Afrika saam teen Covid-19

Vasteland soek skuldverligting

26 May 2020 | Regering
Augetto Graig – Op Afrika-dag 2020 is die tema gesondheidsveiligheid in die konteks van die coronavirus, sê die adjunkpremier en minister van internasionale betrekkinge en samewerking, me. Netumbo Nandi-Ndaitwah.

Sy het gister by die Covid-19 kommunikasiesentrum (CCC) verklaar dat 2020 die Afrika Unie se jaar is om die gewere stil te maak ten bate van ontwikkeling op die vasteland.

Een spesifieke middelpunt waarop die betrokke regerings se gekoördineerde beleide fokus, is die kwessie van vlugtelinge. Opleiding vir vlugtelinge oor hoe om hulself teen infektering te beskerm, is danksy die Afrika-sentrum vir strategiese studies en die Verenigde Nasies (VN) ontwikkel en versprei.

Meer as honderd maatreëls is deur die verskeie Afrika-regerings aangeneem, wette is geskryf en regulasies ingestel tot 'n mate dat indien vlugtelinge aan die spesifieke maatreëls in die lande wat hulle huisves kan voldoen, kan hulle veilig bly teen die pandemie, sê sy.

Nandi-Ndaitwah, wat self tevore 'n vlugteling was, sê sy weet hoe geïsoleerd die lewe in 'n vlugtelingkamp kan wees. Sy het tot nou nog geen verslag ontvang van 'n vlugtelingkamp in Afrika waar Covid-19 uitgebreek het nie.



KRUIEPRODUK

Met betrekking tot Covid Organics, 'n kruieproduk wat deur Madagaskar as hulpmiddel teen die coronavirus-uitbreking bevorder word, sê Nandi-Ndaitwah die vasteland is trots op dié ontwikkeling en ondersteun dit. “Sommige lande het reeds (van die produk) ontvang,” sê sy.

“Sekere lande is versigtig, maar Afrika sê nie noodwendig nee vir Covid Organics nie. Afrika wag nie op Europa nie. Afrika werk as 'n span,” sê sy.

By die Afrika-siektebeheersentrum in Addis Abeba het werk reeds begin met vervaardiging en navorsing vir 'n beter begrip van die kruieproduk, sê sy.

“Daar is lewe ná Covid-19,” sê Nandi-Ndaitwah.

Sy het die Afrika Unie se Agenda 2063 uitgewys as 'n platform waar veral jong mense in reaksie op die pandemie kan deelneem.

• By dieselfde geleentheid het Suid-Afrika se hoë kommissaris in Namibië, mnr. Archie Whitehead, uitgebrei oor sy land se president Cyril Ramaphosa se voorsitterskap van die Afrika Unie. Hy sê ingrypende inisiatiewe is reeds in reaksie op Covid-19 geneem.

“So byvoorbeeld is die verligtingsfond geskep en met US$6 miljoen ingesamel, doen ons 'n beroep ons op groter bydraes. Hierdie siekte verg baie dissipline van landsburgers, anders sal daar ernstige nagevolge wees, insluitend dood.

“Dit kan beteken 20 miljoen in Afrika sit sonder werk. Mense wat reeds swaarkry in toestande van armoede en agteruitgang, sal nóg swaarder kry. Ons sien dit reeds in Suid-Afrika, met lang rye by sopkombuise en die verergering van armoede,” sê hy.

Hy sê Ramaphosa beywer hom vir die opskorting van sanksies teen Zimbabwe en die verligting van skuld vir Afrika-lande, om meer finansiële beweegruimte te kry sodat lande soos Soedan en Zimbabwe met die pandemie kan worstel.

“Die belangrike kwessie is solidariteit tussen Afrika-lande. In Suider-Afrika is ons so interafhanklik dat as een struikel, val almal,” sê hy.

“Terwyl die siekte in enige Afrika-land vastrapplek kry, ondermyn dit die doelwit van 'n Afrika waar ons gesamentlike besluite soos ons Afrika-vryhandelsgebied kan toepas.”- [email protected]

Soortgelyk

 

Diamantsmokkelaars trap in polisie-strik

9 ure gelede | Misdaad

Jeanette Diergaardt – Die drie mans wat gister met ses ongeslypte diamante in hul besit in Windhoek betrap is, is op N$2 000 se borgtog...

45-jarige man is Namibië se eerste Covid-10-sterfgeval

13 ure gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 45 jarige man is die land se eerste Covid-19-sterfgeval. Volgens Shangula het hy...

Reën op Lüderitz

16 ure gelede | Omgewing

Elvira Hattingh – Dit reën katte en honde en is baie koud op Lüderitz, het Republikein se joernalis Tanja Bause vanoggend uit die Suide...

Reën op Lüderitz

16 ure gelede | Omgewing

Elvira Hattingh – Dit reën katte en honde en is baie koud op Lüderitz, het Republikein se joernalis Tanja Bause vanoggend uit die Suide...

Aardbewing skud Karibib-omgewing

1 dag gelede | Omgewing

Elvira Hattingh - ’n Aardbewing, wat sowat 3,9 op die Richterskaal gemeet het, het gister omstreeks 01:46 sowat 85 km suid van Karibib voorgekom....

Beweerde aanrander vry op borg

1 dag gelede | Howe

Jeanette Diergaardt – Mnr. Samuel Shikale, wat na bewering ’n vroulike winkelassistent Sondag by Pick n Pay Mega Centre in Klein Kuppe aangerand het, is...

Britte bring grendeltyd op Kalahari-duin deur

1 dag gelede | Gemeenskap

Ronelle Rademeyer – As dit nie vir die Covid-19-pandemie en die wêreldwye inperkingsmaatreëls was nie, sou ’n Britse egpaar nou al halfpad deur Afrika op...

Air Namibia kan vlieg ná nagtelike interdik

1 dag gelede | Vervoer

Ronelle Rademeyer – Air Namibia kon Woensdagnag daarin slaag om in die hoërhof in Windhoek ’n tussentydse hofbevel te kry wat die Vervoerkommissie van Namibië...

Okahandja se water lol weer

1 dag gelede | Regering

Denver Kisting – Die uitvoerende hoof van die Okahandja-munisipaliteit, me. Martha Mutilifa, het die afgelope week erken die tuindorp gaan opnuut gebuk onder waterprobleme.Dít kom...