Stokviskopers bly ’n geheim
Regering tevrede met opbrengs
Die staat het hoër pryse as sy reserwepryse ontvang, en sê dat veilings 'n doeltreffende meganisme bly om prysontdekking in die bedryf te vergemaklik.
Die ministerie van finansies en staatsondernemings het die opbrengs van die stokvisveiling wat op 16 Desember 2022 gehou is, aangekondig.
Wie die suksesvolle bieërs vir die stokviskwotas is, is egter steeds ’n raaisel.
Altesame N$110,1 miljoen is geïn uit die verkoop van 12 300 metrieke ton stokvis, en uit aansoekfooie van N$10 000 per aanbod, volgens die finansministerie. Dit beskou die veiling as suksesvol omdat daar hoër as die reserweprys gebie is, en net 2 700 metrieke ton vis is nie verkoop nie.
Dié oorskot sal terug aan die ministerie van visserye en mariene hulpbronne besorg word, volgens die ministerie se woordvoerder, Wilson Shikoto. Drie tenders is vir gevriesde vis ontvang, en sewe vir vars vis, brei hy uit. Viskwotas is aan elke tender toegeken. Shikoto kon egter nie aan die koerant bevestig wie die suksesvolle bieërs is nie.
“Ons is nie by magte om die suksesvolle bieërs se besonderhede te verskaf nie weens die feit dat die kliënte se inligting vertroulik is,” het hy op navraag gesê.
Verder het hy ook ’n fout op die oorspronklike mediaverklaring reggestel. Die kennisgewing het gesê 46 858 metrieke ton stokvis is toegewys en volgens Shikoto moes dit eintlik 12 300 gewees het. Geen verduideliking is verder verskaf nie.
Ander inligting in die oorspronklike verklaring dui aan dat altesaam N$82 488 500 vir vars vis op die veiling betaal is, en altesaam N$27 560 000 vir gevriesde vis.
Die finansministerie sê die veiling het hoër pryse teenoor die reserweprys van N$7 000 bereik; tot ’n gemiddeld van N$8 592,55 vir vars stokvis, en vir gevriesde stokvis – waarvoor die reserweprys N$9 000 was – is tot N$10 207,41 gebie.
“So ’n uitkoms bevestig dat veilings ’n doeltreffende meganisme bly om prysontdekking in die bedryf te vergemaklik, en natuurlike hulpbronne aan die mark toe te ken,” luidens die ministerie se verklaring.
Die woordvoerder vir die ministerie van visserye en mariene hulpbronne, Uaripi Katjiukua, het bevestig dat die mandaat vir die verkoop van die stokviskwotas aan die ministerie van finansies toegeken is.
“As dit is wat hulle sê, is dit so,” het sy op navraag oor die identiteit van die stokviskopers geantwoord.
Volgens haar sou die visseryeministerie sy grense oorskry as hy die lys bekend sou maak. “Dit is nie iets wat visserye kan doen nie.”
Op verdere navraag het die visseryeminister, Derek Klazen, ook bevestig dat dit die ministerie van finansies se verantwoordelikheid is om die vis te verkoop en om die name bekend te maak.
“Alle inligting moet van hulle af kom,” het hy bevestig.
Matti Amukwa, voorsitter van die Konfederasie van Namibiese Visseryeverenigings (CNFA), en lank ’n sakeleier in die stokvisbedryf, sê egter hy verstaan nie hoekom die geheimhouding nodig is nie. Volgens hom is dit ’n natuurlike hulpbron wat aan alle Namibiërs behoort.
“Dit is net regverdig dat Namibiërs weet wie die vis gekoop het. Ek sal graag wil weet hoekom hulle nie die inligting wil deel nie,” het hy gesê.
– [email protected]
Wie die suksesvolle bieërs vir die stokviskwotas is, is egter steeds ’n raaisel.
Altesame N$110,1 miljoen is geïn uit die verkoop van 12 300 metrieke ton stokvis, en uit aansoekfooie van N$10 000 per aanbod, volgens die finansministerie. Dit beskou die veiling as suksesvol omdat daar hoër as die reserweprys gebie is, en net 2 700 metrieke ton vis is nie verkoop nie.
Dié oorskot sal terug aan die ministerie van visserye en mariene hulpbronne besorg word, volgens die ministerie se woordvoerder, Wilson Shikoto. Drie tenders is vir gevriesde vis ontvang, en sewe vir vars vis, brei hy uit. Viskwotas is aan elke tender toegeken. Shikoto kon egter nie aan die koerant bevestig wie die suksesvolle bieërs is nie.
“Ons is nie by magte om die suksesvolle bieërs se besonderhede te verskaf nie weens die feit dat die kliënte se inligting vertroulik is,” het hy op navraag gesê.
Verder het hy ook ’n fout op die oorspronklike mediaverklaring reggestel. Die kennisgewing het gesê 46 858 metrieke ton stokvis is toegewys en volgens Shikoto moes dit eintlik 12 300 gewees het. Geen verduideliking is verder verskaf nie.
Ander inligting in die oorspronklike verklaring dui aan dat altesaam N$82 488 500 vir vars vis op die veiling betaal is, en altesaam N$27 560 000 vir gevriesde vis.
Die finansministerie sê die veiling het hoër pryse teenoor die reserweprys van N$7 000 bereik; tot ’n gemiddeld van N$8 592,55 vir vars stokvis, en vir gevriesde stokvis – waarvoor die reserweprys N$9 000 was – is tot N$10 207,41 gebie.
“So ’n uitkoms bevestig dat veilings ’n doeltreffende meganisme bly om prysontdekking in die bedryf te vergemaklik, en natuurlike hulpbronne aan die mark toe te ken,” luidens die ministerie se verklaring.
Die woordvoerder vir die ministerie van visserye en mariene hulpbronne, Uaripi Katjiukua, het bevestig dat die mandaat vir die verkoop van die stokviskwotas aan die ministerie van finansies toegeken is.
“As dit is wat hulle sê, is dit so,” het sy op navraag oor die identiteit van die stokviskopers geantwoord.
Volgens haar sou die visseryeministerie sy grense oorskry as hy die lys bekend sou maak. “Dit is nie iets wat visserye kan doen nie.”
Op verdere navraag het die visseryeminister, Derek Klazen, ook bevestig dat dit die ministerie van finansies se verantwoordelikheid is om die vis te verkoop en om die name bekend te maak.
“Alle inligting moet van hulle af kom,” het hy bevestig.
Matti Amukwa, voorsitter van die Konfederasie van Namibiese Visseryeverenigings (CNFA), en lank ’n sakeleier in die stokvisbedryf, sê egter hy verstaan nie hoekom die geheimhouding nodig is nie. Volgens hom is dit ’n natuurlike hulpbron wat aan alle Namibiërs behoort.
“Dit is net regverdig dat Namibiërs weet wie die vis gekoop het. Ek sal graag wil weet hoekom hulle nie die inligting wil deel nie,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie