Afrika: Ons gaan voort met AstraZeneca
Inenting teen Covid-19 het in Khomas en Erongo begin.
Ronelle Rademeyer en Tanja Bause
Anders as sommige lande in die Europese Unie (EU), beveel die Afrika-unie (AU) en Afrika se Sentrum vir Siektebeheer (CDC) aan lande op die vasteland moet voortgaan om die AstraZeneca-entstof teen Covid-19 toe te dien.
Dit is ondanks gevalle van bloedklontvorming, of veneuse trombo-embolisme, wat voorgekom het by mense wat met AstraZeneca ingeënt is.
Vanaf 15 Maart is 23,6 miljoen dosisse entstof teen Covid-19 aan lande op die vasteland versprei, en 20,5 miljoen (87%) daarvan was AstraZeneca. Dit is tans die primêre entstof wat deur die Covax-program na Afrikalande gestuur word.
Die AU en die CDC het die naweek in ’n gesamentlike verklaring gesê die voordele van die AstraZeneca-entstof weeg swaarder as die risiko’s.
Van die meer as 5 miljoen mense wat sedert 10 Maart in die EU daarmee ingeënt is, het 30 veneuse trombo-embolisme ontwikkel.
Die AU en CDC sê “dié voorkoms is nie hoër as wat in die algemene bevolking waargeneem word sonder dat entstof aan hulle toegedien is nie”.
Intussen het Namibië se inentingsprogram Vrydag amptelik afgeskop nadat China ’n besending van sy Sinopharm-entstof aan Namibië geskenk het.
Saterdag het ’n skenking van 30 000 dosisse Covishield uit Indië met ’n vlug van Ethiopian Airways by die Internasionale Lughawe Hosea Kutako aangekom.
Covishield is die Indiese weergawe van die AstraZeneca-entstof wat in samewerking met die Oxford Universiteit in Brittanje ontwikkel is.
‘LAAT ENT JULLE IN’
“Ons is leiers en ons vra die gemeenskap om hulle te laat inent. Dit is hoekom ek dit eerste gedoen het om hulle aan te moedig om ook geïmmuniseer te word,” het die adjunkminister van gesondheid en maatskaplike dienste, dr. Esther Muinjangue, Vrydag gesê.
Sy was Vrydag die eerste mens in Namibië wat die Sinopharm-entstof teen Covid-19 in Namibië ontvang het. Mense ouer as 59 jaar kan nie daarvoor in aanmerking kom nie, maar sal wel Covishield kan ontvang.
“Ek is glad nie bang vir die entstof nie, omdat daar al talle ander mense voor my met dit ingeënt is. Ek en my kinders – wat almal ouer as 18 jaar is – het die gesprek gehad en hulle is gereed om die immunisering te ontvang. Hulle wag net dat mense wat eerste op die lys is, geïmmuniseer word en dan sal hulle gaan,” het sy gesê.
Die gesondheidsminister, dr. Kalumbi Shangula, het die oomblik as geskiedkundig beskryf en gesê dit is die eerste stap om Namibiërs teen die pandemie te beskerm.
Fase 1 van die immuniseringsveldtog sal op die Khomas- en Erongostreek fokus en tot 16 April duur, met gesondheidswerkers bo-aan die lys. Mense uit hoë risikogroepe sal ook aan die beurt kom. - [email protected] en [email protected]
Anders as sommige lande in die Europese Unie (EU), beveel die Afrika-unie (AU) en Afrika se Sentrum vir Siektebeheer (CDC) aan lande op die vasteland moet voortgaan om die AstraZeneca-entstof teen Covid-19 toe te dien.
Dit is ondanks gevalle van bloedklontvorming, of veneuse trombo-embolisme, wat voorgekom het by mense wat met AstraZeneca ingeënt is.
Vanaf 15 Maart is 23,6 miljoen dosisse entstof teen Covid-19 aan lande op die vasteland versprei, en 20,5 miljoen (87%) daarvan was AstraZeneca. Dit is tans die primêre entstof wat deur die Covax-program na Afrikalande gestuur word.
Die AU en die CDC het die naweek in ’n gesamentlike verklaring gesê die voordele van die AstraZeneca-entstof weeg swaarder as die risiko’s.
Van die meer as 5 miljoen mense wat sedert 10 Maart in die EU daarmee ingeënt is, het 30 veneuse trombo-embolisme ontwikkel.
Die AU en CDC sê “dié voorkoms is nie hoër as wat in die algemene bevolking waargeneem word sonder dat entstof aan hulle toegedien is nie”.
Intussen het Namibië se inentingsprogram Vrydag amptelik afgeskop nadat China ’n besending van sy Sinopharm-entstof aan Namibië geskenk het.
Saterdag het ’n skenking van 30 000 dosisse Covishield uit Indië met ’n vlug van Ethiopian Airways by die Internasionale Lughawe Hosea Kutako aangekom.
Covishield is die Indiese weergawe van die AstraZeneca-entstof wat in samewerking met die Oxford Universiteit in Brittanje ontwikkel is.
‘LAAT ENT JULLE IN’
“Ons is leiers en ons vra die gemeenskap om hulle te laat inent. Dit is hoekom ek dit eerste gedoen het om hulle aan te moedig om ook geïmmuniseer te word,” het die adjunkminister van gesondheid en maatskaplike dienste, dr. Esther Muinjangue, Vrydag gesê.
Sy was Vrydag die eerste mens in Namibië wat die Sinopharm-entstof teen Covid-19 in Namibië ontvang het. Mense ouer as 59 jaar kan nie daarvoor in aanmerking kom nie, maar sal wel Covishield kan ontvang.
“Ek is glad nie bang vir die entstof nie, omdat daar al talle ander mense voor my met dit ingeënt is. Ek en my kinders – wat almal ouer as 18 jaar is – het die gesprek gehad en hulle is gereed om die immunisering te ontvang. Hulle wag net dat mense wat eerste op die lys is, geïmmuniseer word en dan sal hulle gaan,” het sy gesê.
Die gesondheidsminister, dr. Kalumbi Shangula, het die oomblik as geskiedkundig beskryf en gesê dit is die eerste stap om Namibiërs teen die pandemie te beskerm.
Fase 1 van die immuniseringsveldtog sal op die Khomas- en Erongostreek fokus en tot 16 April duur, met gesondheidswerkers bo-aan die lys. Mense uit hoë risikogroepe sal ook aan die beurt kom. - [email protected] en [email protected]
Kommentaar
Republikein
Geen kommentaar is op hierdie artikel gelaat nie