik van ons wildlewe bekragtig, was ’n getroue vennoot in hierdie verband,” het sy gesê.

“Verskepingsagente sal nou alternatiewe opsies moet vind, want sommige lugrederye verbied die vervoer van jagtrofeë en ander weier om wapens en ammunisie te vervoer.”

Dahl het aan Republikein gesê sommige lugredery vervoer wel jagtrofeë, maar ander weier om trofeë van kategorie I van die Konvensie vir die Handel in Bedreigde Spesies (Cites) te vervoer.

“Oor die algemeen is dit ’n netelige situasie,” sê Dahl.

Volgens haar vervoer Lufthansa se Eurowings tans passasiers se vuurwapens en ammunisie in hul ingeboekte bagasie, en sal ook jagtrofeë vervoer.

“Lufthansa het wel ’n ruk gelede geweier om trofeë te vervoer, maar sedert die Covid-19-pandemie vervoer Eurowings wel weer trofeë.

“Tot dusver lyk die vervoer van jagtrofeë vir die Europese mark goed,” sê Dahl.

Wat die Amerikaanse lugroetes betref, “vervoer Ethiopian Airlines tans wapens, ammunisie en jagtrofeë”.

Jagters wat die graagste volgens Napha in Namibië kom jag, is Duitssprekende Europeërs, Amerikaners en van voormalige Oosbloklande.

Dahl meen alles kan egter in ’n oogwink verander “waar Namibiërs altyd op Air Namibia kon staatgemaak het”.

- [email protected]

Soortgelyk

 

Vrou woon in haar motor by hospitaal

6 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

6 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

6 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

6 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

6 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

6 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

6 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

6 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

6 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...