Agt mense sterf die naweek in voertuigongelukke

26 July 2020 | Ongelukke
Ronelle Rademeyer - Agt mense, onder wie twee kinders van onderskeidelik een en ses jaar, het die naweek in voertuigongelukke gesterf.
Dit is gelykstaande aan die getal mense wat sover weens Covid-19 in Namibië dood is.
Vier mense is in twee botsings op paaie dood, terwyl twee mense langs die pad doodgery is.
Daarbenewens is ’n eenjarige baba raakgery toe hy Vrydagmiddag uit ’n erf in die Kanaan informele nedersetting op Gobabis gekruip en ’n voertuig oor hom gery het. Hy is met sy aankoms by die staatshospitaal op die dorp dood verklaar.
Sowat twee ure later, om 18:30, is ’n 6-jarige seun in Noordhoek op Keetmanshoop dood toe ’n 37-jarige vrou in ’n muur vasgery en die muur op hom geval het.
Dié inligting is vanmiddag deur die polisie by ’n nuuskonferensie in Windhoek bekend gemaak.
Dit blyk drie lede van ’n familie van Aranos is vroeg Saterdagoggend dood toe die Corsa-bakkie waarin hulle gery het, reg van voor teen ’n Land Cruiser-bakkie gebots het.
Die ongeluk het omstreeks seweuur tussen Mariental en Stampriet plaasgevind.
Adj.komm. Eric Clay, koördineerder van misdaadondersoeke in die Hardapstreek, sê die oorledenes was van Aranos af na Mariental onderweg.
Mnr. Hendrik Esterhuizen (43) het die bakkie bestuur. Die twee familielede wat saam met hom in die ongeluk gesterf het, is die 28-jarige Latoya Esterhuizen en die 23-jarige Jean Esterhuizen. Volgens Clay was Esterhuizen die twee jonger mene se hulle oom.
Mnr. Kobus Eloff (54), bestuurder van die Land Cruiser-bakkie, is lig beseer en is vir waarneming na die staatshospitaal op Mariental geneem, sê Clay.
Hy sê die Esterhuizens is op die toneel van die ongeluk dood en kake van die lewe moes gebruik word om die bestuurder en een van sy passasiers uit die wrak te verwyder.
’n Vragmotorbestuurder is in die staatshospitaal op Okahandja dood nadat hy Vrydagnag ernstig beseer is in ’n trompop botsing met ’n ander vragmotor.
Die oorledene, mnr. Jackson Uwu-Khaib, was van Okahandja na Otjiwarongo onderweg toe sy vragmotor van voor teen 'n ander vragmotor gebots het. Drie ander mense is in dié botsing beseer.
Intussen het ’n 33-jarige vrou wat na bewering Saterdagnag omstreeks 23:00 ’n man in sy laat sestigs langs Florence Nightingaleweg in Khomasdal doodgery en nie stilgehou het nie, haar vanmiddag aan die polisie in Katutura oorgegee.
Volgens die nasionale polisiewoordvoerder, adj.komm. Kauna Shikwambi, het sy dit gedoen nadat iemand wat die tref-en-trap ongeluk sien gebeur en, haar agtervolg het, gedreig het om polisie toe te gaan as sy nie die gebeure aanmeld nie.
Die oorledene is nog nie geïdentifiseer nie en Shikwambi het ’n beroep op mense gedoen wat vermoed dat dit hulle geliefde is, om die polisie se lykshuis te besoek en die lyk uit te ken.
In ’n soortgelyke voorval is ’n 21-jarige man in die vroeë oggendure Sondag buite ’n sjebeen op Rundu dood en twee is ernstige beseer toe die bestuurder van ’n silwerkleurige Audi hulle raakgery het. Die bestuurder word nog deur die polisie gesoek.
[email protected]

Onderskrif: Die ongeluk naby Mariental waarin drie mense dood is. Foto Verskaf

Soortgelyk

 

Profeet TB Joshua sterf

4 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

14 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

20 ure gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

1 dag gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

1 dag gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

2 dae gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...

Avonturier verdrink byna tydens riviervaart

2 dae gelede | Mense

Ronelle Rademeyer – ’n Suid-Afrikaanse avonturier wat verlede week ná 55 dae en 2 200 km in sy geel roeiboot die Oranjerivier se monding by...

Harmse on unlimiting the future

2 dae gelede | Mense

Barney Harmse was born in Mafikeng in South Africa in 1970 and his family moved to Namibia when he was just four years old. From...