Affies teen WHS beloof nóg 'n hoogtepunt
Skolerugby
Die eerste rugbyspan van KMC/JCC Windhoek Afrikaanse Privaatskool het voor- én agterlangs indrukwekkend gelyk toe hulle laas Saterdag op hul tuisveld met 42-31 teen Rubicon Tsumeb Gimnasium gewen het.
Dié kragmeting was beide deel van die FNB Classic Clashes, asook 'n botsing in die Momentum onder 19 premierliga.
Afrigter Johan Zaayman se manne kom vanmiddag om halfvier weer by Affiespark teen Samsung Windhoek Hoërskool te staan.
Zaayman en sy WHS-eweknie Henry Kemp het tevore saam by WAP afgerig en is dus goed vertroud met mekaar se benaderings en sterk punte.
Hoewel beide spanne ongeag vandag se uitslag min moeite behoort te ondervind om vir die Superliga-uitklopfase te kwalifiseer, behoort die vyftientalle mekaar vandag reeds geen duim skiet te gee nie.
Windhoek Affies is ná net drie wedstryde die enigste onoorwonne span in die topliga, met die verdedigende kampioen Schoemans-groep Windhoek Gimnasium (40-8), Mototech Pro-Ed Akademie (31-19) en Tsumeb sy slagoffers sover.
WHS het sy seisoen met 'n nederlaag op Tsumeb afgeskop (6-19), maar het daarna teen Windhoek Gimnasium gewen (27-13).
Die bewese wedstrydwenners in die Koedoebulle se agterlyn, soos losskakel Delron Brandt of die veelsydige sneller Elmarco Beukes, is reeds welbekend – maar net so het Affies ook reeds vanjaar gewys dat hy niemand se speelmaat is nie.
Die blitsige skrumskakel en kaptein Danie van der Merwe en die woelige bulstut Jurgen-Leigh Human is maar net die twee van die WAP-staatmakers vir wie geen toeskouer juis sal kan miskyk nie.
Dié kragmeting was beide deel van die FNB Classic Clashes, asook 'n botsing in die Momentum onder 19 premierliga.
Afrigter Johan Zaayman se manne kom vanmiddag om halfvier weer by Affiespark teen Samsung Windhoek Hoërskool te staan.
Zaayman en sy WHS-eweknie Henry Kemp het tevore saam by WAP afgerig en is dus goed vertroud met mekaar se benaderings en sterk punte.
Hoewel beide spanne ongeag vandag se uitslag min moeite behoort te ondervind om vir die Superliga-uitklopfase te kwalifiseer, behoort die vyftientalle mekaar vandag reeds geen duim skiet te gee nie.
Windhoek Affies is ná net drie wedstryde die enigste onoorwonne span in die topliga, met die verdedigende kampioen Schoemans-groep Windhoek Gimnasium (40-8), Mototech Pro-Ed Akademie (31-19) en Tsumeb sy slagoffers sover.
WHS het sy seisoen met 'n nederlaag op Tsumeb afgeskop (6-19), maar het daarna teen Windhoek Gimnasium gewen (27-13).
Die bewese wedstrydwenners in die Koedoebulle se agterlyn, soos losskakel Delron Brandt of die veelsydige sneller Elmarco Beukes, is reeds welbekend – maar net so het Affies ook reeds vanjaar gewys dat hy niemand se speelmaat is nie.
Die blitsige skrumskakel en kaptein Danie van der Merwe en die woelige bulstut Jurgen-Leigh Human is maar net die twee van die WAP-staatmakers vir wie geen toeskouer juis sal kan miskyk nie.
Kommentaar
Republikein
Geen kommentaar is op hierdie artikel gelaat nie