Só pluk ons Proteas...

Vir ‘n beter geskenk kon Zane Green van Namibië se FNB Eagles op sy 29ste verjaarsdag nie vra nie! Green het Saterdag help geskiedenis maak deur die wenlopies te slaan met ‘n vier van die laaste bal van die eerste T20-internasionale wedstryd by die nuwe FNB Namibië Krieketveld in die heel eerste senior internasionale botsing tussen Namibië en Suid-Afrika se Proteas. Namibië se FNB Eagles het Suid-Afrika met vier paaltjies geklop. Green, die Eagles se paaltjiewagter, het onoorwonne geëindig met 30 lopies van 23 balle (2x4 1x6). Hy was terloops ook die kaptein toe Namibië Suid-Afrika in die Internasionale Krieketraad Onder-19 Wêreldbeker in Bangladesj in 2016 verslaan het. Ruben Trumpelmann is as speler van die wedstryd aangewys vir 'n deurslaggewende laat 11 lopies nie uit van 8 balle (1x4) deur op nommer agt langs Green te kolf.

Klik hier vir ‘n onderhoud met Green na afloop van die wedstryd: https://q.my.na/ETKS