Lou ekonomie skrik BWH nie af
Wins styg wéér met 20%
Jo-Maré Duddy - “Vat vyf!” is ongetwyfeld hoe Bank Windhoek Holdings (BWH) se beleggers mekaar Donderdag ná die vrystelling van dié groep se jaarresultate vir 2016 gegroet het: Dit is die vyfde opeenvolgende jaar dat BWH se wins met meer as 20% gegroei het.
Finansiële resultate vir die jaar tot einde Junie 2016 wat Donderdag op die Namibiese aandelebeurs (NSX) bekend gemaak is, toon BWH het ’n wins ná belasting van bykans N$905,1 miljoen gemaak, 20,2% meer as die vorige jaar se sowat N$753 miljoen.
“Uitstekende groei,” is hoe IJG Securities BWH se vertoning in hul kitsontleding van die groep se jongste resultate beskryf. “Beleggers gaan baie gelukkig met dié resultate wees,” is PSG Namibia se eerste indruk. IJG sê BWH se syfers is veral indrukwekkend gegewe die toenemende makro-ekonomiese uitdagings wat Namibië in die gesig staar.
Tydens ’n ontbytsessie Vrydagoggend het Thinus Prinsloo, besturende direkteur van BWH, van dié uitdagings uitgelig. Groei in kredietverlening aan die private sektor verlangsaam vanweë hoer rentekoerse en het in 2015 op ’n gemiddeld van 15,4% vasgesteek. Prinsloo sê dié groei sal na verwagting vanjaar verder tot sowat 12,6% afkoel en sal sy afwaartse neiging tot in 2017 voortsit.
Lenings en voorskotte wat in BWH se 2016-boekjaar toegestaan is, het sowat N$26,6 miljard beloop, ’n styging van 12,6% teenoor die vorige boekjaar. In 2015 het dié bedrag met 16,7% teenoor 2014 gegroei. BWH sê 2016 se laer groei weerspieël dié van die bankwese. Groei in die afgelope boekjaar is veral deur oortrokke rekeninggeriewe en verbandlenings aangevuur.
In reaksie op die “meer uitdagende ekonomiese omgewing” het BWH sy proses vir kredietassessering in die eerste helfte van die jaar hersien en ’n “versigtiger leningsbenadering” gevolg.
Wanpresterende lenings (NPL’s) as ’n persentasie van bruto lenings en voorskotte het van 1,09% in 2015 tot 1,32% in 2016 gestyg. Jaco Esterhuyse, hoof finansiële beampte van BWH, sê dié verhoging moet in die lig van ’n “baie lae basis” beskou word en dat dit steeds gerieflik binne aanvaarde banknorme val. Waardedalingsverliese het met 4,2% tot N$60,8 miljoen gestyg en verteenwoordig slegs 0,2% van BWH se totale leningsboek.
Bedryfsvertoning
BWH se bedryfsinkomste vir die jaar onder oorsig was meer as N$2,35 miljard, 16,3% meer as in 2015. Bedryfsuitgawes het met 13,2% tot N$1,18 miljard gestyg, hoofsaaklik vanweë personeelkoste en uitgawes verbonde aan tegnologie. Dit het BWH met ’n bedryfswins van meer as N$1,17 miljard gelaat, sowat 19,6% hoër as in 2015. Die groep se koste in verhouding tot sy inkomste het van 51,6% tot 50,2% verbeter.
Nie-rente-inkomste vir 2016 was sowat N$953,8 miljoen, bykans 17,3% meer. Netto rente-inkomste ná waardedalingskoste was meer as N$1,39 miljard, bykans 15,6% hoer as in 2015. Dit is die derde opeenvolgende jaar dat groei in nie-rente-inkomste dié van netto rente-inkomste ná waardedalingskoste oortref.
Esterhuyse sê nie-rente-inkomste het 40,6% tot BWH se bedryfsinkomste die afgelope boekjaar bygedra, terwyl dit 80,8% van die groep se bedryfsuitgawes gedek het. In die 2015-boekjaar was dié persentasies 40,2% en 78% onderskeidelik.
BWH skryf dié positiewe syfers toe aan die diversifisering van sy inkomstestrome. Transaksie-gebaseerde inkomste en verhandelingsinkomste het stewige groei getoon. Eersgenoemde met 8,1% ondanks die afskaffing van fooie op kontantdeposito’s in April 2015. Verhandelingsinkomste se bydrae tot nie-rente-inkomste het van 11,8% in 2015 tot 15% vanjaar verhoog vanweë kwanza-verhandeling en die skommelings in wisselkoersmarkte.
Bates
Teen die einde van Junie vanjaar het BWH se totale bates meer as N$32,3 miljard beloop, ’n verhoging van bykans 13% teenoor 2015.
Die groep beskik oor voldoende risiko-gebaseerde kapitaal met die verhouding wat op 15,8% staan teenoor die Bank of Namibia (BoN) se minimumvereiste van 10%.
BWH se verdienste per aandeel (EPS) vir sy afgelope boekjaar was 181,2c, ’n styging van 20,5% vergeleke 2015. Die groep se netto batewaarde per aandeel het met 17,6% tot 856c gestyg.
BWH het ’n dividend van 66c per gewone aandeel vir die 2016-boekjaar verklaar, 24,5% hoer as in 2015.
Finansiële resultate vir die jaar tot einde Junie 2016 wat Donderdag op die Namibiese aandelebeurs (NSX) bekend gemaak is, toon BWH het ’n wins ná belasting van bykans N$905,1 miljoen gemaak, 20,2% meer as die vorige jaar se sowat N$753 miljoen.
“Uitstekende groei,” is hoe IJG Securities BWH se vertoning in hul kitsontleding van die groep se jongste resultate beskryf. “Beleggers gaan baie gelukkig met dié resultate wees,” is PSG Namibia se eerste indruk. IJG sê BWH se syfers is veral indrukwekkend gegewe die toenemende makro-ekonomiese uitdagings wat Namibië in die gesig staar.
Tydens ’n ontbytsessie Vrydagoggend het Thinus Prinsloo, besturende direkteur van BWH, van dié uitdagings uitgelig. Groei in kredietverlening aan die private sektor verlangsaam vanweë hoer rentekoerse en het in 2015 op ’n gemiddeld van 15,4% vasgesteek. Prinsloo sê dié groei sal na verwagting vanjaar verder tot sowat 12,6% afkoel en sal sy afwaartse neiging tot in 2017 voortsit.
Lenings en voorskotte wat in BWH se 2016-boekjaar toegestaan is, het sowat N$26,6 miljard beloop, ’n styging van 12,6% teenoor die vorige boekjaar. In 2015 het dié bedrag met 16,7% teenoor 2014 gegroei. BWH sê 2016 se laer groei weerspieël dié van die bankwese. Groei in die afgelope boekjaar is veral deur oortrokke rekeninggeriewe en verbandlenings aangevuur.
In reaksie op die “meer uitdagende ekonomiese omgewing” het BWH sy proses vir kredietassessering in die eerste helfte van die jaar hersien en ’n “versigtiger leningsbenadering” gevolg.
Wanpresterende lenings (NPL’s) as ’n persentasie van bruto lenings en voorskotte het van 1,09% in 2015 tot 1,32% in 2016 gestyg. Jaco Esterhuyse, hoof finansiële beampte van BWH, sê dié verhoging moet in die lig van ’n “baie lae basis” beskou word en dat dit steeds gerieflik binne aanvaarde banknorme val. Waardedalingsverliese het met 4,2% tot N$60,8 miljoen gestyg en verteenwoordig slegs 0,2% van BWH se totale leningsboek.
Bedryfsvertoning
BWH se bedryfsinkomste vir die jaar onder oorsig was meer as N$2,35 miljard, 16,3% meer as in 2015. Bedryfsuitgawes het met 13,2% tot N$1,18 miljard gestyg, hoofsaaklik vanweë personeelkoste en uitgawes verbonde aan tegnologie. Dit het BWH met ’n bedryfswins van meer as N$1,17 miljard gelaat, sowat 19,6% hoër as in 2015. Die groep se koste in verhouding tot sy inkomste het van 51,6% tot 50,2% verbeter.
Nie-rente-inkomste vir 2016 was sowat N$953,8 miljoen, bykans 17,3% meer. Netto rente-inkomste ná waardedalingskoste was meer as N$1,39 miljard, bykans 15,6% hoer as in 2015. Dit is die derde opeenvolgende jaar dat groei in nie-rente-inkomste dié van netto rente-inkomste ná waardedalingskoste oortref.
Esterhuyse sê nie-rente-inkomste het 40,6% tot BWH se bedryfsinkomste die afgelope boekjaar bygedra, terwyl dit 80,8% van die groep se bedryfsuitgawes gedek het. In die 2015-boekjaar was dié persentasies 40,2% en 78% onderskeidelik.
BWH skryf dié positiewe syfers toe aan die diversifisering van sy inkomstestrome. Transaksie-gebaseerde inkomste en verhandelingsinkomste het stewige groei getoon. Eersgenoemde met 8,1% ondanks die afskaffing van fooie op kontantdeposito’s in April 2015. Verhandelingsinkomste se bydrae tot nie-rente-inkomste het van 11,8% in 2015 tot 15% vanjaar verhoog vanweë kwanza-verhandeling en die skommelings in wisselkoersmarkte.
Bates
Teen die einde van Junie vanjaar het BWH se totale bates meer as N$32,3 miljard beloop, ’n verhoging van bykans 13% teenoor 2015.
Die groep beskik oor voldoende risiko-gebaseerde kapitaal met die verhouding wat op 15,8% staan teenoor die Bank of Namibia (BoN) se minimumvereiste van 10%.
BWH se verdienste per aandeel (EPS) vir sy afgelope boekjaar was 181,2c, ’n styging van 20,5% vergeleke 2015. Die groep se netto batewaarde per aandeel het met 17,6% tot 856c gestyg.
BWH het ’n dividend van 66c per gewone aandeel vir die 2016-boekjaar verklaar, 24,5% hoer as in 2015.
Kommentaar
Republikein
Geen kommentaar is op hierdie artikel gelaat nie