33% van AS-kandidate nié in skool

Ons opleiding was onvoldoende, sê onderwyser

20 October 2021 | Ministeries
Ester Kamati



Van die 21 648 leerlinge wat die Namibiese Senior Sekondêre Sertifikaat vir Gewone Vlak (NSSCO)-eksamen aan die einde van graad 11 afgelê het, het 7 581 gekwalifiseer om voort te gaan met die nuwe Gevorderde Vlak (AS)-kurrikulum.

Onder dié groep is 33,2% nie in die skool nie en sal dus nie aan die einde van hierdie jaar eksamen skryf nie.

In die stadium is 5 021 leerlinge landswyd vir die AS-leerplan ingeskryf. Die Khomasstreek het die meeste AS-leerlinge, met 953 wat by skole ingeskryf is, gevolg deur Ohangwena met 669, terwyl die Hardapstreek met 54 die laagste syfer het.

Terwyl sommige die nuwe graad 12-kurrikulum verlaat het om te begin werk en ander beroepsgerigte vakke te neem, kon ander nie die druk hanteer nie en het hulle besluit om die res van die akademiese jaar tuis te bly. Intussen is 'n handjievol gedwing om uit te val weens administratiewe foute.



ADMINISTRATIEWE FLATERS

Rafael Uusiku is vanjaar by 'n skool op Tsumeb ingeskryf om voort te gaan met die AS-leerplan – met rekeningkunde, ekonomie en Engels as vakke. Vandag wag hy tuis vir die akademiese jaar om te eindig sodat hy volgende jaar van voor af kan begin nadat hy skool verlaat het.

Uusiku het gesê hy was nie van plan om die skool te verlaat nie, maar hy moes dit noodgedwonge weens 'n “misverstand” doen.

Uusiku is meegedeel dat hy vanaf die tweede skooltermyn nie meer met die leerplan kan voortgaan nie.

“Ek is meegedeel dat ek nie aan die AS-vereistes voldoen nie, en ek kon nie vir eksamens registreer nie, dus het ek geen ander keuse gehad as om uit te val nie,” het hy gesê.

Hy voel met 24 punte in vyf vakke, is sy opsies beperk.

“Die kursus wat ek by die Universiteit van Wetenskap en Tegnologie (Nust) wou neem, vereis 25 punte. Ek sou my jaar gebruik het om my punte te verbeter, teen die tyd dat ek die skool moes verlaat, was dit te laat,” het hy gesê en bygevoeg die skool “het my tyd gemors” toe hy ingeskryf is terwyl hy nie aan die vereistes voldoen het nie.

Hy is glo aangeraai om sy graad 11 by die skool te herhaal, maar het geweier omdat dit te laat in die skooljaar was om die werk in te haal en hy die goeie punte wat hy in drie vakke behaal het, net sou bederf.

“Ek het net besluit om te wag tot volgende jaar en die vakke te verbeter waarin ek die swakste gevaar het.”

Hy het onderwysers geprys aangesien hulle hul bes probeer het, hoewel hy gesê het daar is nog 'n paar wat sukkel om hul vakke aan te bied.

'n Onderwyser by 'n hoërskool in Windhoek wat verkies om anoniem te bly, het gesê die skuif na AS-vlak is senutergend, aangesien onderwysers voel hulle het nie voldoende opleiding ontvang nie.

“Daar is geen onderwysers op AS-vlak nie. Ons moet die nuwe leerplan aanbied wat vir ons ook moeilik is, omdat daar nie voldoende opleiding was nie,” het hy gesê.

Nóg 'n struikelblok is die beperkte hulpbronne vir die nuwe kurrikulum. Die minister van onderwys, me. Anna Nghipondoka, het dít erken tydens haar besoeke aan die streke om onderwysers te motiveer.

Sy het gesê die verspreiding van handboeke vir die meeste vakke is aanvanklik vertraag, maar dit is nou beskikbaar.

“Wat die vakke met lae toelatingsvereistes soos Engels en ander Afrikatale betref, is die handboeke tans nie beskikbaar nie. Ons onderwysers gebruik tans vertaalde materiaal sowel as ekstra materiaal wat deur die kurrikulumpanele ontwikkel is.

“Die ministerie beplan om verkose onderwysers op te lei om leermateriaal vir Afrikatale te ontwikkel, met min leerlinge wat op AS-vlak ingeskryf word om die kwessie op lang termyn aan te pak.”

Vanjaar het die aantal graad 11-­leerlinge meer as verdubbel, met 54 084 wat ingeskryf is in vergelyking met verlede jaar se 21 648.

Van dié wat vanjaar ingeskryf is, is 46 771 voltydse leerders.

- [email protected]

Soortgelyk

 

Veldbrande woed al tien dae

10 ure gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

10 ure gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

10 ure gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

10 ure gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

10 ure gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

10 ure gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

10 ure gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...

Opflikkering in inentings

10 ure gelede | Gesondheid

> >Dani Booysen - Nadat die wêreldwye verspreiding van ‘n nuwe variant van Covid-19, nou bekend as Omicron, Donderdag rugbaar geword het, het aansienlik...

Weer vir 3 Desember

10 ure gelede | Weer

WEERWAAK: Swaar storms kan oor die naweek in die verre Noorde voorkom. Koue lug word die naweek oor //Kharas verwag. BINNELAND: Gedeeltelik bewolk en warm...