Afrika se jagluiperds mag Indië toe

Hooggeregshof gee groen lig

31 January 2020 | Omgewing
Francoise Steynberg - Dr. Laurie Marker van Cheetah Conservation Fund (CCF) buite Otjiwarongo is aan die spits van die vestiging van Afrikajagluiperds in Indië ná ’n onlangse uitspraak in dié land se hooggeregshof.

“Ons is opgewonde oor die projek en hoop dit gaan die jagluiperd se oorlewing op die lange duur verseker. Ons is verheug om Indië se regering te kan help,” sê Marker, die CCF se stigter en uitvoerende direkteur.

Die CCF sal bystand aan Indië se Wildlewetrust en Wildlewe-instituut verskaf, asook aan hul regering met ’n loodsprogram wat die jagluiperd in Indië sal hervestig.

Die Asiatiese jagluiperd het in Indië voorgekom, maar die subspesie Acinonyx jubatus venaticus het in die vroeë 1950’s daar uitgesterf.

“Die moontlikheid om die jagluiperd na die Indiese wildernis terug te neem, is absoluut die moeite werd. Dit gaan ’n lang en moeilike proses wees, maar ons aanvaar die uitdaging,” sê Marker.

Sy en die CCF het in 2009 reeds met die Indiese regering gesprekke oor die hervestiging van die jagluiperd van stapel gestuur.

Marker het saam met lede van die Wêreldbewaringsorganisasie (IUCN) se kat-, veeartseny- en hervestigingspesialisgroep na Indië gereis om ’n reeks vergaderings oor die vestiging van die Afrikajagluiperd (Acinonyx jubatus jubatus) by te woon.

In 2011 het sy na Indië teruggekeer om plekke te besoek om die geskikte habitat en prooibasis vir jagluiperds te vind, en om die teenwoordigheid van natuurlike roofdiere te bepaal.

Marker het haar voorleggings aan die Indiese wildlewe-owerhede verskaf, wat op haar bevindings gebaseer is.

Ná byna ’n dekade het Indië se hooggeregshof die groen lig vir die jagluiperd-loodsprogram gegee.

Bewaringsfonds

“Om jagluiperds van uitwissing te red, moet ons vir hulle permanente plekke op die aarde vestig. Indië het grasvelde en oop woudhabitatte wat ideaal vir hierdie spesie is,” sê Marker.

“Indië se regering meen die hervestiging van die jagluiperd is ’n manier om gesonde biodiversiteit aan te moedig. Hulle kyk na die groter prentjie.”

Die CCF sal nou beraadslaag met regerings van Afrikalande wat jagluiperds kan verskaf, wat by die program ingesluit kan word.

“Enige verskuiwing van ’n jagluiperd sal dienooreenkomstig die Konvensie vir die Handel in Bedreigde Spesies (Cites) gedoen word,” sê die fonds.

“Verskeie opsies word reeds waargeneem, en daar sal met die IUCN en internasionale jagluiperdbewaringsgemeenskap beraadslaag word.”

Die CCF se personeel sal tegniese ondersteuning tydens die ontplooiing verskaf.



’n Klein Asiese jagluiperdbevolking kan nog in Iran gesien word, waar dit kritiek bedreig is.

- [email protected]

Soortgelyk

 

Von Bachdam bereik 89%-merk

2 ure gelede | Omgewing

Elvira Hattingh - Die Von Bachdam was vanmiddag om 12:00 presies 89% vol en het steeds 6,4 m³ water per sekonde ontvang. Maandag was dit...

Okahandjarivier saai wéér amok

4 ure gelede | Omgewing

Elvira Hattingh - Die Okahandjarivier het gisternag wéér mnr. James Roux se kleinhoewe buite Okahandja oorstroom en boonop vroegoggend een persoon meegesleur. Die polisie, asook...

Steeds geen kontrak vir diens aan Psemas

16 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

16 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

16 ure gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

16 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

16 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

16 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

16 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...