'Red die Delta’

Drukgroepe sê ReconAfrica die stryd aan

20 November 2020 | Omgewing
Ronelle Rademeyer – ’n Wekroep deur drukgroepe klink al harder op teen Reconnaissance Energy Namibia (ReconAfrica) se plan om in die tweede helfte van Desember met prospektering vir olie en gas in Kavango-Oos te begin en moontlik later dié reuse-skaliebron deur hidrobreking te ontgin.
Hoewel dié Kanadese maatskappy al in 2015 die regte hiervoor bekom het, sê drukgroepe openbare gesprekvoering as deel van die omgewingsimpakstudie het nooit geskied nie.
Die regering se petroleumkorporasie, Namcor, is ReconAfrica se Namibiese vennoot, met ’n aandeelhouding van 10%.
Die maatskappye het in Junie vanjaar sy belange in die Okavango Delta vergroot toe ’n verkenningspermit bekom is om in naburige Botswana se Wêrelderfenisgebied, Tsodilo Hills, ook na fossielbrandstowwe te soek. Anders as in Namibië, het ReconAfrica ’n 100%-belang in die prospekteringswerk wat in die buurland gaan plaasvind.

MILJARDE VATE OLIE
ReconAfrica het vroeër vandeesmaand in ’n webinaar van die olieen gasbedryf wat in Texas in die VSA aangebied is, gesê hy “het ’n massiewe petroleumhulpbron in die Kavangokom ontdek”. Dié bron kan jaarliks ’n verwagte 120 miljard vate olie lewer.
Frack Free Namibia (FFN) en ander organisasies soos Eden Namibia en Fridays for Future het vandeesweek in ’n brief aan verskeie belanghebbende partye skerp teen die voorgenome prospektering beswaar gemaak.
Dit is aan die Verenigde Nasies se Organisasie vir Onderwys, Wetenskap en Kultuur (Unesco), die hoofde van Kanada en Botswana se diplomatieke sendings in Namibië asook die ministeries van die omgewing, bosbou en toerisme, landbou, water en grondhervorming en myne en energie gestuur.
FFN beplan ook ’n protesoptog volgende Vrydag in Windhoek, sê me. Gundula Wagner, een van die organiseerders.
Intussen het die Namibië Kamer vir die Omgewing (NCE), sambreelliggaam vir talle nieregeringsorganisasies wat hulle op die omgewing toespits, omvattende dokumentasie aanlyn gepubliseer oor wat die ekplorasie behels en die impak wat moontlike hidrobreking gaan hê.
Die omgewingsimpakstudie (EIA) is een van die dokumente wat die NCE op die blad, Save the Okavango Delta, gepubliseer het. Dit toon die prospekteergebied in die Kavangokom strek oor meer as 25 342 vierkante kilometer. Dit vorm deel van die groter Etoshabekken en is die brongebied van die Omataku-rivierstelsel in noordoos-Namibië en noordwes- Botswana geleë.
Die ministerie van die omgewing, bosbou en toerisme het in Augustus 2019 op grond van die EIA ’n omgewingsklaringsertifikaat uitgereik ingevolge waarvan die prospektering kan begin. Die NCE sê die proses “het diep gebreke gehad”.

TOETSTERREIN MAG SKUIF
Onder meer verduidelik dit nie waar geïnteresseerde en geraakte partye kan registreer vir openbare deelname nie, wat strydig is met die Omgewingsbestuurswet asook die Grondwet.
Nog ’n beswaar deur die NCE is dat die toetsterrein waar die boortoerusting opgerig gaan word, na willekeur deur ReconAfrica verskuif kan word. Dit het ’n impak op waterbronne, gemeenskappe en skaars en bedreigde spesies, sê die NCE.
Dié omgewingskamer maak dit ook duidelik hy glo nie ReconAfrica en die regering se ontkenning dat hidrobreking vir die ontginning van hierdie reuse-skaliebron nie gaan geskied nie.
In ’n voorlegging aan beleggers het ReconAfrica gesê hy is voornemens om “honderde toetsgate” te boor en “moderne hidrobreking” toe te pas.
ReconAfrica het op 20 Oktober in ’n nuusverklaring gesê hy is gereeld om met sy boorprogram te begin, waarvan die doel is om ’n aktiewe petroleumstelsel in sy ten volle gelisensieerde Kavangokom te bevestig.
Mnr. Scot Evans, hoof uitvoerende beampte, sê die boorinstallasie wat in die eerste kwartaal vanjaar gekoop en veranderinge ondergaan het, sal teen middel-November vanaf Houston in Texas na Walvisbaai verskeep word.
Die skeepstog hierheen sal 28 dae duur, waarna dit per pad na die boorterrein suidoos van Rundu vervoer sal word.

VYF UUR LANGE VERGADERING OP RUNDU
Die minister van myne en energie, mnr. Tom Alweendo, en ReconAfrica se adjunkhoofbestuurder in Namibië, mnr. Yuri Martinez, het gister met bekommerde inwoners op Rundu vergader.
Kenya Kambowe van Namibian Sun berig die vergadering van sowat vyf ure het gevolg ná die Kavango-Oos Boere-unie (Kerfu) en die Vereniging vir Bewarings- en Gemeenskapsbou in Kavango- Oos en -Wes op 27 Oktober aan goewerneur Bonifatius Wakudumo van eersgenoemde streek geskryf en hul kommer uitgespreek het oor die vrese wat bewaringkundiges het.
Hy berig beide Martinez en die minister het ontken hidrobreking gaan geskied. Hulle het volgehou ReconAfrica gaan nie olie ontgin nie, maar net bepaal of olie en gas wel in die betrokke gebied voorkom.
[email protected]

Soortgelyk

 

Hoërskool Rehoboth gesluit tot ná Paasnaweek

1 uur gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Robberts bly in aanhouding

12 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

12 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

12 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

12 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

12 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

12 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

12 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

12 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...