Kinders sterf toe skoolkar rol
Des Erasmus - Twee kinders en die bestuurder van ’n ligte vragmotor is vroeg gisteroggend net buite Karibib op pad na Usakos dood toe die voertuig gerol het.
Nog vier kinders met ernstige kop- en inwendige beserings is vir behandeling na Windhoek geneem. Nog twaalf kinders is vir ligter beserings in die staatshospitaal op Usakos behandel en van hulle is toegelaat om huis toe te gaan.
Gistermiddag was daar kommer oor die toestand van twee van die vier kinders wat in Windhoek behandel word. Die ligte vragmotor wat as ’n skoolbussie gebruik is, was met die bestuurder en 18 kinders van Karibib op pad na Usakos toe die ongeluk gebeur het. Volgens aanduidinge op die toneel het een van die buitebande van die voertuig gebars voordat dit verskeie kere gerol het.
Met die rolslag het die kappie van die dubbelkajuitbakkie afgeval met die kinders wat uitgegooi was om ’n toneel van verwoesting te laat. Toe reddingswerkers van Usakos, ’n insleepdiens, paramedici van ambulansdienste en ’n noodspan van die gesondheidsafdeling van die Navachabmyn by Karibib op die toneel gekom het, was twee kinders en die bestuurder, volgens die verslae mnr. Brian Tjongarero, reeds dood. Die naam van een van die kinders wat gesterf het, is op Karibib as Geraldine Makwena (13), verstrek. Die ander oorledene, blykbaar ook ’n meisie, se naam was gistermiddag nog nie verstrek nie. Dit is wel bekend dat sy in graad 11 was.
Die naam Hazel Hays is verstrek vir een van die beseerdes wat in Windhoek behandel word.
Op die toneel het die eerste reddingswerkers die skooltasse getel om te probeer vasstel hoeveel kinders betrokke was. Daar is vasgestel dat van die jongste kinders in graad 3 was met die oudstes in graad 11. Tussen die wrakstukke is op kinders se kospakkies vir die enkele skooldag afgekom.
Die kinders was van Karibib, maar op die naburige Usakos op skool Die plasings op ’n buurdorp sowat 30 km van Karibib is onder meer deur vol skole aan die begin van die skooljaar meegebring. Die vragmotor was gereeld vir die vervoer van kinders tussen dié dorpe gebruik.
Nog vier kinders met ernstige kop- en inwendige beserings is vir behandeling na Windhoek geneem. Nog twaalf kinders is vir ligter beserings in die staatshospitaal op Usakos behandel en van hulle is toegelaat om huis toe te gaan.
Gistermiddag was daar kommer oor die toestand van twee van die vier kinders wat in Windhoek behandel word. Die ligte vragmotor wat as ’n skoolbussie gebruik is, was met die bestuurder en 18 kinders van Karibib op pad na Usakos toe die ongeluk gebeur het. Volgens aanduidinge op die toneel het een van die buitebande van die voertuig gebars voordat dit verskeie kere gerol het.
Met die rolslag het die kappie van die dubbelkajuitbakkie afgeval met die kinders wat uitgegooi was om ’n toneel van verwoesting te laat. Toe reddingswerkers van Usakos, ’n insleepdiens, paramedici van ambulansdienste en ’n noodspan van die gesondheidsafdeling van die Navachabmyn by Karibib op die toneel gekom het, was twee kinders en die bestuurder, volgens die verslae mnr. Brian Tjongarero, reeds dood. Die naam van een van die kinders wat gesterf het, is op Karibib as Geraldine Makwena (13), verstrek. Die ander oorledene, blykbaar ook ’n meisie, se naam was gistermiddag nog nie verstrek nie. Dit is wel bekend dat sy in graad 11 was.
Die naam Hazel Hays is verstrek vir een van die beseerdes wat in Windhoek behandel word.
Op die toneel het die eerste reddingswerkers die skooltasse getel om te probeer vasstel hoeveel kinders betrokke was. Daar is vasgestel dat van die jongste kinders in graad 3 was met die oudstes in graad 11. Tussen die wrakstukke is op kinders se kospakkies vir die enkele skooldag afgekom.
Die kinders was van Karibib, maar op die naburige Usakos op skool Die plasings op ’n buurdorp sowat 30 km van Karibib is onder meer deur vol skole aan die begin van die skooljaar meegebring. Die vragmotor was gereeld vir die vervoer van kinders tussen dié dorpe gebruik.
Kommentaar
Republikein
Geen kommentaar is op hierdie artikel gelaat nie