VK se visumvereistes raak opregtes, sê Moore

“Die een ding waaroor ek spyt is, is dat die mense wat die meeste geraak is [deur die visumregime] die opregte mense is wat van Namibië af kom. Die regeringsministers, senior beamptes en opregte sakelui wat na die VK wou reis om sake te doen soos hulle nog altyd gedoen het.”Só het die uittredende Britse hoë kommissaris in Namibië, Charles Moore, onlangs in ’n onderhoud met Network Media Hub (NMH) se program Kletskompas gesê. “Die enigste mense wat verloor het, was die Namibiërs wat ons eintlik wou gehad het moet na die VK gaan en dit is ’n bietjie van ’n skande. So dit is waar die omstredenheid vandaan kom, maar ek dink ook daar is ’n misverstand daaroor. “As ons dit [Namibiërs wat sonder visums na die VK reis en dan om asiel aansoek doen] op enige ander manier kon keer, sou ons dit gedoen het,” sê hy.Moore, die Britse hoë kommissaris in Namibië vanaf 2021 tot verlede week, beklemtoon egter die Namibiese regering se onskuld in hierdie besluit. Hy het verder verduidelik dat dit vir hom ’n uitdaging was om hierdie kwessie te hanteer, gegewe die goeie diplomatieke bande wat Namibië en die VK tot op daardie stadium gehad het.“Dit was ’n uitdaging, maar dit is waaroor diplomasie gaan. Ons het honderde Namibiërs gehad wat sonder visums na die Verenigde Koninkryk gereis en toe om asiel aansoek gedoen het en dit het ons ’n fortuin gekos.”“Daar was geen ander manier om dit aan te spreek as om 'n visumregime af te dwing nie. Die regering hier [Namibië] verstaan dit en ons het dit gereeld bespreek.“Daar was niks wat hulle kon doen nie – dit was nie hulle skuld nie. En ek dink dit is belangrik om te sê ons straf nie Namibië nie. Ons moes ’n praktiese maatreël tref om asielsoekers te stop.”Tydens Moore se ampstermyn het handel tussen Namibië en die VK drievoudig toegeneem en in sy eie woorde sê hy daar was merkwaardige oomblikke in Namibië se geskiedenis terwyl hy in die land was. “Ek was hier tydens die Covid-19-pandemie, toe dr. Hage Geingob gesterf het en onlangs by die inhuldiging van president Netumbo Nandi-Ndaitwah,” het hy gesê.KRANIGE FOTOGRAAFMoore erken Namibië het in sy hart gekruip en as kranige fotograaf het hy ook die Namibiese landskap as inspirasie gebruik.“Dit was ’n geweldige eer om die land te leer ken en al die dele van hierdie land te sien. Om rond te gaan en die kulture te verstaan en die natuurlewe af te neem was net ’n plesier.“Ek het die voorreg gehad om vir vier jaar hier te woon, waar so baie mense net aan die buitekant raak, en ek is gretig dat meer mense die land moet leer ken en kom besoek,” sê Moore.– irene-mari@nmh-hub.com.na

VK se visumvereistes raak opregtes, sê Moore

Kommentaar

Republikein 2025-11-04

Meld asseblief aan om kommentaar te lewer

VK se visumvereistes raak opregtes, sê Moore

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.