Namibiërs in Turkye veilig ná mislukte staatsgreep
Estelle de Bruyn - Al ses Namibiese studente wat met beurse van die Turkse regering in Turkye studeer, is veilig ná ’n mislukte staatsgreep op 15 Julie.
Die Turkse ambassadeur in Namibië, me. Deniz Çakar, het Vrydag op ’n mediakonferensie in Windhoek gesê die ambassade is in verbinding met die studente wat op verskillende plekke in Turkye studeer. Sy sê die studente het hul solidariteit met die mense van Turkye betoon deur foto’s met die Turkse vlag op sosiale media te publiseer.
’n Namibiese afvaardiging, wat ten tyde van die opstand ’n Unesco-konferensie in Turkye bygewoon het, is ook veilig en het ongedeerd na Namibië teruggekeer.
Gevra oor hoe veilig dit is om nou na Turkye te reis, het Çakar gesê terrorisme kom oral in die wêreld voor en dat dit nie net Turkye is wat daardeur geraak word nie. In die nadraai van die mislukte staatsgreep is veiligheidsmaatreëls in Turkye verskerp midde die gewilde vakansieseisoen in die land. “Ek kan nie sê dat dit onveilig is om na Turkye te gaan nie,” het sy gesê.
’n Faksie van die Turkse gewapende magte het die aand van 15 Julie probeer om die regering van pres. Recep Tayyip Erdogan omver te werp.
“Die boosdoeners het op hul eie mense gevuur, hul bevelvoerders verraai en die nasionale parlement en die kantoor van die president gebombardeer,” het Çakar gesê.
Sy sê dit is grootliks die Turkse bevolking en die media wat die staatsgreep afgeweer het.
Meer as 7 500 mense word aangehou en 218 is in hegtenis geneem. Van die samesweerders is 24 dood en 50 gewond. Altesaam 240 Turke is dood en meer as 1 400 gewond. Onder die oorledenes is 62 polisiebeamptes, vyf militêre personeel en 173 burgerlikes. Meer as 50 000 staatsdienswerkers is sedertdien uit hul poste geskors.
Çakar het die versekering gegee dat die reg sy gang sal gaan ingevolge die noodtoestand wat in die land afgekondig is en dat diegene wat ná die ondersoek onskuldig bevind word, niks het om te vrees nie.
Die agt lede van die Turkse lugmag wat ’n helikopter van die lugmag gesteel en na Griekeland gevlug het, staan tereg in Griekeland omdat hulle die land se lugruim geskend het. Volgens Çakar hoop Ankara dat hulle spoedig aan Turkye uitgelewer sal word.
Hierbenewens wil Turkye hê die geestelike leier, Fethullah Gülen, wat in Amerika woon, en volgens die Turkse owerhede die meesterbrein van die komplot is, moet aan Turkye uitgelewer word.
Çakar sê Turkse owerhede beskik oor voldoende bewyse dat die Fethullah Gülen terroriste-organisasie (FETÖ) agter die sameswering sit. Die bewyse sal aan die Amerikaanse owerhede oorhandig word om Gülen se uitleweringsversoek te steun.
“Die regering en ons nasie bly waaksaam teen moontlike pogings deur individue en oorblywende selle van die samesweerders wat wraak mag neem of die openbare orde in die gedrang wil bring.
“Die afskuwelike aanval is beplan en uitgevoer in ’n tyd wat ons land reeds teen PKK/YPG en Deash (Islamitiese Staat-groep [IS]) veg,” het Çakar gesê.
Sy het daarop gewys dat van die internasionale mediaberigte oor menseregteskendings ten tyde van die noodtoestand dikwels verdraai is.
Wat Turkye se internasionale betrekkinge betref, het Çakar gesê dinge is onveranderd en dat Turkye voortgaan om Namibië as ’n goeie vriend te
beskou. Internasionale samewerking is gevolglik nie deur die politieke krisis geraak nie.
Die Turkse ambassadeur in Namibië, me. Deniz Çakar, het Vrydag op ’n mediakonferensie in Windhoek gesê die ambassade is in verbinding met die studente wat op verskillende plekke in Turkye studeer. Sy sê die studente het hul solidariteit met die mense van Turkye betoon deur foto’s met die Turkse vlag op sosiale media te publiseer.
’n Namibiese afvaardiging, wat ten tyde van die opstand ’n Unesco-konferensie in Turkye bygewoon het, is ook veilig en het ongedeerd na Namibië teruggekeer.
Gevra oor hoe veilig dit is om nou na Turkye te reis, het Çakar gesê terrorisme kom oral in die wêreld voor en dat dit nie net Turkye is wat daardeur geraak word nie. In die nadraai van die mislukte staatsgreep is veiligheidsmaatreëls in Turkye verskerp midde die gewilde vakansieseisoen in die land. “Ek kan nie sê dat dit onveilig is om na Turkye te gaan nie,” het sy gesê.
’n Faksie van die Turkse gewapende magte het die aand van 15 Julie probeer om die regering van pres. Recep Tayyip Erdogan omver te werp.
“Die boosdoeners het op hul eie mense gevuur, hul bevelvoerders verraai en die nasionale parlement en die kantoor van die president gebombardeer,” het Çakar gesê.
Sy sê dit is grootliks die Turkse bevolking en die media wat die staatsgreep afgeweer het.
Meer as 7 500 mense word aangehou en 218 is in hegtenis geneem. Van die samesweerders is 24 dood en 50 gewond. Altesaam 240 Turke is dood en meer as 1 400 gewond. Onder die oorledenes is 62 polisiebeamptes, vyf militêre personeel en 173 burgerlikes. Meer as 50 000 staatsdienswerkers is sedertdien uit hul poste geskors.
Çakar het die versekering gegee dat die reg sy gang sal gaan ingevolge die noodtoestand wat in die land afgekondig is en dat diegene wat ná die ondersoek onskuldig bevind word, niks het om te vrees nie.
Die agt lede van die Turkse lugmag wat ’n helikopter van die lugmag gesteel en na Griekeland gevlug het, staan tereg in Griekeland omdat hulle die land se lugruim geskend het. Volgens Çakar hoop Ankara dat hulle spoedig aan Turkye uitgelewer sal word.
Hierbenewens wil Turkye hê die geestelike leier, Fethullah Gülen, wat in Amerika woon, en volgens die Turkse owerhede die meesterbrein van die komplot is, moet aan Turkye uitgelewer word.
Çakar sê Turkse owerhede beskik oor voldoende bewyse dat die Fethullah Gülen terroriste-organisasie (FETÖ) agter die sameswering sit. Die bewyse sal aan die Amerikaanse owerhede oorhandig word om Gülen se uitleweringsversoek te steun.
“Die regering en ons nasie bly waaksaam teen moontlike pogings deur individue en oorblywende selle van die samesweerders wat wraak mag neem of die openbare orde in die gedrang wil bring.
“Die afskuwelike aanval is beplan en uitgevoer in ’n tyd wat ons land reeds teen PKK/YPG en Deash (Islamitiese Staat-groep [IS]) veg,” het Çakar gesê.
Sy het daarop gewys dat van die internasionale mediaberigte oor menseregteskendings ten tyde van die noodtoestand dikwels verdraai is.
Wat Turkye se internasionale betrekkinge betref, het Çakar gesê dinge is onveranderd en dat Turkye voortgaan om Namibië as ’n goeie vriend te
beskou. Internasionale samewerking is gevolglik nie deur die politieke krisis geraak nie.
Kommentaar
Republikein
Geen kommentaar is op hierdie artikel gelaat nie