Hengari, ‘slagoffer’ se broer bly agter tralies

In ’n stampvol hofsaal het die voormalige minister van landbou, visserye, water en grondhervorming, Mac Albert Hengari (59), en sy 30-jarige medebeskuldigde gister hul eerste verskyning in die Windhoek-landdroshof gemaak, waartydens hulle borgtog geweier is.Hengari is Saterdag in hegtenis geneem nadat hy na bewering probeer het om ’n vrou, nou 21, om te koop om aantygings van verkragting teen hom terug te trek. Hengari het enige oortreding ontken.Luidens die aanklagte is Hengari en sy medebeskuldigde, die broer van die vermeende verkragtingslagoffer, Saterdag in hegtenis geneem nadat hulle na bewering probeer het om omkoopgeld van N$222 000 te betaal om die vrou te oorreed om die beskuldigings wat sy teen die voormalige minister gemaak het, terug te trek.Die vermeende slagoffer se broer het vanaf Duitsland ingevlieg om die betaling te fasiliteer, en die twee is op heterdaad betrap toe hulle na bewering probeer het om die geld te oorhandig.Die twee staar elk ’n klag van dwarsboming van die gereg, wat verband hou met beweerde oortredings van die wet op oproerige byeenkomste, in die gesig.Die staatsaanklaer, Seredine Jacobs, het gister borgtog teengestaan weens vrese dat Hengari met die polisieondersoek kan inmeng. Die oudminister se medebeskuldigde, wat in Duitsland woon, is ook borgtog geweier op grond daarvan dat hy ’n vlugrisiko is.Jacobs het uitstel versoek terwyl die staat wag vir die finalisering en invordering van twee getuies se verklarings, asook die verkryging van forensiese bewyse van elektroniese toestelle, wat nie tydens die kort hofverskyning gespesifiseer is nie.Die twee sal in aanhouding by die Windhoek Sentrale Gevangenis bly tot hul volgende geskeduleerde hofverskyning op 3 Junie.Hengari word deur Milton Engelbrecht verteenwoordig en sy medebeskuldigde deur Enos Mwakondange.ERNSTIGE AANTYGINGSBoonop word Hengari ondersoek op 11 aanklagte wat verband hou met verkragting, ontvoering en om ’n aborsie af te dwing. Hy het na bewering die slagoffer herhaaldelik verkrag vanaf die tyd dat sy 16 jaar oud was, met voorvalle wat na bewering tussen 2019 en September 2024 plaasgevind het. Hengari is nog nie in hegtenis geneem of formeel aangekla op grond van hierdie bewerings nie.Die vrou het in November 2024 ’n strafregtelike saak aanhangig gemaak en die minister ook daarvan beskuldig dat hy haar gedwing het om haar swangerskap te beëindig.President Netumbo Nandi-Ndaitwah het enkele dae voor sy arrestasie die minister glo die trekpas gegee. Ten spyte van die erns van die aantygings teen hom, het Hengari Nandi-Ndaitwah se eerste staatsrede (Sona) op 24 April bygewoon en was na bewering weer Vrydag in die parlement teenwoordig.Voor sy 30 dae lange ampstermyn as minister, het Hengari belangrike rolle in die land se ekonomiese en akademiese sektore beklee. Hy het as die direkteur van die Namibië Sakeskool gedien en was die hoofekonoom by die Namibië Beleggingsentrum.Die voormalige minister het ook voorheen as die persoonlike assistent van die destydse eerste minister, Hage Geingob, gedien voordat hy vir ’n paar maande die rol as koördineerder vir die Staatsdienskollege-projek opgeneem het. In Maart 2003 is hy na Frankryk om verder te studeer.VROUIntussen was Zelna Hengari, die vrou van die voormalige minister, ook in die kollig nadat Namibia Wildlife Resorts (NWR) ’n uitgerekte hofstryd teen haar gewen het. Sy is gelas om regskoste te betaal wat op N$500 000 geraam is nadat sy ’n eis van N$7,5 miljoen vir reputasieskade teen NWR, Pohamba Shifeta, die voormalige minister van toerisme, en Leon Jooste, die voormalige minister van staatsondernemings, verloor het. Die dispuut het gehandel oor ’n ooreenkoms van 30 jaar wat onder haar leierskap met Sun Karros onderteken is vir ontwikkelings by Sesriem, wat later ongeldig geag is weens die oortreding van verkrygingswette. Sy is daarvan beskuldig dat sy valslik beweer het dat die ooreenkoms deur die direksie goedkeuring is.– republikein@republikein.com.na

Hengari, ‘slagoffer’ se broer bly agter tralies

Kommentaar

Republikein 2025-12-16

Meld asseblief aan om kommentaar te lewer

Hengari, ‘slagoffer’ se broer bly agter tralies

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.