Staatsmedia se boeke duister
Augetto Graig - Die regering se dagblad, New Era, skuld die ontvanger van inkomste miljoene dollar en wil hê die boetes en rente op dié agterstallige belasting moet afgeskryf word.
New Era moes vandeesweek sy geldsake vir sy 2013-boekjaar aan die parlementêre vaste komitee op staatsrekeninge verduidelik. Teen die einde van dié boekjaar het New Era die belastinggaarder meer as N$40 miljoen geskuld. Dit sluit belasting op toegevoegde waarde (BTW) in wat nooit oorbetaal is nie, asook personeel se inkomstebelasting van N$9,4 miljoen wat ook nooit in die staatskoffers beland het nie. New Era se boetes in Februarie 2014 het reeds N$9,8 miljoen beloop en die SOE se rente op agterstallige skuld was N$5,6 miljoen.
Dr. Audrin Mathe, uitvoerende hoof van New Era, het aan die komitee gesê N$20 miljoen van die agterstallige belastingskuld is reeds vereffen. Sodra die res betaal is, hoop hy om met die ontvanger oor die afskryf van die boetes en rente te onderhandel.
Mnr. Mike Kavekotora, voorsitter van die komitee, wou weet hoe New Era as ’n lopende bedryf kan funksioneer terwyl die SOE se laste sy bates in 2013 met sowat N$2,38 miljoen oorskry het. Mathe se verweer was dat dit reeds die stand van sake was toe hy as hoof oorgeneem het. Mnr. Tarah Shaanika, ’n direkteur van New Era, het gesê deel van die SOE se regrukplan was om ’n omkeerstrategie te implementeer, maar dat die onderneming se skuldlas dit belemmer.
“In die laaste twee of drie jaar kon ons die inkomste vermeerder en die bydrae van die staat het verminder. As ons skuld aan die ontvanger eers betaal en afgeskryf is, sal ons bates meer as ons laste wees,” het hy gesê.
Die NBC was vandeesweek ook op die komitee se tapyt oor sy 2013-boekjaar.
Me. Jantje Daun, wat in dié jaar die NBC se hoofrekenmeester was, het erken dat ’n lêer met kredietnotas ten bedrae van N$7,8 miljoen spoorloos verdwyn het. Bewyse vir televisie-advertensies van N$2,49 miljoen en radio-advertensies van N$1,2 miljoen is ook skoonveld. Televisielisensieboeke word vermis en N$64 miljoen is in ’n “skoonmaakrekening” gehou tydens ’n interne poging om “huis skoon te maak”.
Toe sy die pos by die NBC oorgeneem het, was daar ’n “groot agterstand, stelsels het nie gewerk nie, die netwerk was af, daar was geen reserwekopieë, geen bankrekonsiliasies, kredietrekonsiliasies of debiteurere konsiliasies nie”, het Daun gesê. “Die kontant was daar, maar ons kon geen rekord daarvan opspoor nie,” het sy gesê en die situasie as chaoties beskryf.
Ander kwessies wat die komitee laat frons het, was onverklaarde verskille in senderinkomste en agterstallige skuld van bykans N$20 miljoen wat NBC nie kan invorder nie. Nog ’n doring in die komitee se vlees is NBC-skuld van N$24,6 miljoen aan Huawei Technologies van China vir N$24,6 miljoen en probleme met personeelvergoeding wat tot 70% van NBC se inkomste insluk.
Mnr. Stanley Similo, direkteur-generaal van die NBC, het gesê die uitsaaier het geskiedenis gemaak toe dit twee weke gelede vir die eerste keer sy boeke tot op datum by die ouditeur-generaal ingehandig het.
Beide die NBC en New Era het nie al die dokumente gehad wat die komitee aangevra het nie. Biede moet dus weer voor die komitee verskyn – dié keer met die dokumente.
New Era moes vandeesweek sy geldsake vir sy 2013-boekjaar aan die parlementêre vaste komitee op staatsrekeninge verduidelik. Teen die einde van dié boekjaar het New Era die belastinggaarder meer as N$40 miljoen geskuld. Dit sluit belasting op toegevoegde waarde (BTW) in wat nooit oorbetaal is nie, asook personeel se inkomstebelasting van N$9,4 miljoen wat ook nooit in die staatskoffers beland het nie. New Era se boetes in Februarie 2014 het reeds N$9,8 miljoen beloop en die SOE se rente op agterstallige skuld was N$5,6 miljoen.
Dr. Audrin Mathe, uitvoerende hoof van New Era, het aan die komitee gesê N$20 miljoen van die agterstallige belastingskuld is reeds vereffen. Sodra die res betaal is, hoop hy om met die ontvanger oor die afskryf van die boetes en rente te onderhandel.
Mnr. Mike Kavekotora, voorsitter van die komitee, wou weet hoe New Era as ’n lopende bedryf kan funksioneer terwyl die SOE se laste sy bates in 2013 met sowat N$2,38 miljoen oorskry het. Mathe se verweer was dat dit reeds die stand van sake was toe hy as hoof oorgeneem het. Mnr. Tarah Shaanika, ’n direkteur van New Era, het gesê deel van die SOE se regrukplan was om ’n omkeerstrategie te implementeer, maar dat die onderneming se skuldlas dit belemmer.
“In die laaste twee of drie jaar kon ons die inkomste vermeerder en die bydrae van die staat het verminder. As ons skuld aan die ontvanger eers betaal en afgeskryf is, sal ons bates meer as ons laste wees,” het hy gesê.
Die NBC was vandeesweek ook op die komitee se tapyt oor sy 2013-boekjaar.
Me. Jantje Daun, wat in dié jaar die NBC se hoofrekenmeester was, het erken dat ’n lêer met kredietnotas ten bedrae van N$7,8 miljoen spoorloos verdwyn het. Bewyse vir televisie-advertensies van N$2,49 miljoen en radio-advertensies van N$1,2 miljoen is ook skoonveld. Televisielisensieboeke word vermis en N$64 miljoen is in ’n “skoonmaakrekening” gehou tydens ’n interne poging om “huis skoon te maak”.
Toe sy die pos by die NBC oorgeneem het, was daar ’n “groot agterstand, stelsels het nie gewerk nie, die netwerk was af, daar was geen reserwekopieë, geen bankrekonsiliasies, kredietrekonsiliasies of debiteurere konsiliasies nie”, het Daun gesê. “Die kontant was daar, maar ons kon geen rekord daarvan opspoor nie,” het sy gesê en die situasie as chaoties beskryf.
Ander kwessies wat die komitee laat frons het, was onverklaarde verskille in senderinkomste en agterstallige skuld van bykans N$20 miljoen wat NBC nie kan invorder nie. Nog ’n doring in die komitee se vlees is NBC-skuld van N$24,6 miljoen aan Huawei Technologies van China vir N$24,6 miljoen en probleme met personeelvergoeding wat tot 70% van NBC se inkomste insluk.
Mnr. Stanley Similo, direkteur-generaal van die NBC, het gesê die uitsaaier het geskiedenis gemaak toe dit twee weke gelede vir die eerste keer sy boeke tot op datum by die ouditeur-generaal ingehandig het.
Beide die NBC en New Era het nie al die dokumente gehad wat die komitee aangevra het nie. Biede moet dus weer voor die komitee verskyn – dié keer met die dokumente.
Kommentaar
Republikein
Geen kommentaar is op hierdie artikel gelaat nie