Vermiste veewagter ná 10 jaar eers begrawe

Die oorskot van die veewagter Fillipus Jurius wat op 4 Augustus 2015 by die Onamatanga-veepos in die Omusatistreek vermis geraak het, is uiteindelik Saterdag ter ruste gelê.Jurius, wat vanjaar 35 sou geword het, is byna 'n dekade gelede as vermis aangemeld. Sy oorskot is 12 dae later ontdek op die plaas van die voormalige minister van inligting en kommunikasietegnologie, Joel Kaapanda, waar hy laas gesien is terwyl hy gewerk het.Volgens 'n nadoodse ondersoekverslag wat deur Network Media Hub (NMH) gesien is, is die lykskouing op 20 Oktober 2015 uitgevoer, maar die uitslae wat die oorskot as dié van Jurius bevestig, is eers op 18 Augustus 2025 - 10 jaar later - vrygestel.Toe wyle Jurius se tante, Frieda Muulusy gevra is hoekom dit so lank geneem het, het sy aan NMH gesê dat die polisie die familie in kennis gestel het dat daar destyds geen toetsstelle beskikbaar was nie. “Hulle het dit meestal na Suid-Afrika of Kenia gestuur. Hulle het nie vir ons gesê of hulle dit gestuur het nie. Al wat hulle gesê het, is dat hulle dit na Windhoek gestuur het, maar hulle het wel bevestig dat hulle nou die volledige stel het om die toetse te doen,” het sy gesê.In 'n onderhoud met NMH het Muulu gesê die familie voel dat 'n swaar gewig van hul skouers af gelig is en bygevoeg: "Ons kan hom nou ter ruste lê, 10 jaar later."Toe 'n polisiebeampte om kommentaar gevra is, het hy bevestig dat die proses nie langer as 'n dekade behoort te sloer nie. Hy het verder verduidelik dat resultate destyds gewoonlik na die buiteland gestuur is, maar Namibië het nou 'n forensiese laboratorium waar sulke ontledings plaaslik uitgevoer kan word.Muulu het verder bevestig dat Kaapanda glo twee mans gestuur het om hom te verteenwoordig en Jurius se oorskot terug na Onamatanga te vervoer om begrawe te word.In 'n vorige artikel wat deur NMH in Januarie 2016 gepubliseer is, is berig dat Kaapanda daarvan beskuldig is dat hy Jurius se ma, Elizabeth Akooko, gedreig het om op te hou om met die media oor haar vermiste seun te praat.– republikein@republikein.com.na

Vermiste veewagter ná 10 jaar eers begrawe

Kommentaar

Republikein 2025-10-14

Meld asseblief aan om kommentaar te lewer

Vermiste veewagter ná 10 jaar eers begrawe

Kommentaar

Republikein 2025-10-14

Meld asseblief aan om kommentaar te lewer

MELD AAN

Advertensie