2019-’20-reënseisoen verbeter op rampjaar

Normaal tot ondernormale neerslae ontvang

28 May 2020 | Weer
Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April begin afneem het.

Dit volg ná Namibië tydens die 2018-’19-reënseisoen die ergste droogte in 38 jaar ervaar het en ook die land in Suider-Afrika was wat die ergste geraak is – aldus ’n 2019-verslag deur die Hidrologiese Dienste van Namibië.

Die meteorologiese dienste sê in hul jongste reënverslag die Zambezi-, Kavango-Oos-, asook die meeste streke in die noordsentrale dele van die land het normale reëns ontvang.

Daarteenoor het die Kavango-Wes-, Omaheke-, Hardap- en Kharasstreek normale tot ondernormale reën gehad.

Die dele van die land wat dié seisoen aan die korste ent getrek het, is die Kunene- en Erongostreek, waar ondernormale reënneerslae ervaar is.

Die Zambezistreek het in die begin van die reënseisoen normaal tot ondernormale reën ontvang, waarna goeie reën in Desember verlede jaar begin het. Alhoewel reënneerslae in die streek ‘n hoogtepunt tussen Januarie en Maart bereik het, was die meeste daarvan gekonsentreerd in die verre oostelike hoek. Die grootste gedeelte van die streek het eindelik normale reën vir die seisoen ontvang.

Die Kavango-Wesstreek het ondernormale tot normale reën vir die seisoen ontvang, terwyl die Kavango-Oosstreek normale reëns ervaar het. Die meteorologiese dienste sê normale tot bo-normale reënneerslae is tussen Desember en Maart in dié streke ontvang, waarna dit skielik heelwat minder in April gereën het. Meer as 400 mm is egter in die streke aangeteken.

Die meeste streke in die noordsentrale deel van die land (Ohangwena, Oshana, Omusati en Oshikoto) het normale reën tussen Desember en April ontvang. Reën oor die gebiede was geïsoleer, maar bonormale reën het nader aan die Oshana- en Oshikotostreek se grens voorgekom.

Die Kunenestreek het ondernormale reën in die begin van die reënseisoen gehad, maar toestande het vanaf Januarie tot die einde van die seisoen in die sentrale oostelike dele van die streek verbeter. Tog het groter dele van die streek ver ondernormale reën ontvang.

Khorixas het 193,8 mm vir die seisoen aangeteken, terwyl sekere gebiede in die ooste van die Erongostreek goeie reëns ontvang het en soos volg uitsien: die plaas Ombona in die westelike Omaheke het 485,6 mm reën ontvang, terwyl Steinhausen 735 mm reën gemeet het.

Die Erongostreek het, uit ‘n seisoenale perspektief, egter ondernormale reën ontvang, terwyl die Omahekestreek normale tot ondernormale reën gehad het.

Die Khomas-, Hardap- en Kharasstreek het die seisoen baie droog begin, maar wel vanaf Februarie reën begin ontvang. Dit was egter nie wydverspreid nie en tot in April het dit net kol-kol gereën.

Normale reën is oor die oostelike deel van die Hardap- en Kharasstreek ontvang, terwyl sterk neerslae in spesifieke gebiede soos die plaas Aruab (180,4 mm) voorgekom het. Goeie reën het ook by Ariamvlei (122,5 mm) en Koës (207,5 mm) voorgekom.

APRIL

Terselfdertyd het daar in April bonormale reën in die sentrale noordelike dele van die land, ofte wel in die Oshana- en Oshikotostreek voorgekom, asook in die oorgrote Omaheke- en sentrale Khomasstreek.

Sekere plekke in die westelike Hardap- en Kharasstreek het ook bonormale reën ontvang, terwyl die res van die land egter ondernormale reën in April ervaar het, sê die meteorologiese dienste in hul jongste reënverslag.

“Gedurende April was daar ‘n afname in reënneerslae, soos verwag, omdat dit die einde van die 2019 -’20-reënseisoen is. Die meeste weerstasies het geen reën (0 mm) aangeteken,” lui die verslag. – [email protected]

Soortgelyk

 

Iran: Kernkragontploffing veroorsaak beduidende skade

8 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

8 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

11 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

11 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

12 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

22 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

22 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

22 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

22 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...