Namibië teken 28 gevalle van melaatsheid aan

Die minister van gesondheid en maatskaplike dienste, dr. Kalumbi Shangula, het verlede week gewaarsku daar is ’n behoefte aan volgehoue waaksaamheid en optrede teen melaatsheidinfeksies in Namibië, met die land wat die afgelope 11 maande 28 nuwe gevalle aangeteken het.Shangula het Donderdag hierdie opmerkings tydens die vyfde herdenking van Wêreldmelaatsheidsdag op Kongola in die Zambezistreek gemaak.Shangula het gesê die dag word nie net gewy aan die bewusmaking oor melaatsheid, ’n siekte wat histories met ernstige stigma en misverstand geassosieer word nie, maar ook om die regering se verbintenis tot die uitwissing van die siekte se voortslepende houvas op gemeenskappe te herbevestig.“Die tema (Unite. Act. Eliminate) dien as ’n duidelike beroep om ons pogings aan te wakker, ons gemeenskappe in te lig en die siekte se skaduwee uit te roei wat steeds oor soveel lewens sigbaar is,” het Shangula gesê.Alhoewel melaatsheid grootliks uitgeskakel is as ’n kommer oor openbare gesondheid in Namibië – minder as een geval per 10 000 mense – duur sporadiese gevalle steeds voort.INGRYPINGShangula het gesê die ministerie se doelwit is om die oordrag van melaatsheid teen 2027 drasties te verminder. Ten spyte van aansienlike vordering, het streke soos Oshana, Kavango-Wes, Kavango-Oos, Khomas en Zambezi verskeie gevalle aangemeld – sommige nuwe infeksies sowel as terugvalle – wat altesaam 28 gevalle vir die huidige boekjaar beloop.“Dit is noemenswaardig dat die Nasionale TB- en Melaatsheidsprogram se onlangse melaatsheidassessering in Oshana, Omusati en Kavango-Wes 11 nuwe gevalle aan die lig gebring het, wat die kritieke behoefte aan volgehoue waaksaamheid en optrede beklemtoon,” het die minister gesê.“Ons moet optree. Dit vereis proaktiewe betrokkenheid deur openbare onderwys, vroeë diagnose, voorkomingsprogramme, vinnige behandeling en die bemagtiging van geraakte individue. Hierdie optrede is noodsaaklik om oordrag te onderbreek en ons na ons doelwitte te lei,” het Shangula bygevoeg. STIGMADie minister het verduidelik dat individue wat deur melaatsheid geraak is voorheen slegs na uitgesoekte gesondheidsgeriewe in Namibië verwys is vir behandeling. Nou kan hulle doeltreffende behandeling by distrikshospitale oraloor die land ontvang met ’n kombinasie van antibiotika bekend as multi-geneesmiddelterapie (MDT), in ooreenstemming met die Wêreldgesondheidsorganisasie (WHO) se riglyne.In opmerkings wat Mickey Lukaezi, raadslid van die Sibbinda-kiesafdeling namens hom voorgelees het, het Lawrence Sampofu, die streekgoewerneur van die Zambezistreek, gesê melaatsheid word as “’n vloekagtige siekte” beskou.Hy het die ministerie bedank vir sy proaktiewe benadering om hierdie persepsies uit te wis en bewustheid te skep dat die siekte matig aansteeklik en geneesbaar is.Sampofu het gemeenskappe aangemoedig om diegene wat deur melaatsheid geraak word meer te ondersteun en vir hulle te sorg eerder as om hulle soos uitgeworpenes te behandel.“Die ministerie het vordering gemaak om elke siekte wat die mensdom raak te akkommodeer. Dit sal suksesvol wees wanneer lede van die gemeenskap hand aan hand met gesondheidsorgwerkers werk,” het hy bygevoeg.Sampofu het diegene wat met melaatsheid leef aangemoedig om nie stil te bly nie sodat hulle betyds hulp kan ontvang.– republikein@republikein.com.na

Namibië teken 28 gevalle van melaatsheid aan

Kommentaar

Republikein 2026-02-03

Meld asseblief aan om kommentaar te lewer

Namibië teken 28 gevalle van melaatsheid aan

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.