Landrovers skop ’n bietjie rem voor groot aanslag
Des Erasmus - Miskien nie vanjaar reeds nie, maar die wêreldrekord vir ’n saamtrek bly in die visier van die vereniging van Landrover-eienaars in Namibië.
Suid-Afrika verskyn in die rekordboeke met 1 007 Landrovers, langs mekaar sewe km ver, op ’n enkele byeenkoms. Dit lyk nou buite die bereik van Landrover-eienaars Namibië op hul saamtrek van die naweek op Uis. Teikens word wel gestel in die opmars na meer as 1 007 Landrovers wat deur die Guinness-rekordboek erken word.
Verlede week se 428 Landcruisers in Suid-Afika kan net dalk op Uis gehaal word. Daardie Cruisers het in ’n konvooi gery wat oor 28 km gestrek het.
Henry Bisschoff, sentmeester van Landrover-eienaars Namibië, sê die besluit om op die rekord te verbeter, het ’n bietjie te knap op die Uis-saamtrek gekom. Onverwagse geesdrif het wel gekom waar dit nie aanvanklik verwag is nie. In die verband noem hy die voorbeeld van navrae uit Rusland met die oog op die toekoms. Vroeg-vroeg was daar ook belangstelling uit Brittanje, maar ook in daardie geval was die kennisgewing van die aanslag ’n bietjie knap. Kennis is ook geneem van belangstelling deur oorsese tydskrifte oor viertrekvoertuie.
Volgens hom was terugslae ’n verhuringsmaatskappy van Landrovers in Johannesburg. Toe met die Uis-plan begin is, was al die Landrovers van die agentskap reeds vir die naweek verhuur.
Van die eerste oomblik was daar ondersteuning van eienaars in Suid-Afrika en Botswana. Van hulle was saamryers na Namibië. Organiseerders van die Uis-saamtrek reken steeds op verteenwoordiging deur die twee buurlande.
Bisschoff het aan Republikein gesê opvallend is dat verskeie deelnemers nuwe lewe vir ou karre met die aankondiging van die Uis-byeenkoms gekry het. “Van die Landrovers wat verwag word, is ouer as vyftig jaar. Selfs van die goed wat nog met ’n slinger aan die gang gekry word, word op Uis verwag.”
Toe hy oor ’n moontlike opkoms van Landrovers gevra is, het hy gesê hy skat net meer as so 350 van die beproefde viertrektuie.
Goeie samewerking
Hy het gewag gemaak van die uitstekende samewerking wat deur herbergiers van Uis vir die saamtrek gegee is. Skoonmaakveldtogte van die kampterreine is afgehandel en ’n mobiele toiletdiens is geskep. Vir vullisverwydering gaan ’n spanpoging die naweek aangewend word.
Die Uis-saamtrek begin môre om 07:00. Hoogtepunte op die eerste dag is ’n goudstormloop met die gebruik van GPS-aanduidinge en ’n skattejag in Landrovers op en om Uis.
Saterdag gaan kraampies met bykomstighede vir Landrovers kom en ’n uitdaagreeks gaan teen die steiltes van Uis se ou mynhope beslis word. ’n Tydtoets vir die ruil van ’n Landroverwiel sal ook afgehandel word.
Vroeg Sondagoggend gaan ’n optog van Landrovers volg en teen die tienuur behoort vanjaar se byeenkoms afgehandel te wees.
Suid-Afrika verskyn in die rekordboeke met 1 007 Landrovers, langs mekaar sewe km ver, op ’n enkele byeenkoms. Dit lyk nou buite die bereik van Landrover-eienaars Namibië op hul saamtrek van die naweek op Uis. Teikens word wel gestel in die opmars na meer as 1 007 Landrovers wat deur die Guinness-rekordboek erken word.
Verlede week se 428 Landcruisers in Suid-Afika kan net dalk op Uis gehaal word. Daardie Cruisers het in ’n konvooi gery wat oor 28 km gestrek het.
Henry Bisschoff, sentmeester van Landrover-eienaars Namibië, sê die besluit om op die rekord te verbeter, het ’n bietjie te knap op die Uis-saamtrek gekom. Onverwagse geesdrif het wel gekom waar dit nie aanvanklik verwag is nie. In die verband noem hy die voorbeeld van navrae uit Rusland met die oog op die toekoms. Vroeg-vroeg was daar ook belangstelling uit Brittanje, maar ook in daardie geval was die kennisgewing van die aanslag ’n bietjie knap. Kennis is ook geneem van belangstelling deur oorsese tydskrifte oor viertrekvoertuie.
Volgens hom was terugslae ’n verhuringsmaatskappy van Landrovers in Johannesburg. Toe met die Uis-plan begin is, was al die Landrovers van die agentskap reeds vir die naweek verhuur.
Van die eerste oomblik was daar ondersteuning van eienaars in Suid-Afrika en Botswana. Van hulle was saamryers na Namibië. Organiseerders van die Uis-saamtrek reken steeds op verteenwoordiging deur die twee buurlande.
Bisschoff het aan Republikein gesê opvallend is dat verskeie deelnemers nuwe lewe vir ou karre met die aankondiging van die Uis-byeenkoms gekry het. “Van die Landrovers wat verwag word, is ouer as vyftig jaar. Selfs van die goed wat nog met ’n slinger aan die gang gekry word, word op Uis verwag.”
Toe hy oor ’n moontlike opkoms van Landrovers gevra is, het hy gesê hy skat net meer as so 350 van die beproefde viertrektuie.
Goeie samewerking
Hy het gewag gemaak van die uitstekende samewerking wat deur herbergiers van Uis vir die saamtrek gegee is. Skoonmaakveldtogte van die kampterreine is afgehandel en ’n mobiele toiletdiens is geskep. Vir vullisverwydering gaan ’n spanpoging die naweek aangewend word.
Die Uis-saamtrek begin môre om 07:00. Hoogtepunte op die eerste dag is ’n goudstormloop met die gebruik van GPS-aanduidinge en ’n skattejag in Landrovers op en om Uis.
Saterdag gaan kraampies met bykomstighede vir Landrovers kom en ’n uitdaagreeks gaan teen die steiltes van Uis se ou mynhope beslis word. ’n Tydtoets vir die ruil van ’n Landroverwiel sal ook afgehandel word.
Vroeg Sondagoggend gaan ’n optog van Landrovers volg en teen die tienuur behoort vanjaar se byeenkoms afgehandel te wees.
Kommentaar
Republikein
Geen kommentaar is op hierdie artikel gelaat nie