‘Swakopmund-slagter’ baklei weer vir parool
’n Man wat in 1999 skuldig bevind is op sy vrou se moord, en in 2016 in ’n paroolaansoek misluk het, doen weer eens aansoek vir sy vonnis om opgeskort te word.
Kristien Kruger – Die man wat skuldig bevind is op die moord van sy vrou wat hy opgesny, gekook en haar oorskot in hul huis se dak weggesteek het, doen weer eens aansoek vir parool in die hoërhof in Windhoek.
Een van die berugste moordenaars in Namibië se geskiedenis, Thomas Florin (54), is in Desember 1999 tot lewenslange tronkstraf gevonnis.
Florin het ’n saak teen onder meer die regering, gevangenisowerhede, voorsitter van die Institusionele Komitee, die ministers van buitelandse sake en van veiligheid en sekuriteit ingedien om ’n derde van sy vonnis op te skort en vrygelaat te word.
Die verweerders staan die saak teen en sê daar is geen basis vir die aansoek nie.
Regter Shafimana Ueitele het vandeesweek die saak na 1 Desember uitgestel.
Florin het in 2016 saam met 25 ander gevangenes ook ’n aansoek om parool ingedien, wat van die hand gewys is.
Hy het in November 2013 ’n soortgelyke aansoek om parool gebring.
Volgens hofstukke is Florin van mening dat die Gevangeniswet van 1998, wat ten tyde van sy skuldigbevinding van krag was, hom in staat stel om sy vonnis te verkort en moes hy glo reeds op 22 Augustus 2016 ’n vry man gewees het.
Volgens die 2016-uitspraak in die hooggeregshof waartydens Florin en 25 ander gevangenes wat lewenslange vonnisse uitdien, met ’n aansoek om vir parool in aanmerking te kom, was die beslissing net van toepassing op die aansoekers in hierdie saak wat lewenslange tronkstraf opgelê is voordat die eertydse Wet op Gevangenisse van 1959 op 15 Augustus 1999 deur Namibië se eerste Wet op Gevangenisse van 1998 vervang is.
Uit die 26 aansoekers het 23 volgens die hofuitspraak vir parool gekwalifiseer.
Florin is op 22 Desember 1999 gevonnis. Volgens die toepassing van die 1959-wet sou iemand met ’n lewenslange vonnis ná 10 jaar vir parool kwalifiseer. Dit was die helfte van die 20 jaar wat destyds as die minimum lengte van “lewenslank” beskou was.
Die hof het beslis dat hierdie beleid regmatig dus ook moet geld vir diegene wat lewenslange tronkstraf opgelê is voor die 1998-wet van krag geword het.
Op 1 Januarie 2014 het die nuwe Wet op Korrektiewe Dienste van 2012 van krag geword. Dié wet het die wet van 1998 terugwerkend vervang en vereis dat iemand wat ’n lewenslange vonnis opgelê is, eers minstens 25 jaar in die tronk moet deurbring voordat hy/sy op parool vrygelaat mag word.
Florin sal hiervolgens eers in Desember 2024 vir parool kwalifiseer.
Daar is talle bykomende vereistes vir die toestaan van parool aan so ’n persoon, byvoorbeeld goeie gedrag en die moontlikheid van suksesvolle herintegrasie in die gemeenskap. Die toestaan van parool aan so ’n persoon moet deur die staatshoof goedgekeur word en streng toesighoudende voorwaardes sal vir die res van hul lewens geld.
AGTERGROND
Florin is skuldig bevind op onder meer moord, lykskending en regsverydeling.
Hy het sy vrou, Monika Florin, in Junie 1998 in hul huis in Swakopmund vermoor nadat sy Namibiese verblyfpermit van die hand gewys is. Daar is gerugte dat sy vrou hom verbied het om hul twee kinders saam met hom terug Duitsland toe te neem.
Hoewel hy deur die loop van sy verhoor onskuldig gepleit en die aantygings ontken het, het hy in 2013 skuld erken.
- [email protected]
FOTO’s
Die veroordeelde moordenaar Thomas Florin tydens sy en 25 ander oortreders se aansoek vir parool by die hoogeregshof in Augustus 2016. Foto Argief
Thomas Florin wat sy vrou vermoor, gekook en haar oorskot in sy huis se dak weggesteek het en in 1999 tot lewenslank tronkstraf gevonnis is, sal op 1 Desember in die hoërhof in Windhoek verskyn. Foto Argief
Een van die berugste moordenaars in Namibië se geskiedenis, Thomas Florin (54), is in Desember 1999 tot lewenslange tronkstraf gevonnis.
Florin het ’n saak teen onder meer die regering, gevangenisowerhede, voorsitter van die Institusionele Komitee, die ministers van buitelandse sake en van veiligheid en sekuriteit ingedien om ’n derde van sy vonnis op te skort en vrygelaat te word.
Die verweerders staan die saak teen en sê daar is geen basis vir die aansoek nie.
Regter Shafimana Ueitele het vandeesweek die saak na 1 Desember uitgestel.
Florin het in 2016 saam met 25 ander gevangenes ook ’n aansoek om parool ingedien, wat van die hand gewys is.
Hy het in November 2013 ’n soortgelyke aansoek om parool gebring.
Volgens hofstukke is Florin van mening dat die Gevangeniswet van 1998, wat ten tyde van sy skuldigbevinding van krag was, hom in staat stel om sy vonnis te verkort en moes hy glo reeds op 22 Augustus 2016 ’n vry man gewees het.
Volgens die 2016-uitspraak in die hooggeregshof waartydens Florin en 25 ander gevangenes wat lewenslange vonnisse uitdien, met ’n aansoek om vir parool in aanmerking te kom, was die beslissing net van toepassing op die aansoekers in hierdie saak wat lewenslange tronkstraf opgelê is voordat die eertydse Wet op Gevangenisse van 1959 op 15 Augustus 1999 deur Namibië se eerste Wet op Gevangenisse van 1998 vervang is.
Uit die 26 aansoekers het 23 volgens die hofuitspraak vir parool gekwalifiseer.
Florin is op 22 Desember 1999 gevonnis. Volgens die toepassing van die 1959-wet sou iemand met ’n lewenslange vonnis ná 10 jaar vir parool kwalifiseer. Dit was die helfte van die 20 jaar wat destyds as die minimum lengte van “lewenslank” beskou was.
Die hof het beslis dat hierdie beleid regmatig dus ook moet geld vir diegene wat lewenslange tronkstraf opgelê is voor die 1998-wet van krag geword het.
Op 1 Januarie 2014 het die nuwe Wet op Korrektiewe Dienste van 2012 van krag geword. Dié wet het die wet van 1998 terugwerkend vervang en vereis dat iemand wat ’n lewenslange vonnis opgelê is, eers minstens 25 jaar in die tronk moet deurbring voordat hy/sy op parool vrygelaat mag word.
Florin sal hiervolgens eers in Desember 2024 vir parool kwalifiseer.
Daar is talle bykomende vereistes vir die toestaan van parool aan so ’n persoon, byvoorbeeld goeie gedrag en die moontlikheid van suksesvolle herintegrasie in die gemeenskap. Die toestaan van parool aan so ’n persoon moet deur die staatshoof goedgekeur word en streng toesighoudende voorwaardes sal vir die res van hul lewens geld.
AGTERGROND
Florin is skuldig bevind op onder meer moord, lykskending en regsverydeling.
Hy het sy vrou, Monika Florin, in Junie 1998 in hul huis in Swakopmund vermoor nadat sy Namibiese verblyfpermit van die hand gewys is. Daar is gerugte dat sy vrou hom verbied het om hul twee kinders saam met hom terug Duitsland toe te neem.
Hoewel hy deur die loop van sy verhoor onskuldig gepleit en die aantygings ontken het, het hy in 2013 skuld erken.
- [email protected]
FOTO’s
Die veroordeelde moordenaar Thomas Florin tydens sy en 25 ander oortreders se aansoek vir parool by die hoogeregshof in Augustus 2016. Foto Argief
Thomas Florin wat sy vrou vermoor, gekook en haar oorskot in sy huis se dak weggesteek het en in 1999 tot lewenslank tronkstraf gevonnis is, sal op 1 Desember in die hoërhof in Windhoek verskyn. Foto Argief
Kommentaar
Republikein
Geen kommentaar is op hierdie artikel gelaat nie