'Sê vir ons oor Air Nam se geldsake’

Werknemers betoog oor kleiner salarisse

30 September 2020 | Vervoer
Ronelle Rademeyer - Werknemers van Air Namibia wat gister net 50% van hul maandelikse salaris ontvang het om só die benarde kontantvloei te beredder, wil weet hoe die redery oor die volgende drie tot ses maande bestuur gaan word om ‘n inkomste te genereer.

Sowat 60 werknemers het oor die etensuur gister voor die nasionale redery se hoofkantoor in Windhoek teen die besluit oor salarisvermindering betoog. Hulle sê daar is nie breedvoerig oor die kwessie met die betrokke werkersunies gekonsulteer nie.

Hulle eis dat die nuwe tussentydse hoof uitvoerende beampte, mnr. Theo Mberirua, deur iemand binne Air Namibia wat kennis van die lugvaartbedryf het, vervang word.

Mberirua, wat ‘n bewese bestuursagtergrond het, is sowat twee maande gelede deur die direksie aangestel om die bankrot redery te bestuur tyd en wyl die regering ‘n besluit oor die toekoms van Air Namibia neem.

Republikein is in besit van die geïntegreerde strategiese sakeplan wat intussen deur Mberirua en sy uitvoerende bestuurders aan die regering voorgelê is. Die plan is reeds voor die pandemie opgestel, maar moes aangepas word om die verwoestende impak van die Covid-19-pandemie in berekening te bring.

Daarvolgens kan die redery binne vyf jaar winsgewend wees, maar die regering moet vir die skuldlas pa staan om die redery solvent te kry. Dit kan die land tussen N$8 en N$9 miljard kos, is vroeër berig.

Die Namibië Nasionale Vervoer- en Verwante Werkersunie (Natua) het gister namens die werknemers in ‘n verklaring aangevoer hulle het reeds die afgelope vier maande hulle verlofdae prysgegee om vir die redery N$16 miljoen te spaar.

Natau voer aan Air Namibia het in Mei vanjaar ‘n ooreenkoms in dié verband met werknemers gesluit en gesê salarisse sal nie verminder word nie.

Die werkersunie wil weet wat het die bestuur opgeoffer om die redery te red.

Die salarisvermindering is net op werknemers van toepassing wat die afgelope maande tuis deurgebring het omdat daar weens die inperkings nie vlugte was en hulle nie kon werk nie.

Bestuurslede wat deurgaans gewerk het, se salarisse is nie verminder nie.

- [email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...