Aardbewing in Noordweste van Namibië
Die ministerie van myne en energie het gister laat bevestig dat 'n aardbewing, wat 3,7 op die Richterskaal gemeet het, omstreeks 04:51 gisteroggend in die Noordweste voorgekom het. Die aardbewing se episentrum is 45 km noordwes van Palmwag, of 100 km noordwes van Kamanjab en dit het vir tien sekondes lank geduur.
Dit het sowat 38 km onder die aardkors ontstaan en is deur drie plaaslike seismiese stasies van die Namibiese Seismologiese Netwerk opgetel – dié een in Windhoek, op Tsumeb en op Rundu. Die ministerie sê alhoewel aardskuddings 'n seldsame gebeurtenis in Namibië is, is hierdie een van verskeie seismiese gebeurtenisse wat die afgelope jaar in die Anker-gebied opgetel is.
Dit het sowat 38 km onder die aardkors ontstaan en is deur drie plaaslike seismiese stasies van die Namibiese Seismologiese Netwerk opgetel – dié een in Windhoek, op Tsumeb en op Rundu. Die ministerie sê alhoewel aardskuddings 'n seldsame gebeurtenis in Namibië is, is hierdie een van verskeie seismiese gebeurtenisse wat die afgelope jaar in die Anker-gebied opgetel is.
Kommentaar
Republikein
Geen kommentaar is op hierdie artikel gelaat nie