70 nuwe gevalle van Covid-19, totaal nou 2 294

Die uitvoerende direkteur in die ministerie van gesondheid en maatskaplike dienste mnr. Ben Nangombe het 70 nuwe gevalle van Covid-19 in die land aangekondig. Dit bring die totaal op 2 294 te staan. Uit die 70 nuwe gevalle is 43 in Walvisbaai, 12 in Swakopmund, 12 in Windhoek, een in Engela en een in Lüderitz. Die 70 gevalle bestaan uit 40 mans en 30 vroue en die ouderdomme wissel van een tot 58 jaar.Met verwysing na die gevalle in Windhoek sê Nangombe die ouderdomme wissel van 22 tot 58 jaar en is nege vroue en vier mans. Vyf is gesondheidswerkers en twee is argitekte. Hiervan is nege kontakte van bevestigde gevalle. Drie van die gevalle het Covid-19-verwante simptome. Onder die kontakte was net twee in kwarantyn.Die geval in Engela is 'n vierjarige meisie wat saam met vier ander kinders van dieselfde huishouding van Walvisbaai gereis het. Almal is in kwarantyn geplaas en getoets.Die geval in Lüderitz is 'n 51 jarige man en vragmotorbestuurder wat van Walvisbaai gereis het om hier 'n vrag af te laai.Met die nuwe protokol wat geld vir isolasie en kwarantyn sê Nangombe die verwagting is 'n toename in gevalle wat herstel het. Volgens hom het nog 16 gevalle ten volle herstel. Nege van die gevalle is in Walvisbaai en ses in Windhoek. Een geval word nog geverifieer. Die aantal gevalle wat herstel het, staan nou op 170 en die sterftesyfer staan op 11. Die aantal aktiewe gevalle is 2 096 en tot op hede is 27 718 weefselmonsters getoets. Tans is 1 672 mense in kwarantyn

70 nuwe gevalle van Covid-19, totaal nou 2 294

Kommentaar

Republikein 2025-07-03

Meld asseblief aan om kommentaar te lewer

70 nuwe gevalle van Covid-19, totaal nou 2 294

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie