20 jaar gelede

22 May 2020 | Rubrieke
Maandag 22 Mei 2000

• Die Kongres van Demokrate (CoD) het kennis gegee dat dié party die besluit van die Speaker van die Nasionale Vergadering (NV), dr. Mosé Tjitendero, om die DTA/UDF as amptelike opposisie te verklaar, met ’n hofaansoek gaan teenstaan.

• Die Franse ondersoekspan wat verlede week in Kavango leidrade ingesamel het na die moorde vroeër vanjaar op die drie Franse tieners, is hoopvol dat ’n finale deurbraak binnekort gemaak sal word.

• Namibië het verlede week weer die voortou geneem deur een van die min lande te wees wat die Verenigde Volke-Organisasie (VVO) se opsionele protokol oor die uitwissing van diskriminasie teen vroue bekragtig het.

Dinsdag 23 Mei 2000

• Duitsland het die afgelope tien jaar sedert Namibiese onafhanklikwording meer as drie miljard Namibiese dollars in die vorm van ontwikkelingshulp aan die land geskenk.

• Verskeie paaie wat by die beoogde suidelike verbypad deur Windhoek sal aansluit, is deur Windhoek se stadsraad en die regering goedgekeur ter afwagting van meer vervoer wat deur die Trans-Kalahari-hoofweg veroorsaak sal word.

• Die NTARA-omgewing van Wes-Kavango is ’n nuwe terreurfront nadat ’n personeelmyn gister ’n burgerlike vermink het enkele dae nadat inwoners van die nedersetting koelbloedig met bajonette vermoor is.

Woensdag 24 Mei 2000

• Wanordelike grondhervorming in die hande van ’n “gepeupelbewind” kan nie toegelaat word nie.

• Nog ’n krisis staar die Rehoboth-dorpsraad in die gesig deurdat meer as tagtig amptenare gister in ’n vreedsame betoging hul ontevredenheid oor onseker werkomstandighede uitgespreek het.

• Caprivi gaan aggresief as toeristebestemming bemark word nadat die Zimbabwiese grondkrisis dié bedryf as die jongste in ’n reeks terugslae ’n gevoelige slag toegedien het.

Vrydag 26 Mei 2000

• Ernstige aantyginge van ’n ondemokratiese kultuur en geskiedenis van menseregteskendings deur die Nasionale Vereniging van Menseregte (NVM), en ’n gelyktydige teregwysing deur die Eerste Minister, mnr. Hage Geingob, het sluimerende wantroue tussen die Regering en dié organisasie op die spits gedryf.

• Die woestynleeus van die Skedelkuspark waarvan die indruk bestaan het dat die laaste een sewe jaar gelede doodgeskiet is, is herontdek.

• Ernstige kommer bestaan in die boubedryf oor verwagtinge vir die nuwe boekjaar met waarskuwingsligte wat aan ’n wye front flits, terwyl die bedryf steier onder ’n inkorting van sowat 6 persent teenoor verlede jaar se regeringsbegroting.

Soortgelyk

 

Covid-19: 5de nuwe geval binne 4 dae

24th of May 10:45 | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...