Inskrywings vir triënnale nou oop
Plaaslike kreatiwiteit was in die kollig by die amptelike bekendstelling van die sesde Bank Windhoek Triënnale, wat by die Nasionale Kunsgalery van Namibië (NAGN) aangebied is.
Dié gesogte kunskompetisie het ten doel om Namibiese visuele kunste te bevorder terwyl plaaslike talent en identiteit gevier word.
Vanjaar se triënnale onder die tema “Namibian Identity: The Linework of a Country’s Contours and Wealth” nooi kunstenaars uit om die kern van Namibiese kultuur, geskiedenis en maatskaplike evolusie deur middel van visuele storievertelling te verken en uit te druk.
Groot pryse is op die spel. Die algehele wenner sal N$50 000 in kontant en ’n solo-uitstalling by die NAGN losslaan, terwyl die tweede- en derdeplekwenners onderskeidelik N$35 000 en N$25 000 sal ontvang. Benewens die finansiële ondersteuning, sal die galery mentorskap- en loopbaanontwikkelingsgeleenthede aan die top-3-kunstenaars bied.
’n Spesiale kategorie is ook bekend gestel vir ontluikende kunstenaars jonger as 35, wat toegang sal kry tot NAGN se bestaande ontwikkelingsprogram vir ontluikende kunstenaars.
Bronwyn Moody van Bank Windhoek het die triënnale by die geleentheid as ’n platform beskryf waar “dapper idees vorm aanneem, tradisie vernuwing ontmoet en die universele taal van kreatiwiteit harder as ooit tevore praat”.
Sy het bygevoeg dat die triënnale as ’n spieël vir die Namibiese samelewing dien en die land se uiteenlopende stories en drome vasvang.
Bank Windhoek is sedert 2008 die titelborg van die triënnale, wat hul verbintenis tot die koestering van Namibië se kulturele landskap versterk.
Die direkteur van die NAGN, Michelle van Wyk, het gesê die uitstalling moedig Namibiërs aan om oor hul gesamentlike identiteit te besin en uiting daaraan te gee.
“Ons moet platforms soos hierdie gebruik om die wêreld te vertel wie ons is en waarheen ons groei.”
Met die klem op inklusiwiteit, het die hoofkurator van NAGN, Ndeenda Shivute-Nakapunda, opgemerk dat vanjaar se triënnale kunsuitbreidingskantore landswyd aktief betrek om groter deelname en standaardisering te verseker.
“Hierdie kantore sal help met die ontwikkeling van kunstenaars se werk en vorm deel van die keurkomitee.”
Aansoekvorms vir die 2025 Triënnale sal vanaf Dinsdag 20 Mei op Bank Windhoek se webwerf by www.bankwindhoek.com.na beskikbaar wees.
– [email protected]
Dié gesogte kunskompetisie het ten doel om Namibiese visuele kunste te bevorder terwyl plaaslike talent en identiteit gevier word.
Vanjaar se triënnale onder die tema “Namibian Identity: The Linework of a Country’s Contours and Wealth” nooi kunstenaars uit om die kern van Namibiese kultuur, geskiedenis en maatskaplike evolusie deur middel van visuele storievertelling te verken en uit te druk.
Groot pryse is op die spel. Die algehele wenner sal N$50 000 in kontant en ’n solo-uitstalling by die NAGN losslaan, terwyl die tweede- en derdeplekwenners onderskeidelik N$35 000 en N$25 000 sal ontvang. Benewens die finansiële ondersteuning, sal die galery mentorskap- en loopbaanontwikkelingsgeleenthede aan die top-3-kunstenaars bied.
’n Spesiale kategorie is ook bekend gestel vir ontluikende kunstenaars jonger as 35, wat toegang sal kry tot NAGN se bestaande ontwikkelingsprogram vir ontluikende kunstenaars.
Bronwyn Moody van Bank Windhoek het die triënnale by die geleentheid as ’n platform beskryf waar “dapper idees vorm aanneem, tradisie vernuwing ontmoet en die universele taal van kreatiwiteit harder as ooit tevore praat”.
Sy het bygevoeg dat die triënnale as ’n spieël vir die Namibiese samelewing dien en die land se uiteenlopende stories en drome vasvang.
Bank Windhoek is sedert 2008 die titelborg van die triënnale, wat hul verbintenis tot die koestering van Namibië se kulturele landskap versterk.
Die direkteur van die NAGN, Michelle van Wyk, het gesê die uitstalling moedig Namibiërs aan om oor hul gesamentlike identiteit te besin en uiting daaraan te gee.
“Ons moet platforms soos hierdie gebruik om die wêreld te vertel wie ons is en waarheen ons groei.”
Met die klem op inklusiwiteit, het die hoofkurator van NAGN, Ndeenda Shivute-Nakapunda, opgemerk dat vanjaar se triënnale kunsuitbreidingskantore landswyd aktief betrek om groter deelname en standaardisering te verseker.
“Hierdie kantore sal help met die ontwikkeling van kunstenaars se werk en vorm deel van die keurkomitee.”
Aansoekvorms vir die 2025 Triënnale sal vanaf Dinsdag 20 Mei op Bank Windhoek se webwerf by www.bankwindhoek.com.na beskikbaar wees.
– [email protected]
Kommentaar
Republikein
Geen kommentaar is op hierdie artikel gelaat nie