32 ton duiwelsklou geoes

N$2 miljoen vir 800 oesters

06 December 2018 | Omgewing
Sowat 800 lede van die bewaringsgebiede Nyae Nyae en N#a Jaqna in die noordooste van Namibië het in 2018 meer as 32 ton duiwelsklou ter waarde van nagenoeg N$2 miljoen geoes en verkoop.

Volgens die Nyae Nyae-ontwikkelingstigting van Namibië word die duiwelsklou deur jaarlikse inspeksies as organies gesertifiseer om volhoubaarheid en gehalte standaarde te verseker.

Daarom het die prys per kilogram, wat direk aan oesters uitbetaal word, sedert 2011 verdubbel.

"In 'n gebied waar min werksgeleenthede is, is hierdie 'n belangrike bron van inkomste. Dit is ook 'n goeie manier om lede, veral vroue in die bewaringsgebiede te bemagtig. Dit is ook 'n bewys dat gemarginaliseerde gemeenskappe nie van aalmoese hoef te lewe nie, maar hulle is 'n middel gegee om 'n inkomste vir hulself te genereer," lui 'n verklaring van die stigting.

"Duiwelsklou is 'n goeie voorbeeld van hoe oesters direk voordeel kan trek en self kan besluit wat om met die geld te doen. Ons lede, veral vroue, het nie baie geleenthede om 'n inkomste te verdien nie; duiwelsklou bied ons hierdie geleentheid," het me. Xoa//an /Ai!ae, voorsitter van Nyae Nyae, gesê.

Die stigting meen die feit dat die oesters duiwelsklou vir meer as 10 jaar op 'n georganiseerde manier doen, is 'n bewys van hul erns om te verseker dat die plante op 'n volhoubare manier geoes word.

"Daar is 'n wanopvatting dat groot gebiede van beide bewaringsgebiede leeg of onderverbruik word en beter deur ander gebruik word, soos byvoorbeeld vir meer intensiewe veeboerdery. Om die gesondheid en oorlewing van die duiwelskloubron op 'n hoër vlak te verseker, vereis die instandhouding van die balans van die hele ekostelsel.

"Dit is belangrik om só te oes dat die plant nie vrek nie. Dit laat ons toe om dieselfde plant herhaaldelik oor 'n paar jaar te oes," het oesters N/haokxa Kaqece en Xoan Kxam/oo van Ben se Kamp gesê.

Me. Anna Mathias, komiteelid van N#a Jaqna, sê: "Duiwelsklou is 'n medisyne wat ander help en ons is bly dit verseker dat ons regverdig voordeel daaruit trek. Om duiwelsklou te oes, is moeilik. Ons sorg dat volhoubaar geoes word en 'n goeie gehalte produk geproduseer word."

Sy sê vir baie lede van die gemeenskap is duiwelsklou hul enigste bron van inkomste.

Soortgelyk

 

NSFAF sluit ooreenkoms met Bank Windhoek

4 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

4 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

5 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

17 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

17 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

17 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

17 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

17 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

17 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...