Aanvullings vir beeste gedurende droë somermaande

Claudia Mack, Voedingskundige - Vleisbeesboerdery in Namibië is meestal gebaseer op natuurlike weidings wat ? redelike wisselende voedingswaarde het.
Verder is die reënval ook baie wisselvallig en dikwels laag. Daar is dus hoofsaaklik in die wintermaande, maar ook soms in die somermaande, as die reënval laat is of wegbly, ? groot proteïentekort in die droë grasveld.
Tans is die situasie dat Namibië verlede jaar ? goeie reënval landwyd gehad het, wat veroorsaak het dat daar nou redelik droë weiding is. Op plekke waar die reënval bogemiddeld was, het die weiding te vinnig uitgegroei en is volop, maar van lae gehalte en verteerbaarheid. Die baie hoë lignieninhoud van sulke weidings veroorsaak die verlaagde verteerbaarheid. Verder is die beskikbare proteïen ook laer as in weidings ná normale reënval. Dit veroorsaak dus dat daar nie genoeg voedingstowwe is vir die mikrobes in die rumen van die bees wat wei nie. Die rumen mikrobes begin in ? groot mate om af te sterf, en die veselvertering begin drasties verlaag. Dit het kondisie- en massaverliese tot gevolg en die vrugbaarheid van die diere word negatief beïnvloed omdat dit net voor die aanvang van die hoofdekseisoen behoort te wees.
Hoe gaan aanvulling op droë weiding in die somermaande as die reënval laat is dus jou kudde se prestasie verbeter?
Dié aanvullings het twee doeleindes:
•die ophef van tekorte van droë weiding
•stimulering van die inname van die droë weiding
Proteïen is die eerste beperkende nutriënt in droë weidings. Verder kom daar ook ? energietekort voor, maar indien proteïenaanvulling in die vorm van byvoorbeeld ? Eco-grasveldek vir diere gegee word, verbeter dit die verteerbaarheid en inname van die droë weiding. Sodra die weiding verbeter, sal die diere vanself hul inname van die aanvulling verminder.
Dit is belangrik om te weet dat as die kwantiteit weiding beperk is, kan selfs ? proteïenlek nie die gewenste resultate oplewer nie en moet produksietipe lekke soos Koei&Kalflek oorweeg word.
Droë weidings toon ook ? tekort aan fosfaat en dit is dus noodsaaklik dat fosfaat ook in proteïenaanvulling ingesluit word.
Dit is baie belangrik om te verhoed dat die proteïenlekke nat reën, omdat die meeste proteïenlekke NPN (nie-proteïen stikstof) in die vorm van ureum bevat. Indien die ureum en molasse in die lek met die reënwater oplos en die diere hierdie “soet water” drink, kan dit in die meeste gevalle tot ureumvergiftiging lei. Boere kan dit voorkom deur gate onder in die lekbakke te boor vir dreinering of die lek onder ? afdak by poste te hou.
Sodra die groen wyding sodanig gegroei het en voldoende raak (10-12 cm hoog staan) kan ? mens die proteïenlek vervang met fosfaat-lekke.


Ten slotte
Op droë somerweidings is proteïen die primêre beperkende voedingstof in natuurlike weidings.
Die verteerbaarheid van sulke weidings verswak en as gevolg daarvan daal die vrywillige inname van weiding. Dit kan ongewenste massa-, produksie- en reproduksieverliese tot gevolg hê omdat dit voor die aanvang van die hoofdekseisoen is. Feedmaster bemark ? reeks droëveldlekaanvullings in verskillende vorms (produksie of onderhoud) wat die proteïentekorte van die droë weidings sal ophef en die inname van die weiding stimuleer. Verder voorsien Feedmaster se droëveldlekke ook aan die fosfaat en ander mineraalbehoeftes van beeste vir optimale produksie.