Aanlyn gesprekke oor plaaslike vermaak

26 June 2020 | Kuns en vermaak
Yandi du Plessis - Die Namibiese Kunsteraad (NACN) onder die vaandel van die ministerie van onderwys, kuns en kultuur het verlede week ’n verligtingsplan vir die plaaslike vermaakbedryf van stapel gestuur. Dit sluit onder andere ’n verligtingsfonds van N$5,5 miljoen in, asook verskeie strategieë om die Covid-las op dié sektor effens ligter te maak.

Een van dié strategieë is om kuns- en kultuurgesprekke op aanlyn platforms aan te bied. Die NACN wil ’n konstante aanlyn dialoog verseker deur die gemeenskap te betrek. Al dié gesprekke sal opgeneem en getranskribeer word indien dit nodig sal wees om in die toekoms daarna terug te verwys.

Mnr. Patrick Sam, voorsitter van die NACN, het gesê dié opnames kan in die toekoms as hulpmiddels gebruik word om tekortkominge in die sektor aan te spreek.

Die eerste program wat van Junie tot Augustus vanjaar aangebied word, is The Art and Culture Conversations. Die program sal elke Saterdag oor ses sessies aangebied word. Die voorgestelde onderwerp vir die eerste sessie is “die impak van Covid-19 op die kulturele en kreatiewe sektor.”

Die tweede sessie handel oor wat mense, wat by die kreatiewe bedryf betrokke is, doen om die impak van Covid-19 te beperk.

Die volgende sessie sal fokus op die toekoms van die bedryf post-Covid-19. Daarna sal die status van regeringsbeleide op die sektor, asook voorgestelde ingrypingstrategieë, onder die loep geneem word.

Die vyfde sessie fokus op formele kunsopleiding in skole. Die implementering van kuns as leervak in skoolsillabusse sal deel vorm hiervan, asook die opleiding van gekwalifiseerde kunsonderwysers om uiteindelik die sektor te formaliseer en meer geleenthede vir kunstenaars te skep.

Navorsing van die Namibiese kuns- en kultuurbedrywe is die fokus van die laaste sessie. Navorsing wat reeds gedoen is, die bevindinge daarvan en aanbevelings gebaseer op dié bevindinge, sal die basis van die gesprek vorm.

Toekomstige sessies sal afhang van die publiek se belangstelling in die eerste ses.

’n Ander program wat die NACN wil bekend stel, is Chat to the Chair, wat oor drie sessies van Junie tot Augustus aangebied word.

Chat to the Chair is ’n aanlyn platform waar die publiek die geleentheid kry om met die voorsitter van die NACN in gesprek te tree en voorstelle te maak om die gehalte van vermaak in Namibië te verbeter. - [email protected]

Soortgelyk

 

Iran: Kernkragontploffing veroorsaak beduidende skade

3 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

3 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

5 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

6 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

7 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

17 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

17 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

17 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

17 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...