509 slange oor drie jaar in hoofstad gevang

Pofadders, sebraslange grootste indringers

24 June 2020 | Omgewing
Francoise Steynberg – Altesaam 509 slange van 17 spesies is tussen Augustus 2015 en Julie 2018 uit huise, tuine en nywerheidsgebiede in Windhoek verwyder.

Die inligting is vervat in 'n artikel, “A spatial and temporal assessment of human-snake encounters in urban and peri-urban areas of Windhoek, Namibia”, wat in die internasionale joernaal Urban Ecosystems gepubliseer gaan word.

Urban Ecosystems is verbind aan wetenskaplike ondersoeke van stedelike omgewings en die verhoudings tussen sosioëkonomiese en ekologiese strukture en prosesse in stedelike omgewings.

Die artikel is deur prof. Morgan Hauptfleisch, hoof van die Biodiversiteit-navorsingsentrum van die Namibië Universiteit van Wetenskap en Tegnologie (Nust), en Nust-studente Ignatius Sikongo en Francois Theart, die bekende slangvanger, geskryf.

Volgens hulle is slangspesies wat die meeste verwyder is, pofadders en sebraslange.

Altesaam 163 pofadders (Bitis arietans) – 32% van al die slangspesies – en 135 (27%) sebraslange (Naja nigricincta nigricincta) is verwyder.

Altesaam 57 bruinhuisslange (Boaedon capensis) en 52 boomslange (Dispholidus typus viridis) is verwyder.

Dit verteenwoordig onderskeidelik 11% en 10% van alle slange wat verwyder is.



SOEK KOS, SKUILING

“Dit is alombekend dat wildlewe hulself in stede tuismaak weens ekostelsels waar kos en skuiling slange lok, wat weer tot mens-dier-konflik lei,” lui die artikel.

“Mense en slange wat mekaar per abuis teëkom, is 'n probleem wat Windhoek met baie ander stede in die wêreld deel.”

Volgens die Wêreldgesondheidsorganisasie (WHO) word beraam dat tussen 4 000 en 30 000 mense jaarliks weens slangbyte in Afrika suid van die Sahara sterf.

“Windhoek word deur die natuur en plaasgrond omring en slange word gereeld binne en buite huise, tuine en nywerheidsgebiede teëgekom.”

Volgens die skrywers het hulle die voorkoms van slange in Windhoek oor drie jaar waargeneem om hul neigings en redes daarvoor te monitor.

Volgens die maandelikse verslae van die voorkoms van pofadders, is daar 'n sterk verband met die maandelikse reënvalsyfers, terwyl sebraslange ook 'n matige verband met reënval toon.

“Die hoogste aantal voorvalle (92) in die drie jaar as al die data maandeliks gekombineer word, is in Januarie gerapporteer.”

Die meeste voorvalle het in die oostelike en suidelike woonbuurte voorgekom, “moontlik weens tuine wat natgemaak word en groter oop ruimtes tussen geboue”.

Hoewel 388 (of 76%) van alle voorvalle giftige slangspesies was, is geen slangbytvoorvalle tydens hierdie periode aangemeld nie.

- [email protected]

Soortgelyk

 

Iran: Kernkragontploffing veroorsaak beduidende skade

1 uur gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

1 uur gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

4 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

4 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

5 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

15 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

15 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

15 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

15 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...