Betaal werkers eerste, sê minister
Verskil tussen projekomvang en vermoëns
Die Federasie vir die Konstruksiebedrywe van Namibië (CIF) skryf die probleem toe aan gebrekkige verkrygings- en keuringsprosesse.
Die minister van stedelike en landelike ontwikkeling, James Sankwasa, sê die meeste kontrakteurs vertraag die voltooiing van konstruksiewerk omdat hulle van hul werkers vergeet en Mercedes-voertuie en ander luukshede koop nadat hulle hul eerste betaling ontvang het.
Sankwasa het dié opmerkings gemaak tydens die onlangse aankondiging van infrastruktuurprojekte op Otavi. Volgens hom word werkers afgeskeep terwyl projekte daaronder ly.
“Die eerste prioriteit wanneer jy betaal word, moet wees om jou werkers hul salarisse te betaal sodat hulle kan aanhou werk.
“Dan kan jy vat wat oorbly. Dis nie andersom waar jy jouself eerste betaal en die werkers los met wat oorbly nie,” het hy gewaarsku.
Volgens Sankwasa het dié gedrag die projek ernstig beïnvloed. Hy het aan die kontrakteur wat die projekte voltooi het gesê hulle moet hulself nie net as werkers in Otavi sien nie.
“Julle moet Otavi as ’n verwysingspunt sien, ’n plek wat ’n voorbeeld stel en ook as grondslag vir toekomstige projekte,” het hy bygevoeg.
Die minister het ook die noodsaaklikheid beklemtoon om werkloosheid te takel.
“Indien julle hierdie projek goed bestuur en ’n ander een elders kry, kan jy meer mense in diens neem en op daardie manier verminder ons werkloosheid,” het hy gesê.
NAMWATER
NamWater het vroeër vanjaar gesê die versuim van plaaslike kontrakteurs om sedert 2021 verskeie waterprojekte ter waarde van N$315 miljoen te voltooi, het die watervoorsiener genoodsaak om meer doeltreffende internasionale maatskappye te oorweeg.
Dit volg op bewerings deur Namibië se vereniging vir plaaslike besigheid (Naloba) dat dié verskaffer voorkeur gee aan internasionale kontrakteurs wanneer waterinfrastruktuurprojekte toegeken word.
PLAASLIK
NamWater het in ’n verklaring kommer uitgespreek oor die aantal sleutelwaterprojekte wat steeds nie deur plaaslike maatskappye voltooi is nie.
“Daar was gevalle waar projekte wat aan plaaslike entiteite toegeken is, aansienlike vertragings gehad het, nie uitgevoer is nie of net laat vaar is,” het Lot Ndamanomhata, NamWater se woordvoerder, gesê.
Die Federasie vir die Konstruksiebedrywe van Namibië (CIF) se uitvoerende hoof, Bärbel Kirchner, het egter NamWater se standpunt verwerp en gesê die probleem lê in gebrekkige verkryging- en keuringsprosesse.
“Terwyl hulle die blaam op ‘plaaslike kontrakteurs’ plaas sonder onderskeid en sonder om deursigtig te wees oor na watter kontrakteur hulle verwys, is die onderliggende probleem heel waarskynlik swak verkrygings- en keuringsprosesse deur die owerheid,” het Kirchner aan die media gesê.
Volgens haar lei die wanbelyning tussen die omvang van die projek en die werklike vermoëns van kontrakteurs dikwels tot substandaard uitkomste.
Sy het gewaarsku dit moet nie gebruik word om die toenemende voorkeur van buitelandse kontrakteurs te regverdig nie. – [email protected]
Sankwasa het dié opmerkings gemaak tydens die onlangse aankondiging van infrastruktuurprojekte op Otavi. Volgens hom word werkers afgeskeep terwyl projekte daaronder ly.
“Die eerste prioriteit wanneer jy betaal word, moet wees om jou werkers hul salarisse te betaal sodat hulle kan aanhou werk.
“Dan kan jy vat wat oorbly. Dis nie andersom waar jy jouself eerste betaal en die werkers los met wat oorbly nie,” het hy gewaarsku.
Volgens Sankwasa het dié gedrag die projek ernstig beïnvloed. Hy het aan die kontrakteur wat die projekte voltooi het gesê hulle moet hulself nie net as werkers in Otavi sien nie.
“Julle moet Otavi as ’n verwysingspunt sien, ’n plek wat ’n voorbeeld stel en ook as grondslag vir toekomstige projekte,” het hy bygevoeg.
Die minister het ook die noodsaaklikheid beklemtoon om werkloosheid te takel.
“Indien julle hierdie projek goed bestuur en ’n ander een elders kry, kan jy meer mense in diens neem en op daardie manier verminder ons werkloosheid,” het hy gesê.
NAMWATER
NamWater het vroeër vanjaar gesê die versuim van plaaslike kontrakteurs om sedert 2021 verskeie waterprojekte ter waarde van N$315 miljoen te voltooi, het die watervoorsiener genoodsaak om meer doeltreffende internasionale maatskappye te oorweeg.
Dit volg op bewerings deur Namibië se vereniging vir plaaslike besigheid (Naloba) dat dié verskaffer voorkeur gee aan internasionale kontrakteurs wanneer waterinfrastruktuurprojekte toegeken word.
PLAASLIK
NamWater het in ’n verklaring kommer uitgespreek oor die aantal sleutelwaterprojekte wat steeds nie deur plaaslike maatskappye voltooi is nie.
“Daar was gevalle waar projekte wat aan plaaslike entiteite toegeken is, aansienlike vertragings gehad het, nie uitgevoer is nie of net laat vaar is,” het Lot Ndamanomhata, NamWater se woordvoerder, gesê.
Die Federasie vir die Konstruksiebedrywe van Namibië (CIF) se uitvoerende hoof, Bärbel Kirchner, het egter NamWater se standpunt verwerp en gesê die probleem lê in gebrekkige verkryging- en keuringsprosesse.
“Terwyl hulle die blaam op ‘plaaslike kontrakteurs’ plaas sonder onderskeid en sonder om deursigtig te wees oor na watter kontrakteur hulle verwys, is die onderliggende probleem heel waarskynlik swak verkrygings- en keuringsprosesse deur die owerheid,” het Kirchner aan die media gesê.
Volgens haar lei die wanbelyning tussen die omvang van die projek en die werklike vermoëns van kontrakteurs dikwels tot substandaard uitkomste.
Sy het gewaarsku dit moet nie gebruik word om die toenemende voorkeur van buitelandse kontrakteurs te regverdig nie. – [email protected]
Kommentaar
Republikein
Geen kommentaar is op hierdie artikel gelaat nie