Wêreldkankerdag vandag herdenk

Vandag, wanneer Namibiërs die eenjarige herdenking van president Hage Geingob se dood herdenk, herdenk ons ook Wêreldkankerdag, wat die dringende behoefte aan gesondheidsorgstelsels beklemtoon om individue bo siektes te prioritiseer.In die lig hiervan is die Internasionale Kankerbeheerliggaam (UICC) vir die volgende drie jaar die dryfveer agter die inisiatief “United by Unique” – ’n veldtog wat poog om na mensgesentreerde kankersorg te verskuif. Hierdie kankersorg fokus op individue en gemeenskappe en verseker tydige en pasgemaakte dienste. Dit bemagtig pasiënte om ’n aktiewe rol in hul gesondheid te speel, wat lei tot beter uitkomste, groter vertroue in gesondheidsorgverskaffers en verbeterde geregtigheid. Inisiatiewe wat hierdie benadering ondersteun, sluit in programme vir gemeenskapsgesondheid, kulturele bevoegdheidsopleiding, telemedisyne, pasiëntnavigasiedienste en beleidsinsette van diegene wat deur kanker geraak word.Die Kankervereniging van Namibië (CAN) ondersteun dié veldtog ten volle en beklemtoon die behoefte aan persoonlike sorg.“Vir te lank was die fokus op die behandeling van die siekte, terwyl die individu agter die diagnose oor die hoof gesien is,” sê Rolf Hansen, CAN se uitvoerende hoof.“Elke pasiënt is uniek, gevorm deur persoonlike omstandighede soos kultuur, inkomste, toegang tot behandeling, taalstruikelblokke en stigma – wat alles hul kankerreis en oorlewingsuitkomste direk beïnvloed.“Dit is tyd om pasiënte se stemme te laat hoor, hierdie struikelblokke af te breek en die werklikheid te omhels dat kankersorg verpersoonlik moet word. “As ons in begrip verenig, kan ons verseker dat elke pasiënt die ondersteuning en behandeling ontvang wat persoonlik vir hul spesifieke behoeftes aangepas is.” – republikein@republikein.com.na

Wêreldkankerdag vandag herdenk

Kommentaar

Republikein 2025-11-03

Meld asseblief aan om kommentaar te lewer

Wêreldkankerdag vandag herdenk

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.