28ste QSB ­afrigtingskliniek en oefenkamp

12 January 2021 | Sport
Enzo Amuele



Die 28ste jaarlikse Quinton-Steele Botes afrigtingskliniek en oefenkamp is sedert 1993 'n hoogtepunt op die sportkalender in die eerste week ná die Nuwejaar.

Vanjaar is die oefenkamp die eerste keer by Affiespark in Pio­nierspark aangebied en het weer vir goeie gehalte gesorg.

Vanjaar se oefenkamp het aan atlete en afrigters die geleentheid gebied om aan hul vaardighede te bou. Die kamp het 20 hoofafrigters gehad (vyf van Suid-Afrika en 15 van Namibië) wat mans, vroue, seuns en meisies vanaf die ouderdom van vyf tot ouer as 50 gehelp het om vir die komende atletiekseisoen te slyp.

Die oefenkamp, die breinkind van wyle mnr. Quinton-Steele Botes, het in 1993 begin met slegs drie afrigters en speel vandag 'n groot rol in die sukses van Namibiese atlete.

Die kamp bereik meer as 3 000 atlete vanoor die hele land en streef ook om atlete afkomstig van minder bevoorregte skole en gemeenskappe te nooi en hulle in hul atletiekdrome by te staan.

Me. Leoni van Rensburg, organiseerder van die kamp en gekwalifiseerde IAAF vlak 4-afrigter, sê die bydrae van borge speel 'n enorme rol in die geleenthede wat die kamp vir atlete kan bied.

“My passie vir sport en atletiek motiveer my om atletiekvergade­rings, die QSB atletiekklub en die oefenkamp te beplan en bestuur. Met die kamp en die hulp van ons borge wil ons graag soveel as moontlik atlete in die land bereik en ondersteun,” het Van Rensburg gesê.

Die kamp het byvoorbeeld atlete soos die skoolmeisie Beatrice Masilingi, wat die kamp in 2019 bygewoon het, gehelp bou aan haar atletieksukses.

Masilingi het die afgelope jaar die Namibiese rekords in die 200 en 400 oortref en oor laasgenoemde afstand ook die Olimpiese kwalifiserende standaard behaal.



VOLLE POTENSIAAL

“Dit is ongelooflik om te dink waar sy begin het en waar sy vandag is. Met die uitstekende afrigters wat ons het en die geleenthede wat ons borge moontlik maak, kan ons belê in ons plaaslike talent sodat hulle ons land in die toekoms ook op 'n internasionale skaal kan verteenwoordig,” sê Van Rensburg verder.

Sy sê die kamp hoop om deur afrigting, die ontwikkeling van vaardigheid, tegnieke en programme kennis in die gemeenskap en atlete terug te ploeg.

“Ons het soveel talent in ons skole en die land, maar nie alle atlete het die nodige hulpbronne en geleent­hede om opleiding te ontvang wat hul vaardighede en tegnieke help bou nie. Ons wil graag ons atlete help om hul drome na te jaag en hul volle potensiaal te bereik,” het Van Rensburg gesê.

Soortgelyk

 

Nege sterftes, 307 nuwe gevalle

12 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

14 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

18 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...