Oordragplanne van Hatuikulipi’s gefnuik

ACC lê beslag op aktedokumente

06 December 2019 | Misdaad
Ronelle Rademeyer - Die Teenkorrupsiekommissie (ACC) het gistermiddag by die aktekantoor in Windhoek beslag gelê op dokumente vir die oordrag van 15 deeltiteleenhede op Swakopmund wat aan mnre. James en Tamson “Fitty” Hatuikulipi behoort.

Die eenhede is in ’n kompleks bekend as Swakopmund Lofts. Die registrasie van die oordragte sou vandag geskied.

Die Hatuikulipi’s staan saam met die voormalige ministers Bernhard Esau (visserye en mariene hulpbronne) en Sacky Shanghala (justisie), asook mnre. Ricardo Gustavo en Pius Mwatelulo tereg op klagte wat voortspuit uit die Fishrot-korrupsieskandaal.

’n Ingeligte bron het dié beslaglegging aan Republikein bevestig. Die ACC se uitvoerende direkteur, mnr. Paulus Noa, kon nie vir kommentaar bereik word nie.

(James) Hatuikulipi is die gewese uitvoerende direkteur van Investec Asset Management Namibia. Sy vermeende aandeel in die Fishrot-skandaal spruit uit sy betrokkenheid as voorsitter van die staatsbeheerde vismaatskappy, Fishcor, by die toekenning van viskwotas in ruil vir smeergeld.

Sy neef, Fitty, is getroud met Esau se dogter, Ndapandula.

Die aansoek vir die oordrag van die titelaktes is op 18 November ingedien. Dit was een week en twee dae voordat die Fishrot-6 in hegtenis geneem is en ses dae nadat die internasionale media oor die grootskaalse korrupsie in die Namibiese visbedryf berig het.

Elf van die eenhede behoort aan Fitty (TT Hatuikulipi) en NJ Hatuikulipi, terwyl twee in James (JN Hatuikulipi) se naam en die ander twee in Fitty (TT Hatuikulipi) se naam geregistreer is.

Die registrateur van aktes is in die geval van vyf van die eenhede versoek om die titelakte wat in beide Fitty en NJ Hatuikulipi se naam geregistreer is, na net laasgenoemde se naam oor te dra.

Dit kon nie bevestig word of NJ die voorletters van sy vrou, Ndapandula, is nie.

Vir twee van die transaksies moes die oordrag geskied van TT en NJ Hatuikulipi na JN Hatuikulipi (James).

Agt van die oordragte sou gemaak word na ander individue, asook twee handelsbanke.

Dit is nie bekend of dit eenhede in ’n bestaande kompleks is en of dit ’n nuwe ontwikkeling is waarvan die eenhede nog gebou moet word nie.

- [email protected]

Soortgelyk

 

Bank en depot sal nie sluit nie, sê Peya

2 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

10 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...