13 Franse soldate sterf 'vir Mali, vir vryheid'

Niemand aan boord oorleef

28 November 2019 | Afrika
Dis ’n ongeluk wat die verlies aan lewens beklemtoon van Frankryk se betrokkenheid by pogings om terroriste uit die Sahel-streek van Wes-Afrika, wat net onder die Sahara-woestyn geleë is, te dryf.

Altesaam 13 Franse soldate is Maandagaand in ’n ongeluk dood toe ’n Tiger-aanvalshelikopter en ’n Cougar- veeldoelige helikopter in mekaar vasgevlieg het.

“Daar was twee ontploffings en die helikopters het nie ver van mekaar af nie die grond getref. Niemand aan boord het oorleef nie,” het genl. Francois Lecointre, stafhoof van die leër, op ’n nuuskonferense gesê.

Soldate op die grond was vir dae lank op die spoor van ’n groep militante, en dit het uitgeloop op ’n konfrontasie Maandagaand.

Met sonsondergang het die koeëls begin vlieg en lugversterkings is ingeroep. Emmanuel Macron, president van Frankryk, het sy “diepste hartseer” uitgespreek met die verlies en gesê sy regering gaan nie terugtree in die stryd teen terrorisme nie.

Frankryk, die voormalige koloniale mag in die streek, is sedert 2013 hier betrokke by teenterreur-operasies. Daar is tans 4 500 Franse troepe ontplooi, en in totaal het 38 Franse soldate reeds omgekom in teenterreur-gevegte. Soos vroeër berig, is tien vredesvegters van die VN in Januarie vanjaar in Mali dood in ’n geveg met militante. Die stryd het ook reeds die lewe van duisende burgerlikes en plaaslike soldate geëis. In die laaste twee maande alleen is meer as 100 plaaslike soldate dood. Ibrahim Boubacar Keita, president van Mali, het sy medelye in ’n boodskap aan Macron oorgedra.

“Hulle het vir Mali gesterf, hulle het vir Sahel gesterf, hulle het vir vryheid gesterf.” – Reuters/Netwerk24

Soortgelyk

 

Covid-19: 5de nuwe geval binne 4 dae

4 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...