Munisipale werkers eis beter salarisse
Asook hervormings binne die organisasie
Werknemers van die Windhoekse munisipaliteit eis dat "korrupte bestuurders en senior bestuurders" aan dissiplinêre maatreëls onderwerp word.
Mariud Ngula – In ’n klagskrif wat Vrydag aan Stad Windhoek (CoW) oorhandig is, het werknemers beter salarisse en hervormings binne die organisasie geëis, en die munisipaliteit twee weke kans gegee om te reageer.
Elia Haindongo, wat die Namibiese Vakbond vir Staatsdienswerkers (Napwu) verteenwoordig, het die klagskrif aan Faniel Maanda oorhandig in die afwesigheid van Moses Matyayi, die uitvoerende hoof van die munisipaliteit.
Haindongo het gesê werknemers het vier agtereenvolgende jare geen salarisverhogings ontvang nie, ondanks stygende lewenskoste.
“Die repokoers het tot 7,75 toegeneem, en sal na verwagting weer styg. Die rentekoers het vanjaar alleen vier keer gestyg, en die brandstofprys ses keer.”
Hy het gesê Augustus se inflasiekoers was 6%, terwyl die jaarlikse inflasiekoers op 5,3% staan. Hy het verder beklemtoon dat die verbruikersprysindeks vir voedsel in Namibië van 163,01 punte in Julie tot 163,31 in Augustus gestyg het.
“Stad Windhoek het tariewe en belasting met 4,5% verhoog en elektrisiteit met 8,6%, wat ’n impak op die werknemers se verblyf- en vervoerkoste gehad het,” het hy gesê.
Luidens die klagskrif wil die werknemers hê die munisipaliteit moet reageer op hul reeds ingediende salarisverhoging vir die boekjaar 2023-’24 , terwyl hulle ook gratis parkering geëis het vir werknemers aan wie nie parkering toegeken is nie en om kontrakwerkers permanent aan te stel.
Die munisipaliteit se bestuur is ook aangemoedig om die uitkontraktering van dienste te staak wanneer daar goed gevestigde interne kapasiteit is wat hierdie take kan verrig en het gevra dat onbillike arbeidspraktyke beëindig word.
Die groep wil ook hê die munisipaliteit moet kostebesnoeiingsmaatreëls instel. Dit om die organisasie se algehele stabiliteit te verbeter asook sy vermoë om werknemers se welstand te handhaaf, deur onnodige uitgawes soos oorsese reise vir raadslede te staak.
Die gegriefde werknemers het ook geëis dat die munisipaliteit “korrupte bestuurders en senior bestuurders” dissiplineer deur nie aantygings van nepotisme en korrupsie ligtelik op te neem nie en verder aan te dring op strawwe dissiplinêre maatreëls teen die skuldiges.
“Ondersoeke na bewerings van korrupsie vir gepaste optrede moet op ’n drieledige wyse gedoen word om deursigtigheid en onpartydigheid te verseker,” luidens die klagskrif.
“Ons staan verenig en verbind tot die sukses van die munisipaliteit in sy verskaffing van dienste aan die stad se inwoners.”
– [email protected]
Elia Haindongo, wat die Namibiese Vakbond vir Staatsdienswerkers (Napwu) verteenwoordig, het die klagskrif aan Faniel Maanda oorhandig in die afwesigheid van Moses Matyayi, die uitvoerende hoof van die munisipaliteit.
Haindongo het gesê werknemers het vier agtereenvolgende jare geen salarisverhogings ontvang nie, ondanks stygende lewenskoste.
“Die repokoers het tot 7,75 toegeneem, en sal na verwagting weer styg. Die rentekoers het vanjaar alleen vier keer gestyg, en die brandstofprys ses keer.”
Hy het gesê Augustus se inflasiekoers was 6%, terwyl die jaarlikse inflasiekoers op 5,3% staan. Hy het verder beklemtoon dat die verbruikersprysindeks vir voedsel in Namibië van 163,01 punte in Julie tot 163,31 in Augustus gestyg het.
“Stad Windhoek het tariewe en belasting met 4,5% verhoog en elektrisiteit met 8,6%, wat ’n impak op die werknemers se verblyf- en vervoerkoste gehad het,” het hy gesê.
Luidens die klagskrif wil die werknemers hê die munisipaliteit moet reageer op hul reeds ingediende salarisverhoging vir die boekjaar 2023-’24 , terwyl hulle ook gratis parkering geëis het vir werknemers aan wie nie parkering toegeken is nie en om kontrakwerkers permanent aan te stel.
Die munisipaliteit se bestuur is ook aangemoedig om die uitkontraktering van dienste te staak wanneer daar goed gevestigde interne kapasiteit is wat hierdie take kan verrig en het gevra dat onbillike arbeidspraktyke beëindig word.
Die groep wil ook hê die munisipaliteit moet kostebesnoeiingsmaatreëls instel. Dit om die organisasie se algehele stabiliteit te verbeter asook sy vermoë om werknemers se welstand te handhaaf, deur onnodige uitgawes soos oorsese reise vir raadslede te staak.
Die gegriefde werknemers het ook geëis dat die munisipaliteit “korrupte bestuurders en senior bestuurders” dissiplineer deur nie aantygings van nepotisme en korrupsie ligtelik op te neem nie en verder aan te dring op strawwe dissiplinêre maatreëls teen die skuldiges.
“Ondersoeke na bewerings van korrupsie vir gepaste optrede moet op ’n drieledige wyse gedoen word om deursigtigheid en onpartydigheid te verseker,” luidens die klagskrif.
“Ons staan verenig en verbind tot die sukses van die munisipaliteit in sy verskaffing van dienste aan die stad se inwoners.”
– [email protected]
Kommentaar
Republikein
Geen kommentaar is op hierdie artikel gelaat nie