IPC kan ’n setel verloor in hofaansoek

Indien die stemme wat op 29 en 30 November aangeteken is in verlede jaar se algemene verkiesings tot niet verklaar is, mag Swapo ’n ekstra setel in die Nasionale Vergadering kry, terwyl die Independent Patriots for Change (IPC), wat die voortou neem in ’n hofaansoek om die verkiesings tot niet te verklaar, een setel sal verloor. Dit volgens die beantwoordende verklaring van die voorsitter van die Verkiesingskommissie van Namibië (ECN), Elsie Nghikembua, in die Independent Patriots for Change (IPC) se aansoek wat die uitslae van die verkiesings uitdaag. Nhikembua het gesê "Swapo sal een setel bykry en IPC sal een setel verloor, indien die uitslae van 29 en 30 November 2024 uitgesluit word."IPC en die Landless People's Movement (LPM) het hul kragte saamesnoer in die verkiesings- en die hooggeregshof om aan te dring dat die stemme van 29 en 30 November ongeldig verklaar word. Hulle vra as ’n alternatief dat die verkiesings van 2024 in sy geheel tot niet verklaar word. Die hooggeregshof is die eerste hof wat genader word wanneer ’n presidensiële verkiesing uitgedaag word, terwyl die uitslae van die verkiesing om die Nasionale Vergadering eers in die verkiesingshof moet uitgedaag word. Die kern van hul argument is die grondwetlike basis vir president Nangolo Mbumba se besluit om die verkiesings met twee dae te verleng nadat 27 November uiteengesit is as die enigste dag vir die verkiesings. Die applikante beweer die feit dat die ECN staat gemaak het op die prokureur-generaal Festus Mbandeka, ’n lid van die kabinet wat verbonde is aan Swapo, om die verkiesings te verleng het die onafhanklikheid van die verkiesings benadeel.Die leier van die LPM, Bernadus Swartbooi het in sy verklaring gesê "die ECN moet verkiesings onafhanklik, vry en regverdig hou. Indien die ECN onderhewig is aan die raad van die prokureur-generaal, wat lojaal is teenoor die president en Swapo, skep dit ’n konflik van belange."MBUMBAPresident Nangolo Mbumba het sy optrede verdedig en gesê dat hy oorspronklik van plan was om die verkiesings oraloor die land by alle stempunte te verleng, maar dat hy deur die ECN aangeraai is om die verlenging te beperk tot die Khomas-, Oshikoto-, Kunene- en Oshana-kiesafdelings. Hiervolgens moes Swapo kiesers per bus aanry van Kavango-Oos na Oshana om sy kanse in die verkiesings te verbeter. SETELSSwapo het in die verkiesings 51 van die 96 setels in die Nasionale Vergadering gekry, terwyl IPC 20 setels gekry het. Indien die betwiste stemme tot niet verklaar word, sal IPC se Isra Kanyemba sy setel verloor en sal hy vervang word deur Swapo se Christine Haindaka, die adjunksekretaris van die Swapo-jeugliga. In haar beantwoordende verklaring het Swapo se sekretaris-generaal Sophia Shaningwa gesê verskeie parliamentariërs wat reeds uit hul poste bedank het, sou geraak word indien die aansoek slaag. Daarom, sê sy, moet hulle ook respondente in die aansoek wees en wat die IPC nie gedoen het nie. "Ek noem ’n paar - bv. Willem Amutenya, Dr. Elijah Ngurare, Sharonice Busch ens. Hulle sal wesenlik en direk geraak word deur hierdie bevele. Daar is ook verskeie ander verkose lede van ander politieke partye. Wat as die verkiesing ongeldig verklaar word? Wat gebeur met hulle? In sommige gevalle mag hul poste reeds gevul wees," het sy gesê. - republikein@republikein.com.na

IPC kan ’n setel verloor in hofaansoek

Kommentaar

Republikein 2025-11-03

Meld asseblief aan om kommentaar te lewer

IPC kan ’n setel verloor in hofaansoek

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.