Beweerde renosterstropers moet wag vir borgtog
Betogings staan dit teen
Des Erasmus - Sewe beweerde renosterstropers se aansoek om borgtog staan oor tot 29 Augustus nadat hulle Dinsdag en Woensdag op Omaruru voor landdros Abel Sankwasa verskyn het. Drie dae, 29, 30 en 31 Augustus, is vir die voortsetting van die hofgeding afgesonder.
Die sewe beskuldigdes is Naftali Tjiveze (44), Jazungua Karunga (34), Thomas Unhgula (32), Johannes Kuutondokwa (ouderdom onbekend), Frans Tjirondero (32), Meingo Simon (36) en Oiva Nekondjo (ouderdom onbekend). Drie van die beskuldigdes het regsverteenwoordiging en die ander vier neem hul eie verediging en aansoeke om borgtog waar.
Al sewe bly in aanhouding nadat landdros Sankwasa nog nie oor hul aansoeke beslis het nie. Die staat se saak word deur die beheeraanklaer, Louis Chegune, behartig. Die mans verskyn op drie klagte van die onwettige besit van vuurwapens, die onwettige jag van beskermde wild en van betreding.
Namens die staat word die aansoek om borgtog teengestaan op grond van moontlike inmenging deur die beskuldigdes in die volgehoue polisieondersoek. Die staat voer aan die beskuldigdes kan moontlike borgtog verbeur en probeer wegkom. Daar word ook beweer stropery is algemeen en dit sou nie in belang van die publiek wees om borgtog aan die sogenaamde Renoster 7 toe te staan nie.
Hul verskyning om vir borgtog aansoek te doen, het met ’n groot kleindorpse betoging saamgeval. Onder die plakkaatswaaiers was hoofmanne van kommunale gebiede by Khorixas en Uis, wat ver na Omaruru gery het om hul verset te demonstreer. Net voor die hofverrigtinge was daar 86 betogers oor alle kultuurgrense heen. Aanvanklik is gemeen dat net een versoekskrif teen die mans se vrylating by die landdroskantoor ingedien sou word. Toe was daar die versoekskrif met briewe en handtekeninge van lede van die Omaruru distrikswag, die bergbewaringsgebied en bewaringsgebiede en dorpenaars en boere.
In die versoekskrif word verklaar renosters is ’n bedreigde spesie wat deur uitwissing bedreig word. Renosters word as ’n nasionale bate bestempel en daar word na enkelinge verwys wat hulleself ten koste van die Namibiese nasie wil verryk. Die petisionarisse wys ook op ’n moontlikheid dat die beweerde stropers die land sou verlaat, sou borgtog aan hulle toegeken word. Dan sal hulle nie vir hul verhoor terugkeer na Namibië nie. Daar word ook op ’n gevaar gewys dat die beweerde renosterjagters met hul jagtogte sou voortggaan, sou hul borgtogaansoeke slaag.
Die mans se verskyning spruit uit ’n jagtog vanjaar op 14 en 15 Maart op ’n plaas tussen Omaruru en Kalkfeld. Een van die beweerde renosterjagters is in die veld op die plaas aangekeer, nog een ’n paar uur later in ’n straat op Omaruru en nog twee die aand en die volgende dag op Kalkfeld. ’n Vyfde beweerde jagter is naby Oshakati gevang en nog twee mans meer as ’n maand later by Otapi in die noorde.
Die man op Omaruru is by ’n bakkie aangekeer. Op die bakkie het die dienaars van die gereg glo op jagtoerusting afgekom. In die veld is beweer dat twee renosters net lig gewond was.
Die sewe beskuldigdes is Naftali Tjiveze (44), Jazungua Karunga (34), Thomas Unhgula (32), Johannes Kuutondokwa (ouderdom onbekend), Frans Tjirondero (32), Meingo Simon (36) en Oiva Nekondjo (ouderdom onbekend). Drie van die beskuldigdes het regsverteenwoordiging en die ander vier neem hul eie verediging en aansoeke om borgtog waar.
Al sewe bly in aanhouding nadat landdros Sankwasa nog nie oor hul aansoeke beslis het nie. Die staat se saak word deur die beheeraanklaer, Louis Chegune, behartig. Die mans verskyn op drie klagte van die onwettige besit van vuurwapens, die onwettige jag van beskermde wild en van betreding.
Namens die staat word die aansoek om borgtog teengestaan op grond van moontlike inmenging deur die beskuldigdes in die volgehoue polisieondersoek. Die staat voer aan die beskuldigdes kan moontlike borgtog verbeur en probeer wegkom. Daar word ook beweer stropery is algemeen en dit sou nie in belang van die publiek wees om borgtog aan die sogenaamde Renoster 7 toe te staan nie.
Hul verskyning om vir borgtog aansoek te doen, het met ’n groot kleindorpse betoging saamgeval. Onder die plakkaatswaaiers was hoofmanne van kommunale gebiede by Khorixas en Uis, wat ver na Omaruru gery het om hul verset te demonstreer. Net voor die hofverrigtinge was daar 86 betogers oor alle kultuurgrense heen. Aanvanklik is gemeen dat net een versoekskrif teen die mans se vrylating by die landdroskantoor ingedien sou word. Toe was daar die versoekskrif met briewe en handtekeninge van lede van die Omaruru distrikswag, die bergbewaringsgebied en bewaringsgebiede en dorpenaars en boere.
In die versoekskrif word verklaar renosters is ’n bedreigde spesie wat deur uitwissing bedreig word. Renosters word as ’n nasionale bate bestempel en daar word na enkelinge verwys wat hulleself ten koste van die Namibiese nasie wil verryk. Die petisionarisse wys ook op ’n moontlikheid dat die beweerde stropers die land sou verlaat, sou borgtog aan hulle toegeken word. Dan sal hulle nie vir hul verhoor terugkeer na Namibië nie. Daar word ook op ’n gevaar gewys dat die beweerde renosterjagters met hul jagtogte sou voortggaan, sou hul borgtogaansoeke slaag.
Die mans se verskyning spruit uit ’n jagtog vanjaar op 14 en 15 Maart op ’n plaas tussen Omaruru en Kalkfeld. Een van die beweerde renosterjagters is in die veld op die plaas aangekeer, nog een ’n paar uur later in ’n straat op Omaruru en nog twee die aand en die volgende dag op Kalkfeld. ’n Vyfde beweerde jagter is naby Oshakati gevang en nog twee mans meer as ’n maand later by Otapi in die noorde.
Die man op Omaruru is by ’n bakkie aangekeer. Op die bakkie het die dienaars van die gereg glo op jagtoerusting afgekom. In die veld is beweer dat twee renosters net lig gewond was.
Kommentaar
Republikein
Geen kommentaar is op hierdie artikel gelaat nie