Aanval ruk Outjo

Verdagte voortvlugtig

16 October 2019 | Misdaad
Elvira Hattingh - Teen saktyd gistermiddag is mense vir ondervraging na die Outjo-polisiekantoor gebring in verband met die skietaanval op mnr. André Shepherd (55).

Niemand was teen dié tyd in hegtenis geneem nie.

Shepherd is Maandag tussen 20:00 en 21:00 geskiet en gewond terwyl hy en sy vrou, Belinda, van Outjo af op pad terug na die plaas Gemsbokoord was.



Die plaas is sowat 90 km suidwes van Outjo op die Khorixas-pad geleë.

Die Shepherds was reeds op die plaas en het in die gruispad op pad na hul huis op klippe en takke afgekom wat in die pad geplaas is.

Shepherd het glo uitgeklim om dit te verwyder toe hy in die bors geskiet is.

Die koeël het sy hart gemis, maar het volgens gemeenskapslede ’n long getref.

Die egpaar het na hul bure gejaag waar paramedici Shepherd kom haal het.

Hy is glo op Outjo gestabiliseer, waarvandaan hy per ambulans na Windhoek vervoer is, waar die koeël verwyder sal word.

Gemeenskapslede sê Shepherd het ná die voorval swaar inwendige bloeding gehad, maar het in ’n stabiele toestand verkeer.

Adj.komm. Naukalemo Andreas, die polisie se koördineerder vir misdaadondersoeke in die Otjozondjupastreek, het die voorval aan Nampa bevestig en gesê ‘n saak van poging tot moord is intussen by die polisie aanhangig gemaak.

Mnr. Thinus Pretorius, voorsitter van die Joint Crime Prevention Forum (JCPF) en die Otjiwarongo-misdaadvoorkomingsforum, sê die buurt- en plaaswagte in die omgewing is op voetsoolvlak betrokke by die ondersoek en daar was selfs sprake dat ‘n polisiehelikopter ingespan sou word.

Die vermoede is dat ’n plaaswerker, met wie Shepherd ’n onderonsie oor geld gehad het, vir die skietvoorval verantwoordelik kan wees.

Pretorius sê foto’s van die verdagtes is intussen versprei. Op sosiale media word gewaarsku die verdagte is gewapen.

Hy sê hy is Maandagaand van die voorval in kennis gestel en het Dinsdagoggend vroeg die polisie gehelp om toegang tot die plaas te kry en om deur die forum se strukture verdere inligting te bekom.

“Dit was ook die eerste geleentheid waartydens die forum sy landelike veiligheidsplan in die praktyk kon toets.

“Daar is altyd ruimte vir verbetering, maar dit werk,” het Pretorius gesê.

[email protected]

Soortgelyk

 

Pastoor Babi steeds agter tralies

3 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

5 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

15 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

15 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

15 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

15 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

15 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

15 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....

SA: Namibiërs in vervalle TB-hospitaal in kwarantyn

15 ure gelede | Gesondheid

Ronelle Rademeyer - Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar...